Camarines Norte News

Camarines Norte News The very first news portal in Camarines Norte to cater news & information to all CamNorteños across the world. Est. 2014
(3)

MAHIGIT ₱129K HALAGA NG HINIHINALANG SHABU AT BARIL, NASAMSAM SA BUY-BUST OPERATION SA BAYAN NG LABOLABO, Camarines Nort...
24/05/2026

MAHIGIT ₱129K HALAGA NG HINIHINALANG SHABU AT BARIL, NASAMSAM SA BUY-BUST OPERATION SA BAYAN NG LABO

LABO, Camarines Norte — Isang hinihinalang tulak ng ilegal na droga ang naaresto sa isinagawang buy-bust operation ng pinagsanib na pwersa ng Labo Municipal Police Station (MPS), katuwang ang Provincial Police Drug Enforcement Unit (PPDEU), Camarines Norte Police Intelligence Unit (CNPIU), CN 2nd PMFC, at 503rd MC RMFB5, sa koordinasyon ng PDEA ROV, bandang alas-11:06 ng gabi nitong Mayo 22, 2026 sa Purok 3, Brgy. Malasugui, Labo, Camarines Norte.

Kinilala ang naarestong suspek sa alyas na “Bantoy,” 39 taong gulang at residente ng naturang barangay.

Batay sa ulat, matagumpay na nakabili ang poseur buyer ng hinihinalang shabu mula sa suspek na naging dahilan ng kanyang agarang pagkakaaresto.

Sa isinagawang body search at inventory, nakumpiska mula sa kanyang pag-iingat ang anim (6) na sachet ng hinihinalang shabu na may tinatayang kabuuang timbang na humigit-kumulang 19 gramo at may Standard Drug Price na tinatayang nasa ₱129,200.00.

Narekober din ng mga operatiba ang isang kalibre .38 revolver na may lamang isang pinaghihinalaang misfired na bala, buy-bust money, boodle money, at dalawang cellular phones na pinaniniwalaang ginamit sa ilegal na transaksyon.

Isinagawa ang tamang pagmamarka at inventory ng mga nakumpiskang ebidensya sa presensya ng suspek at mga mandatory witnesses mula sa media at barangay officials alinsunod sa itinakdang proseso ng batas.

Kasalukuyang nasa kustodiya ng Labo MPS ang suspek habang inihahanda ang pagsasampa ng kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Fi****ms and Ammunition Regulation Act.

Ang matagumpay na operasyong ito ay patunay ng matibay na ugnayan ng kapulisan, lokal na pamahalaan, at komunidad sa pagsusulong ng isang ligtas, mapayapa, at drug-free na pamayanan.



₱8.1-MILYONG SHABU, NASAMSAM SA TALISAY BUY-BUST; 2 HIGH-VALUE TARGET ARESTADOTALISAY, Camarines Norte – Dalawang hinihi...
24/05/2026

₱8.1-MILYONG SHABU, NASAMSAM SA TALISAY BUY-BUST; 2 HIGH-VALUE TARGET ARESTADO

TALISAY, Camarines Norte – Dalawang hinihinalang High-Value Individuals (HVI) ang nasakote sa ikinasang buy-bust operation ng pinagsanib na pwersa ng Regional Police Drug Enforcement Unit 5 (RPDEU5) at Talisay Municipal Police Station sa Brgy. Itomang, Talisay, Camarines Norte nitong gabi ng Mayo 23, 2026.

Kinilala ang mga naarestong suspek sa mga alyas na “Butchok,” 50-anyos, at “Nesty,” 32-anyos, kapwa residente ng Paracale, Camarines Norte.

Batay sa ulat, bandang 10:40 ng gabi nang magsagawa ng operasyon ang mga awtoridad sa koordinasyon ng PDEA ROV na nagresulta sa pagkakaaresto ng dalawang suspek matapos bentahan ng hinihinalang shabu ang poseur buyer.

Nakumpiska mula sa kanilang posesyon ang tinatayang mahigit 1.2 kilo ng hinihinalang shabu na may Standard Drug Price (SDP) na umaabot sa halagang ₱8,160,000.00.
Kabilang sa mga nasamsam ay:

• Isang buy-bust sachet ng hinihinalang shabu;
• Iba’t ibang heat-sealed at knot-tied plastic sachets na naglalaman ng puting kristalinong substansya;
• Buy-bust money na binubuo ng tunay na ₱1,000 bill at boodle money;
• Isang cellphone;
• Backpack;
• Coin purse;
• Lighter; at
• Isang Honda Click motorcycle.

