GSCPO PRESS CORPS

07/03/2026

𝐌𝐠𝐚 𝐩𝐚𝐬𝐲𝐞𝐧𝐭𝐞 𝐦𝐮𝐥𝐚 𝐏𝐨𝐥𝐨𝐦𝐨𝐥𝐨𝐤, 𝐦𝐚𝐲 𝐥𝐢𝐛𝐫𝐞 𝐧𝐚𝐧𝐠 𝐭𝐮𝐥𝐮𝐲𝐚𝐧 𝐬𝐚 𝐃𝐚𝐯𝐚𝐨 𝐂𝐢𝐭𝐲; 𝐁𝐚𝐥𝐚𝐲 𝐏𝐚𝐠-𝐚𝐬𝐚, 𝐛𝐢𝐧𝐮𝐤𝐬𝐚𝐧 𝐧𝐢 𝐌𝐚𝐲𝐨𝐫 𝐏𝐚𝐥𝐞𝐧𝐜𝐢𝐚

​DAVAO CITY — Pormal nang binuksan ang "Balay Pag-Asa," isang temporary shelter na magsisilbing tuluyan para sa mga pasyente mula sa bayan ng Polomolok na sumasailalim sa medikal na gamutan sa lungsod na ito, noong Sabado, Marso 7.

​Pinangunahan ni Polomolok Municipal Mayor Bernie D. Palencia ang soft launching at pagbabasbas ng pasilidad sa Barangay Pampanga, Davao City.

Ang nasabing proyekto ay pinondohan mismo ng alkalde mula sa kanyang personal na pondo upang matiyak na may masisilungan ang kanyang mga kababayan nang hindi na nag-aalala sa gastos sa matutuluyan.

​Ang Balay Pag-Asa ay isang konkretong two-storey house na may tatlong malalawak na silid.

Layunin nito na magbigay ng komportableng pahingahan para sa mga Polomolokeños pagkatapos ng nakapapagod na proseso ng pagpila at pagbiyahe para sa kanilang mga medical referral.
​
​Dumalo rin sa seremonya si Brgy. Pampanga Chairman Rodrigo Badayos, kung saan binigyang-diin ni Mayor Palencia ang kahalagahan ng pagtutulungan ng mga komunidad para sa kapakanan ng mga nangangailangan.

​Nagpahayag naman ng suporta si Peter L. Cowles, Executive Director ng Yebow Cure, bilang katuwang ng Lokal na Pamahalaan (LGU) ng Polomolok sa nasabing inisyatibo. Kasama ring nagpakita ng suporta sina MSWDO Head Gretchelle Fatima A. Fowler at MHO Head Dr. Mary Grace D. Salmorin.

07/03/2026

𝐎𝐯𝐞𝐫𝐩𝐫𝐢𝐜𝐢𝐧𝐠 𝐬𝐚 𝐦𝐠𝐚 𝐠𝐚𝐬 𝐬𝐭𝐚𝐭𝐢𝐨𝐧𝐬 𝐬𝐚 𝐆𝐞𝐧𝐒𝐚𝐧, 𝐦𝐚𝐡𝐢𝐠𝐩𝐢𝐭 𝐧𝐚 𝐛𝐢𝐧𝐚𝐛𝐚𝐧𝐭𝐚𝐲𝐚𝐧 𝐧𝐠 𝐋𝐆𝐔 𝐚𝐭 𝐃𝐎𝐄

GENERAL SANTOS CITY— Nagsagawa ng serye ng inspeksyon ang lokal na pamahalaan sa iba’t ibang gasolinahan sa lungsod upang tiyakin ang wastong pagpapatupad ng presyo ng mga produktong petrolyo.

​Ang operasyon ay pinangunahan ng Business Permits and Licensing Division (BPLD) sa pamumuno ni Acting Division Chief Atty. Rowi Arbilon Malayag, kasama ang kinatawan ng Department of Energy (DOE) na si Bb. Maria Lyn Perin.
​
Isinagawa ang hakbang kasunod ng direktiba ni City Mayor Lorelie Geronimo-Pacquiao matapos ang pagpupulong ng City Price Coordinating Council (CPCC) kamakailan.

​Ayon kay Atty. Malayag, layunin ng aktibidad na masiguro ang pagsunod ng mga retailers sa itinakdang presyo at maiwasan ang anumang hindi awtorisadong pagtaas na magpapabigat sa pasanin ng mga mamimili.

​“Bahagi ito ng ating patuloy na monitoring upang mapanatiling makatwiran ang presyo ng mga pangunahing bilihin at serbisyo sa lungsod,” pahayag ng BPLD.

​Inanunsyo rin ng inspection team na magpapatuloy ang mga katulad na operasyon sa mga susunod na araw upang higit na mapalakas ang pagbabantay sa galaw ng presyo sa merkado.

​Tiniyak naman ng lokal na pamahalaan na mahigpit ang kanilang koordinasyon sa mga kinauukulang ahensya upang maprotektahan ang kapakanan ng mga konsyumer sa General Santos City laban sa posibleng pagsasamantala.

