D Empire Radio 104.3 Wave FM Cotabato City

D Empire Radio 104.3 Wave FM Cotabato City ONLINE ADVERTISING
(1)

Mahigit 1,000 TVET Scholars, Nagtapos sa BSP-TVET Mass Graduation sa Cotabato CityCOTABATO CITY — Isinagawa ngayong Huny...
11/06/2026

Mahigit 1,000 TVET Scholars, Nagtapos sa BSP-TVET Mass Graduation sa Cotabato City

COTABATO CITY — Isinagawa ngayong Hunyo 11, 2026 sa Cotabato City ang Bangsamoro Scholarship Program for TVET (BSP-TVET) 2025 Mass Graduation Program, kung saan umabot sa 1,199 scholars ang matagumpay na nagtapos mula sa limang partner training centers ng Ministry of Basic, Higher and Technical Education–Technical Education and Skills Development (MBHTE-TESD).

Naging tampok na panauhin at keynote speaker sa programa si Chief Minister Abdulraof A. Macacua, na nagbigay ng mensahe ng suporta at inspirasyon sa mga nagtapos. Sa kanyang talumpati, iminungkahi niya ang pagkakaroon ng mas matibay na ugnayan sa pagitan ng TESDA at mga ministeryo ng BARMM sa pamamagitan ng isang memorandum of agreement (MOA).

Ayon kay Macacua, makabubuting mabigyan ng prayoridad sa trabaho ang mga TVET graduates sa mga proyektong ipinatutupad ng mga ahensya at ministeryo tulad ng Ministry of Public Works (MPW), upang higit na mapakinabangan ang kanilang natamong kasanayan at mabigyan sila ng agarang oportunidad sa hanapbuhay.

Kasama si Eng.Salehk B.Mangelen Provincial Director ng MBHTE-TESDA MAGUINDANAO
Palaging sumusuporta sa mga gustong mag aral sa TESDA.

Nagpahayag din ng kanyang suporta si Member of Parliament Jamby “Jambo” Matalam, na naglaan ng pondo mula sa kanyang Transitional Development Impact Fund (TDIF) para sa mga iskolar ng programa.

Aniya, ikinatutuwa niyang makita ang tagumpay ng mga nagsipagtapos na hindi lamang nabigyan ng libreng pagsasanay kundi nakatanggap din ng allowance habang sumasailalim sa kanilang mga kurso.

Ang BSP-TVET ay isa sa mga pangunahing programa ng BARMM na naglalayong mapaunlad ang kakayahan at kasanayan ng mga kabataang Bangsamoro upang maging handa sa trabaho, negosyo, at iba pang oportunidad na makatutulong sa kanilang kinabukasan.

Patunay ang mass graduation na ito sa patuloy na pagsisikap ng pamahalaang Bangsamoro na palakasin ang sektor ng teknikal at bokasyonal na edukasyon bilang susi sa paglikha ng mas maraming trabaho at pangkabuhayang oportunidad sa rehiyon.

Thanks Giving Kanduli ni Mayor Khominie Bacol Sandigan MPA.Sinagawa ang Thanks Giving Kanduli sa bayan ng Datu Salibo MD...
11/06/2026

Thanks Giving Kanduli ni Mayor Khominie Bacol Sandigan MPA.

Sinagawa ang Thanks Giving Kanduli sa bayan ng Datu Salibo MDN. ngayon araw June 11,2026,ni Mayor Khominie Bacol Sandigan.
Bilang pasasalamat niya sa pag dismissed ng kaso na sinampa laban sa kanya.

Formal na uupo si Mayor Sandigan ngayon Lunes sa Datu Salibo Maguindanao del Norte .
Bababa sa kanya pwesto si Vice Mayor Omar ali na kasalukuyang acting Mayor sa bayan.

Buo ang suporta ng kanyang pamilya at mga kaibigan Mayor Khominie Bacol Sandigan.
Dumagsa rin ang mga suporta mula sa kanyang mga kababayan.