Matapos ang operasyon, dinala ang mga suspek at mga nakumpiskang ebidensya sa Talisay MPS para sa kaukulang dokumentasyon at disposisyon.

Isinagawa rin ang inventory at pagmamarka ng mga ebidensya sa presensya ng mga itinakdang saksi mula sa barangay at media alinsunod sa itinakdang proseso ng batas.

Mahaharap ang mga naarestong suspek sa kasong paglabag sa Republic Act 9165 o ang Comprehensive Dangerous Drugs Act of 2002.

Patuloy namang pinaigting ng Camarines Norte Police Provincial Office (CNPPO) ang kampanya laban sa ilegal na droga bilang bahagi ng mas pinaigting na anti-criminality operations sa lalawigan.



₱748K HALAGA NG SHABU, NASAMSAM SA BASUD BUY-BUST; HIGH-VALUE INDIVIDUAL ARESTADOBASUD, Camarines Norte — Matagumpay na ...
22/05/2026

₱748K HALAGA NG SHABU, NASAMSAM SA BASUD BUY-BUST; HIGH-VALUE INDIVIDUAL ARESTADO

BASUD, Camarines Norte — Matagumpay na naaresto ng mga awtoridad ang isang High-Value Individual (HVI) habang nasamsam ang tinatayang ₱748,000 halaga ng hinihinalang shabu sa isinagawang buy-bust operation sa Brgy. Laniton, Basud, Camarines Norte nitong Mayo 22, 2026.

Kinilala ang suspek sa alyas na “Totoy,” na kabilang sa talaan ng mga High-Value Individuals sa lalawigan. Dakong alas-5:24 ng hapon nang ikasa ng Basud Municipal Police Station (MPS) ang isang i anti-illegal drug operation sa Purok 7 ng nasabing barangay na nagresulta sa agarang pagkakaaresto ng suspek.

Pinangunahan ang operasyon ni Acting Chief of Police PCPT Flory Jane C Consuelo, katuwang ang mga operatiba mula sa Provincial Drug Enforcement Unit (PDEU), Camarines Norte Police Intelligence Unit (CNPIU), Camarines Norte 1st Provincial Mobile Force Company (CN1st PMFC), at 503rd Maneuver Company ng RMFB5, sa koordinasyon ng Philippine Drug Enforcement Agency (PDEA).

Nakumpiska mula sa suspek ang tinatayang 110 gramo ng hinihinalang shabu na nakasilid sa dalawang transparent plastic sachet, na may standard drug price na umaabot sa humigit-kumulang ₱748,000. Narekober din ang isang tunay na ₱500 bill na ginamit bilang buy-bust money at iba pang boodle money na binubuo ng pekeng ₱500 at ₱1,000 bills.

Agad namang isinagawa ng mga operatiba ang tamang pagmamarka, pagdodokumento, pagkuha ng larawan, at imbentaryo ng mga nakumpiskang ebidensya sa harap ng suspek at mga mandatory witnesses kabilang ang kinatawan ng media at mga opisyal ng barangay upang matiyak ang integridad ng mga ebidensya.

Kasalukuyang nasa kustodiya ng Investigator on Case (IOC) ang suspek at ang mga nakumpiskang ebidensya para sa pagsasampa ng kaukulang kaso kaugnay ng paglabag sa Republic Act 9165 o Comprehensive Dangerous Drugs Act of 2002.

Samantala, muling pinagtibay ng Camarines Norte Police Provincial Office ang kanilang mahigpit na kampanya laban sa iligal na droga at tiniyak ang patuloy na pagsasagawa ng mas pinaigting na operasyon upang mapanatili ang kapayapaan at kaayusan sa lalawigan.



DRUG DEN SA BAYAN NG DAET, NABUWAG SA ISINAGAWANG BUY-BUST OPERATION; TATLONG HVTs ARESTADODAET, Camarines Norte — Matag...
22/05/2026

DRUG DEN SA BAYAN NG DAET, NABUWAG SA ISINAGAWANG BUY-BUST OPERATION; TATLONG HVTs ARESTADO

DAET, Camarines Norte — Matagumpay na nabuwag ng pinagsanib na pwersa ng mga awtoridad ang isang hinihinalang drug den matapos ang isinagawang buy-bust operation sa Brgy. Alawihao, Daet, Camarines Norte nitong Mayo 21, 2026, bandang alas-3:05 ng hapon.

