D Empire Radio 104.3 Wave FM Cotabato City

13/08/2026

13/08/2026

BARMM, INILUNSAD ANG BAGONG BANGSAMORO GOVERNMENT CENTER SA PARANG

PARANG, MAGUINDANAO DEL NORTE — Pormal na inilunsad ngayong Agosto 13, 2026 ang bagong Bangsamoro Government Center (BGC) sa Barangay Landasan, Parang, Maguindanao del Norte.

Pinangunahan ng Bangsamoro Government ang seremonya na nagsisilbing unang hakbang sa pagpapaunlad ng bagong sentro ng pamahalaan ng BARMM.

Layunin ng BGC na magsilbing pangunahing espasyo para sa mga operasyon ng pamahalaan at mga development-related activities sa rehiyon, alinsunod sa Agenda ni Chief Minister Abdulraof Macacua.

Dumalo sa aktibidad ang mga kinatawan mula sa mga national at international development partners, mga lider ng Bangsamoro at mga lokal na opisyal ng pamahalaan.

Kabilang sa programa ang presentasyon ng proyekto, mga mensahe mula sa mga panauhin, at seremonya ng groundbreaking at ceremonial turning of soil bilang simbolo ng pagsisimula ng mahalagang development initiative.

Ang paglulunsad ay bahagi rin ng hakbang ng Bangsamoro Government tungo sa pagtatatag ng administrative capital nito sa Parang. Ang pagtatakda ng Parang bilang seat of government ng BARMM ay nakapaloob sa Bangsamoro Autonomy Act No. 37. (parliament.bangsamoro.gov.ph⁠)

Ang aktibidad ay inayos ng BARMM Unified Program Management Office (UPMO) katuwang ang mga concerned offices at stakeholders.

12/08/2026

Binaril ng Riding-in-Tandem sa Sultan Mastura Ang isang Bank Collector

SULTAN MASTURA, MAGUINDANAO DEL NORTE — Sugatan ang isang bank collector matapos barilin ng dalawang hindi pa nakikilalang lalaki na sakay ng motorsiklo sa Barangay Macabiso, Sultan Mastura, pasado alas-1 ng hapon nitong Miyerkules, Agosto 12.2026

Kinilala ang biktima na si Jeffry Imbang Jalbuna, nasa hustong gulang, may asawa, at collector ng Cooperative Bank of Cotabato.

Ayon sa pulisya, nangyari ang pamamaril habang nangongolekta ng bayad sa mga borrower ang biktima kasama ang iba pang empleyado ng bangko.

Bigla umanong dumating ang dalawang suspek at pinaputukan ng back rider ang biktima bago mabilis na tumakas sakay ng motorsiklo.

Dalawang tama ng bala ang tinamo ni Jalbuna—sa kanang balakang at kaliwang braso. Agad siyang isinugod sa Sanitarium Hospital at nasa stable condition na.

Patuloy ang hot pursuit operation at imbestigasyon ng Sultan Mastura PNP upang matukoy ang mga suspek at motibo sa pamamaril.
(Nhor Uyag)

12/08/2026

12/08/2026

12/08/2026

COMELEC, NANAWAGAN NG MALINIS AT MAPAYAPANG BARMM ELECTIONS

Nanawagan ang COMELEC sa mga kandidato, political parties at botante na sumunod sa mga patakaran upang maging maayos at mapayapa ang BARMM Parliamentary Elections sa Setyembre 14.

Ayon kay Atty. Muamar A. Guyo, Acting City Election Officer, positibo ang security situation sa Cotabato City at wala pa umanong seryosong election violations na naitatala.

Patuloy naman ang pagbaklas sa mga campaign materials na nakapaskil sa mga hindi itinalagang lugar.

Hinimok din ng COMELEC ang mga botante na bumoto at piliing mabuti ang kanilang mga kandidato. Patuloy rin ang voters’ education sa mga barangay bilang paghahanda sa halalan.
(Nhor Uyag )

12/08/2026

UBJP CANDIDATE ZAHRUMIN MIDTIMBANG, ISUSULONG ANG DIREKTANG UGNAYAN SA MGA BARANGAY

Nangako si UBJP Second District parliamentary candidate Zahrumin Midtimbang na palalakasin ang ugnayan sa mga barangay sakaling mahalal bilang Member of Parliament.

Gagamitin umano ni Midtimbang ang kanyang halos isang dekadang karanasan bilang barangay chairman upang makatulong sa pagtugon sa mga problema sa kalusugan, edukasyon, peace and order at imprastraktura.

Nagpahayag din siya ng suporta sa Peace Covenant at nanawagan sa mga kandidato at kanilang mga tagasuporta na magkaisa para sa mapayapa at maayos na BARMM Parliamentary Elections sa Setyembre 14, 2026.
(Nhor Uyag)

12/08/2026

COMELEC LAW DEPARTMENT, WALANG INILABAS NA LEGAL OPINYON SA UMANO’Y PAMAMAHAGI NG AYUDA SA NABALAWAG

Hindi naglabas ng legal opinion ang Commission on Elections (COMELEC) Law Department kaugnay ng alegasyon ng pamamahagi ng ayuda sa Barangay Kadilingan, Municipality of Nabalawag, sa ilalim umano ng joint program ng Chief Minister at MP Mohammad Kelie U. Antao.

Sa liham ng COMELEC Law Department na may petsang Agosto 4, 2026, sinabi nitong inabisuhan ng COMELEC En Banc ang departamento na umiwas muna sa pagbibigay ng legal opinion sa mga usaping maaaring iharap sa komisyon para sa resolusyon o desisyon.

Gayunman, nilinaw ng COMELEC na kung naniniwala ang isang complainant na may naganap na election offense, maaari itong magsampa ng verified o notarized complaint na malinaw na naglalaman ng pangalan ng mga respondent at mga kilos o pagkukulang na sinasabing lumalabag sa election laws.

Kailangan din umanong suportahan ang reklamo ng mga affidavit ng mga testigo at iba pang ebidensya.

Ayon sa COMELEC, ang naturang reklamo ay maaaring ihain sa Law Department o sa kaukulang election office kung saan umano nangyari ang insidente.

(Nhor Uyag )

12/08/2026

Panoorin ang naging messege of support ni Cotabato City Police Director PCOL JIBIN M. BONGCAYAO.