//Jeanette Kahar

LIMANG DRUG PERSONALITIES, ARESTADO SA BUY-BUST OPERATION SA COTABATO CITYArestado ang limang hinihinalang sangkot sa il...
11/06/2026

LIMANG DRUG PERSONALITIES, ARESTADO SA BUY-BUST OPERATION SA COTABATO CITY

Arestado ang limang hinihinalang sangkot sa ilegal na droga matapos madiskubre at mabuwag ng Philippine Drug Enforcement Agency BARMM ang isang drug den sa Purok Sentro, 2nd Batch Krislamville, Rosary Heights VI, Cotabato City Hunyo 10 2026

Nakumpiska sa operasyon ang siyam na sachet ng hinihinalang shabu na may kabuuang timbang na 10 gramo at tinatayang nagkakahalaga ng P68,000, isang cellphone, at iba’t ibang drug paraphernalia.

Kabilang sa mga naaresto ang umano’y drug den maintainer na si alias “Yoyong” at apat pang indibidwal na pawang residente ng lugar.

Mahaharap ang mga suspek sa iba’t ibang kaso sa ilalim ng Republic Act No. 9165 o Comprehensive Dangerous Drugs Act of 2002.

COTABATO CITY MAYOR MOHAMMAD ALI MATABALAO, PORMAL NANG UMALIS SA UBJPPormal nang nagbitiw bilang miyembro ng United Ban...
11/06/2026

COTABATO CITY MAYOR MOHAMMAD ALI MATABALAO, PORMAL NANG UMALIS SA UBJP

Pormal nang nagbitiw bilang miyembro ng United Bangsamoro Justice Party (UBJP) si Mohammad Ali C. Matabalao, alkalde ng Cotabato City.

Sa kanyang pahayag, kinumpirma ni Matabalao ang kanyang pag-alis sa partido matapos ang kanyang panunungkulan bilang miyembro nito.
//Nhor Uyag

POST-MORTEM EXAMINATION NI RENE BATERBONIA, NAILABAS NANailabas na nitong Huwebes ng umaga, Hunyo 11, ang certificate of...
10/06/2026

POST-MORTEM EXAMINATION NI RENE BATERBONIA, NAILABAS NA

Nailabas na nitong Huwebes ng umaga, Hunyo 11, ang certificate of post-mortem examination ng basketball player na si Rene Baterbonia.

Batay sa dokumento, ang sanhi ng kanyang pagpanaw ay foreign body asphyxiation o asphyxia by drowning, na nangangahulugang nawalan siya ng hangin dahil sa pagkalunod.

Matatandaang nasawi si Baterbonia matapos malunod sa karagatan sa Baler, Aurora noong Hunyo 8.
📷 Courtesy: Mariz Umali, GMA News.
//Nhor Uyag

AMAI MANABILANG, LANAO DEL SUR IDEKLARANG DRUG-CLEARED MUNICIPALITYAMAI MANABILANG, Lanao del Sur — Pormal nang tinangga...
10/06/2026

AMAI MANABILANG, LANAO DEL SUR IDEKLARANG DRUG-CLEARED MUNICIPALITY

AMAI MANABILANG, Lanao del Sur — Pormal nang tinanggap ng lokal na pamahalaan ng Amai Manabilang ang Certificate of Drug-Cleared Municipality mula sa Philippine Drug Enforcement Agency-BARMM (PDEA-BARMM) sa isang seremonya na isinagawa Hunyo 10,2026.

Ang pagkilala ay patunay na natugunan ng bayan ang mga pamantayan ng Barangay Drug Clearing Program sa pamamagitan ng pagtutulungan ng lokal na pamahalaan, mga Barangay Anti-Drug Abuse Councils (BADACs), at iba pang katuwang sa kampanya kontra iligal na droga.

Sa kanyang mensahe, ipinahayag ni Mayor Saidamen Leo E. Manabilang ang patuloy na suporta ng munisipyo sa mga programa laban sa ilegal na droga upang mapanatili ang pagiging drug-cleared ng kanilang komunidad.

Pinuri rin ni PDEA-BARMM Regional Director Edgar T. Jubay ang dedikasyon ng lokal na pamahalaan at binigyang-diin ang mahalagang papel ng mga BADAC sa pagpapanatili ng mga programang laban sa droga sa bayan.
PDEA Regional Office BARMM
//Nhor Uyag

BALITANG GITNANG SILANGAN16 PATAY SA MGA PAG-ATAKE SA LEBANON; UN MAG-IIMBESTIGA SA POSIBLENG PAGLABAG SA INTERNATIONAL ...
10/06/2026

BALITANG GITNANG SILANGAN

16 PATAY SA MGA PAG-ATAKE SA LEBANON; UN MAG-IIMBESTIGA SA POSIBLENG PAGLABAG SA INTERNATIONAL LAW

LEBANON — Umabot na sa 16 katao ang napaulat na nasawi sa mga pag-atake ng Israel sa Lebanon, ayon sa mga ulat mula sa mga lokal na awtoridad.