Pinangunahan ng Philippine Drug Enforcement Agency (PDEA) bilang lead unit, katuwang ang Daet Municipal Police Station (MPS), 503rd Regional Mobile Force Battalion (RMFB), at CNPIU/PPDEU, ang operasyon na nagresulta sa pagkakaaresto ng tatlong High Value Individuals (HVTs) dahil sa paglabag sa Republic Act 9165 o Comprehensive Dangerous Drugs Act of 2002.

Kinilala ang mga naarestong suspek sa mga alyas na “INDAY,” 51 taong gulang, may asawa at labandera; “LYN,” 48 taong gulang, separated at walang trabaho; at “BONG,” 25 taong gulang, single at walang trabaho. Lahat ng mga suspek ay residente ng nasabing barangay.

Sa isinagawang operasyon, nakumpiska mula sa mga suspek ang tinatayang 14 gramo ng hinihinalang shabu na may Standard Drug Price na humigit-kumulang Php 95,200.00 at tinatayang street value na Php 61,600.00.

Narekober din ng mga operatiba ang iba’t ibang non-drug evidence kabilang ang isang tunay na Php500 bill na may kasamang sampung (10) piraso ng boodle money, aluminum foil strips na may bakas ng hinihinalang ilegal na droga, improvised tooter at burner, stainless na gunting, karagdagang aluminum foil strips, at isang OPPO cellphone.

Isinagawa ang maayos na inventory ng mga nakumpiskang ebidensya sa lugar ng operasyon sa presensya ng mga kinatawan mula sa barangay at media bilang pagsunod sa itinakdang legal na proseso at upang matiyak ang integridad ng operasyon.

Samantala, ang buong operasyon ay naitala gamit ang PDEA-issued Body Worn Camera (BWC) bilang bahagi ng pagpapatupad ng transparency at tamang operational procedures ng law enforcement agencies.

Kasalukuyang nasa kustodiya ng PDEA ang mga naarestong indibidwal habang inihahanda ang kaukulang kasong paglabag sa RA 9165 laban sa kanila.

Patuloy namang pinaigting ng mga awtoridad ang kampanya kontra ilegal na droga upang mapanatili ang kaayusan at kaligtasan ng komunidad.



‼️MISSING WALLET‼️“Last seen/used po May 19, 2026 around 3pm.It’s a cardholder po and may laman na cash, SMAC card, Goty...
22/05/2026

‼️MISSING WALLET‼️

“Last seen/used po May 19, 2026 around 3pm.
It’s a cardholder po and may laman na cash, SMAC card, Gotyme card, Singapore NETS card, and Krispy Kreme OG card.
Around 3pm to 3:30pm, i walked from Señorito Barbershop to J. Lukban Street then tumawid papuntang Vinzons Ave para sumakay ng tricy papuntang SM.
Upon arrival dumeretso ako ng CR sa third floor ng department store then pagbaba ko ng first floor that’s when I noticed na wala na sa bulsa ko. I tried to go back sa CR pero wala rin dun”

For any information, you may contact the owner thru these details:
Facebook : Deandre Eduard Ulan
Mobile no: 09672449190

UPDATE:> There has been changes in schedule. The power service interruption originally scheduled for May 23 (Saturday) h...
21/05/2026

UPDATE:
> There has been changes in schedule. The power service interruption originally scheduled for May 23 (Saturday) has been moved to May 24 (Sunday).

==========

CANORECO Advisory:
SCHEDULED POWER SERVICE INTERRUPTION

GAWAIN: Pole relocation, conductor tensioning, clearing of backbone line obstructions and other preventive maintenance works.

PETSA: May 24, 2026 (Linggo)

ORAS: 8:00 AM - 4:00 PM (8 Oras)

APEKTADONG LUGAR:
> Brgys. IV, V, VI, VII, VIII, Borabod, Awitan, Bagasbas, Gubat, Vinzons Ave. hanggang Gov. Panotes Ave. (mula Calaguas Gateway Hotel hanggang Mabini Colleges), at bahagi ng Brgy. Gahonon sa bayan ng DAET;
> Brgys. 1, 2, 3, 4, 5, 6, 7, San Roque, at Del Rosario sa bayan ng MERCEDES;
> Bahagi ng Brgy. San Nicolas sa bayan ng TALISAY;
> SM Hypermarket, PAGASA Weather Station, PLDT Cable Landing Station.

Maaaring maibalik ang serbisyo ng kuryente anumang oras matapos ang nasabing mga gawain.

JUST IN: Idineklara ng Malacañang ang Miyerkules, Mayo 27, 2026, bilang regular holiday sa buong bansa para sa paggunita...
21/05/2026

JUST IN: Idineklara ng Malacañang ang Miyerkules, Mayo 27, 2026, bilang regular holiday sa buong bansa para sa paggunita ng Eid’l Adha.

