21/01/2023
6:30 am. Nagising ka sa alarm mo.
Ayaw mo pang bumangon kasi 12:30 nang madaling araw ka na nakauwi galing sa OT kagabi. Mga naka-sampung snooze ka na sa alarm mo. Nag-decide ka na sa wakas na gigising ka na kasi alam mong marami ka pang gagawin sa office at ayaw mong ma-late. Ayaw mong ma-kaltasan nanaman yung sweldo mo.
2 hours ang byahe. Nag-tatrabaho ka sa Makati pero nakatira ka sa Cubao. Pinag-iisipan mo kung mag-MRT ka ba ngayon o mag-bbus. Pagdating mo sa Cubao station, nakita mo na umabot hanggang sa hagdan yung mga taong nakapila sa MRT. Nag-decide ka na sige na nga, mag-bbus ka na lang muna ngayon. Ganun din naman, siksikan rin naman sa bus.
7:05am. Nakasakay ka ng bus papuntang Makati - swerte. Kahit nakatayo ka sa bus, okay lang. Buti malamig ang aircon. Habang nasa byahe, nagchecheck ka ng Facebook.
9:11 am. Late ka nanaman. Late ng 11 minutes. Masaya ka naman sa trabaho, hindi dahil gusto mo yung ginagawa mo. Pero dahil masaya kang kasama yung mga katrabaho mo.
Kumakain kayong magkasama pag lunch time. May secret gc kayong mag-kabarkada kung san nag-rarant kayo tungkol sa boss nyong suplado. Dito nyo pinag-chichismisan yung officemate nyong bida bida. You feel safe. You feel like you belong.
5:30 pm. Sa wakas uwian na. Nagmamadali ka na pumunta sa bus stop kasi nga baka mahaba na yung pila. At pag-dating mo ng bus stop, nakita mong sobrang haba na nga ng pila. Tapos wala pa dumarating na mga bus.
Nakapila ka at naghintay hanggang sa wakas, nakasakay ka. Tiningnan mo anong oras na. 6:45pm. Nakakainis. Nakakapagod. Pero wala ka namang magagawa.
Ang dami mo iniisip habang nasa bus. Pinag-iisipan mong maghanap ng bagong trabaho at mag-resign. Kaso di mo kaya iwanan mga kaibigan mo sa work. Gusto mong magkaron ng sariling negosyo pero di pa kaya. Wala ka namang capital. Marami ka pang bayarin. Halos wala nang natitira sayo sa bawat kinsenas at katapusan.
7:37 pm. Finally nakasakay ka sa bus kahit siksikan. Rinig mo yung bawat hininga ng mga katabi mo. Naririnig mo yung balita na pinapalabas sa TV sa bus.
9:49 pm. Nakauwi ka na sa wakas. Nag-laro ka ng ML hanggang inantok. Nakababad ka sa social media hanggang nakatulog ka na ng mga 11:30 pm.
6:30 am. Nagising ka nanaman sa alarm mo.
---
Kaya mo pa ba? Lagi mong tandaan may choice ka! JUST DECIDE!