Dahil sa mga insidente, inanunsyo ng United Nations (UN) na magsasagawa ito ng imbestigasyon kaugnay ng mga posibleng paglabag sa international humanitarian law at iba pang pandaigdigang batas sa panahon ng armadong labanan.

Patuloy namang sinusuri ng mga kinauukulang ahensya ang mga ulat ng pagkasawi at pinsalang dulot ng mga pag-atake habang nananatiling mataas ang tensyon sa rehiyon.

Inaasahan na maglalabas ng karagdagang impormasyon ang UN matapos ang kanilang imbestigasyon.
PHOTO CTTO ALJAZEERAH

ELECTRICIAN, ARESTADO SA BUY-BUST OPERATION SA KORONADAL CITYKORONADAL CITY — Arestado ang isang electrician sa isinagaw...
10/06/2026

ELECTRICIAN, ARESTADO SA BUY-BUST OPERATION SA KORONADAL CITY

KORONADAL CITY — Arestado ang isang electrician sa isinagawang buy-bust operation ng pulisya sa Barangay Zone 4, Koronadal City nitong Miyerkules ng hapon, Hunyo 10.

Kinilala ang suspek sa alyas na “Don Don,” 36-anyos at residente ng Purok Limestone, Barangay Zone 4. Nakatakas naman ang kanyang umano’y kasamahan na si alyas “Philip” na patuloy na pinaghahanap ng mga awtoridad.

Narekober sa operasyon ang isang sachet ng hinihinalang shabu at ang marked money na ginamit sa transaksyon.

Mahaharap ang naarestong suspek sa kasong paglabag sa Republic Act 9165 o Comprehensive Dangerous Drugs Act of 2002.

Patuloy naman ang imbestigasyon at operasyon ng pulisya para sa ikaaaresto ng nakatakas na suspek.

PETISYON NG UBJP BILANG DOMINANT MAJORITY PARTY, NASA COMELEC NAInihain na ng United Bangsamoro Justice Party (UBJP) sa ...
10/06/2026

PETISYON NG UBJP BILANG DOMINANT MAJORITY PARTY, NASA COMELEC NA

Inihain na ng United Bangsamoro Justice Party (UBJP) sa Commission on Elections (COMELEC) En Banc ang kanilang petisyon upang kilalanin bilang Dominant Majority Political Party para sa nalalapit na halalan.

Dumalo sa pagdinig sa Maynila sina Atty. Mary Ann M. Arnado, UBJP Vice President for Women’s Sector Aida Silongan, Ulama Sector Candidate Dr. Nadzir Ebil, at UBJP Spokesperson Mohajirin T. Ali.

Matapos ang pagdinig, sinabi ni COMELEC Chairman George Erwin Garcia na ang petisyon ng UBJP at iba pang regional political parties sa Bangsamoro ay itinuturing nang “submitted for resolution” o nakatakda nang pagdesisyunan ng komisyon.

Kapag kinilala bilang dominant majority party, magkakaroon ang partido ng ilang pribilehiyo sa panahon ng halalan kabilang ang pagkuha ng mga opisyal na kopya ng election returns at certificates of canvass, gayundin ng prayoridad na espasyo para sa mga watchers sa mga presinto.

Inaasahan namang ilalabas ng COMELEC ang desisyon nito sa mga susunod na araw.
📷 Atty. Mary Ann M. Arnado FB
//Nhor Uyag

10/06/2026

PANOORIN:Ang Panayam kay MP. ROMEO K.SEMA,Sa kanyang programa PAY OUT DISTRIBUTION -BANGSAMORO SAGIP KABUHAYAN (BSK) handog para sa mga taga Poblacion 8, Cotabato City .ngayong araw june
10&11 2026.

//Jeanette Kahar

Address

Sinsuat Avenue
Cotabato City
9600

Website

Alerts

Be the first to know and let us send you an email when D Empire Radio 104.3 Wave FM Cotabato City posts news and promotions. Your email address will not be used for any other purpose, and you can unsubscribe at any time.

Contact The Business

Send a message to D Empire Radio 104.3 Wave FM Cotabato City:

Shortcuts

Share

Category