21/05/2026

Need somewhere to hangout, chill, and have some nice coffee? Kape Sentral is the perfect place for that!

Visit them at Consumer’s Road, Central Plaza Complex, Brgy. Lag-on, Daet, Camarines Norte

₱3.1 MILYONG HALAGA NG SHABU, NASAMSAM SA DAET; DALAWANG SUSPEK, ARESTADO SA BUY-BUST OPERATIONDAET, Camarines Norte — M...
21/05/2026

₱3.1 MILYONG HALAGA NG SHABU, NASAMSAM SA DAET; DALAWANG SUSPEK, ARESTADO SA BUY-BUST OPERATION

DAET, Camarines Norte — Matagumpay na nasabat ng mga awtoridad ang tinatayang ₱3.1 milyong halaga ng hinihinalang shabu habang dalawang hinihinalang tulak ng ilegal na droga ang naaresto sa isinagawang buy-bust operation sa Barangay 1, Daet nitong gabi ng Mayo 20, 2026.

Pinangunahan ang operasyon ng Camarines Norte Police Provincial Office sa ilalim ng pamumuno ni PCOL Paul F. Abay, katuwang ang Provincial Drug Enforcement Unit at Daet Municipal Police Station, sa koordinasyon ng Philippine Drug Enforcement Agency Regional Office V.

Isinagawa ang operasyon bandang alas-8:55 ng gabi sa F. Pimentel Avenue, Purok 1, Barangay 1, kung saan nadakip ang dalawang suspek na kinilalang sina alyas “Ping,” 56-anyos, residente ng Bangkal, Makati City, at alyas “Jojo,” 38-anyos, residente ng Almanza 1, Las Piñas City.

Nakumpiska mula sa mga suspek ang ilang pakete at lalagyan na naglalaman ng hinihinalang shabu, kabilang ang buy-bust item at mga karagdagang droga na nasa transparent plastic containers. Narekober din ng mga operatiba ang boodle money na ginamit sa transaksyon, kabilang ang isang tunay na ₱1,000 bill at ilang piraso ng pekeng pera bilang buy-bust money.

Batay sa imbestigasyon, tinatayang umaabot sa 460 gramo ng hinihinalang shabu ang nasamsam sa operasyon, na may kabuuang street market value na ₱3,128,000 ayon sa pagtataya ng Dangerous Drugs Board.

Mahigpit ding isinagawa ng operating team ang mga itinakdang proseso tulad ng pagmamarka, inventory, at pagkuha ng larawan sa mga ebidensya sa harap ng mga kinatawan mula sa barangay at media upang matiyak ang integridad ng operasyon.

Sa isinagawang beripikasyon sa police databases, lumabas na dati nang nasampahan ng kasong may kaugnayan sa illegal drugs si alyas “Ping,” bagaman siya ay na-acquit kalaunan. Wala namang naitalang warrant of arrest laban sa dalawang naarestong suspek.

Kasalukuyang nasa kustodiya ng Daet Municipal Police Station ang mga suspek habang inihahanda ang pagsasampa ng kaso sa paglabag sa Comprehensive Dangerous Drugs Act of 2002.

Pinuri naman ni PCOL Paul F. Abay ang mga operatibang nagsagawa ng matagumpay na operasyon at tiniyak ang pagpapatuloy ng pinaigting na kampanya laban sa ilegal na droga sa lalawigan ng Camarines Norte.

𝗠𝗔𝗛𝗜𝗚𝗜𝗧 𝟳𝟬𝟬 𝗡𝗔 𝗦𝗠𝗔𝗟𝗟 𝗦𝗖𝗔𝗟𝗘 𝗠𝗜𝗡𝗘𝗥𝗦, 𝗗𝗨𝗠𝗔𝗟𝗢 𝗦𝗔 𝗜𝗞𝗔𝗧𝗟𝗢𝗡𝗚 𝗠𝗢𝗕𝗜𝗟𝗘 𝗢𝗡𝗘 𝗦𝗧𝗢𝗣 𝗦𝗛𝗢𝗣 𝗦𝗔 Camarines Norte!DAET, Camarines Norte -Ini...
20/05/2026

𝗠𝗔𝗛𝗜𝗚𝗜𝗧 𝟳𝟬𝟬 𝗡𝗔 𝗦𝗠𝗔𝗟𝗟 𝗦𝗖𝗔𝗟𝗘 𝗠𝗜𝗡𝗘𝗥𝗦, 𝗗𝗨𝗠𝗔𝗟𝗢 𝗦𝗔 𝗜𝗞𝗔𝗧𝗟𝗢𝗡𝗚 𝗠𝗢𝗕𝗜𝗟𝗘 𝗢𝗡𝗘 𝗦𝗧𝗢𝗣 𝗦𝗛𝗢𝗣 𝗦𝗔 Camarines Norte!

DAET, Camarines Norte -Inilunsad sa lalawigan ng Camarines Norte ang ikatlong Mobile One Stop Shop for the Small-Scale Mining Sector (MOSS) nitong Mayo 20, 2026 sa Camarines Norte State College (CNSC) bilang bahagi ng mas pinaigting na programa ng pamahalaan para sa mga small-scale miners.

Pinangunahan ng Mines and Geosciences Bureau (MGB), katuwang ang iba’t ibang ahensya ng gobyerno, ang naturang aktibidad na dinaluhan ng mahigit 700 kalahok mula sa sektor ng pagmimina, lokal na pamahalaan, at iba pang stakeholders sa lalawigan. Layunin ng programa na ilapit ang mga serbisyo ng gobyerno sa mga small-scale miners at hikayatin ang legal at organisadong operasyon ng pagmimina sa rehiyon.

Binuksan ang programa sa pamamagitan ng welcome remarks ni DENR-MGB Regional Director Guillermo A. Mollina Jr. IV. Nagbigay rin ng mensahe ang ilang opisyal ng pamahalaan kabilang sina Labo Mayor Severino T. Francisco Jr., BSP South Luzon Regional Office Regional Director Atty. Tomas J. Cariño, DENR Assistant Regional Director Ronnel B. Astor, MGB Director Larry M. Heradez, gayundin sina Governors Ricarte “Dong” Padilla at Atty. Ricardo T. Kho.

Samantala, binigyang-diin ni DENR Assistant Secretary for Mining Concerns Engr. Michael V. Cabalda sa kaniyang keynote speech ang kahalagahan ng responsableng pagmimina at pagsunod sa environmental at safety regulations upang matiyak ang pangmatagalang benepisyo ng industriya sa komunidad.

Isa sa mga tampok sa programa ang ribbon-cutting ceremony at booth scouting kung saan ipinakilala ng iba’t ibang ahensya ang kanilang serbisyo gaya ng pagproseso ng permits, environmental compliance assistance, safety orientation, at legal mineral trading support.

Naging bahagi rin ng aktibidad ang ceremonial gold buying and selling kung saan matagumpay na naibenta ang 14.71 gramo ng ginto na may tinatayang 87.5% purity sa pamamagitan ng BSP-accredited channels. Ipinakita rito ang pagsisikap ng pamahalaan na hikayatin ang mga minero na dumaan sa legal na sistema ng bentahan ng mineral upang maiwasan ang illegal trading at maprotektahan ang kanilang kita.

Ayon sa MGB, patuloy nilang palalakasin ang mga programang katulad ng MOSS upang masuportahan ang small-scale mining sector habang isinusulong ang responsable, ligtas, at sustainable na pagmimina sa bansa.

📷 : Mines and Geosciences Bureau

| Edwin Datan, Jr., CNNews

CANORECO Advisory:SCHEDULED POWER SERVICE INTERRUPTIONGAWAIN: Pole relocation, conductor tensioning, clearing of backbon...
20/05/2026

CANORECO Advisory:
SCHEDULED POWER SERVICE INTERRUPTION

GAWAIN: Pole relocation, conductor tensioning, clearing of backbone line obstructions and other preventive maintenance works.

PETSA: May 23, 2026 (Sabado)

ORAS: 8:00 AM - 4:00 PM (8 Oras)

APEKTADONG LUGAR:
> Brgys. IV, V, VI, VII, VIII, Borabod, Awitan, Bagasbas, Gubat, Vinzons Ave. hanggang Gov. Panotes Ave. (mula Calaguas Gateway Hotel hanggang Mabini Colleges), at bahagi ng Brgy. Gahonon sa bayan ng DAET;
> Brgys. 1, 2, 3, 4, 5, 6, 7, San Roque, at Del Rosario sa bayan ng MERCEDES;
> Bahagi ng Brgy. San Nicolas sa bayan ng TALISAY;
> SM Hypermarket, PAGASA Weather Station, PLDT Cable Landing Station.

Maaaring maibalik ang serbisyo ng kuryente anumang oras matapos ang nasabing mga gawain.

Address

Daet
4600

Telephone

+639985666018

Website

Alerts

Be the first to know and let us send you an email when Camarines Norte News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Camarines Norte News:

Shortcuts

Share

Category