10/02/2026

STORY TIME: Kana ganing gikulbaan mo kay naay sticky note gibilin sa table... abi namog bad review, complaint, o suggestions.😥😥

Pero pagbasa namo, makatambok man diay sa kasing-kasing! 🥹❤️ Salamat kaayo sa among mga suki sa inyong heartfelt compliments.

Kamo gyud ang rason ngano padayon mi naningkamot! 🙏

PS. Kung kinsa man nag bilin ani, magparamdam ka, may pa libre kami sayo.❤️



Tita Lyn's Pastil at Ihaw-Ihaw

07/02/2026

04/02/2026

𝐑𝐞𝐤𝐨𝐫𝐝 𝐧𝐠 𝐭𝐫𝐢𝐜𝐲𝐜𝐥𝐞 𝐝𝐫𝐢𝐯𝐞𝐫 𝐬𝐚 𝐤𝐚𝐬𝐨𝐧𝐠 𝐫𝐚𝐩𝐞, 𝐭𝐢𝐧𝐢𝐭𝐢𝐧𝐠𝐧𝐚𝐧𝐠 𝐦𝐨𝐭𝐢𝐛𝐨 𝐬𝐚 𝐩𝐚𝐦𝐚𝐦𝐚𝐫𝐢𝐥 𝐬𝐚 𝐆𝐞𝐧𝐒𝐚𝐧; 𝐧𝐮𝐫𝐬𝐞, 𝐝𝐚𝐦𝐚𝐲 𝐥𝐚𝐧𝐠

GENERAL SANTOS CITY — Nakatuon ngayon ang imbestigasyon ng kapulisan sa dating mga kasong kinasangkutan ng nasawing tricycle driver bilang posibleng motibo sa naganap na madugong pamamaril sa kanto ng Aparente at Salvani Street, Barangay City Heights, nitong Lunes, Pebrero 2.

Kinilala ang mga biktima na sina Iven Miano Conde, 32, residente ng Brgy. Mabuhay, at ang pasahero nitong si Nhiezer Rolliene Jane Aguacito, 24, isang nurse. Kapwa idineklarang dead-on-arrival ang dalawa matapos tambangan ng riding-in-tandem dakong alas-2:30 ng hapon.

Ayon sa nakalap na impormasyon ng Sapol News Bulletin, nabatid na si Conde ay may dati nang rekord sa batas. Naaresto ito noong Nobyembre 20, 2023, dahil sa mga kasong r**e at child abuse na isinampa laban sa kaniya sa bayan ng Lebak, Sultan Kudarat.

Pansamantala lamang itong nakalaya matapos maglagak ng piyansang ₱280,000 sa Regional Trial Court ng Isulan.Dahil dito, masusing tinitingnan ng mga awtoridad ang anggulong "personal grudge" na posibleng may kinalaman sa nasabing mga kaso.

Nilinaw naman ng lokal na pulisya na kumpirmadong nadamay lamang sa pamamaril ang nurse na si Aguacito na nagkataong pasahero lamang sa tricycle nang mangyari ang krimen.

Naglabas na rin ng larawan ang pulisya mula sa nakalap na CCTV footage kung saan makikita ang dalawang suspek na lulan ng pulang motorsiklo, kapwa nakasuot ng helmet at balaclava mask upang itago ang kanilang pagkakakilanlan.

Ayon kay Police Colonel Nicomedes Olaivar Jr., hepe ng General Santos City Police Office, kasalukuyan nang isinasagawa ang masusing backtracking ng mga CCTV footage sa lahat ng mga posibleng dinaanan at tinakasan ng mga suspek.

Patuloy din ang follow-up operations ng mga tracker teams upang matukoy ang pinagtataguan ng mga salarin.

𝐄𝐃𝐈𝐓𝐎𝐑’𝐒 𝐍𝐎𝐓𝐄: Ang impormasyon hinggil sa nakaraang kaso ni Iven Conde ay base sa rekord ng pulisya at kumpirmasyon mula sa Sapol News Bulletin. Ang paglalathala ng kaniyang background ay hindi upang bigyang-matwid ang krimen, kundi upang magbigay ng konteksto sa ginagawang imbestigasyon ng mga awtoridad para sa mabilis na pag-aresto sa mga salarin.

Photos: GSCPO

04/02/2026

𝐏𝐑𝐎-𝟏𝟐 𝐑𝐃 𝐀𝐫𝐝𝐢𝐞𝐧𝐭𝐞, 𝐢𝐩𝐢𝐧𝐚𝐠-𝐮𝐭𝐨𝐬 𝐚𝐧𝐠 𝐦𝐚𝐥𝐚𝐰𝐚𝐤𝐚𝐧𝐠 𝐢𝐦𝐛𝐞𝐬𝐭𝐢𝐠𝐚𝐬𝐲𝐨𝐧 𝐫𝐞: 𝐬𝐡𝐨𝐨𝐭𝐢𝐧𝐠 𝐢𝐧𝐜𝐢𝐝𝐞𝐧𝐭𝐬 𝐬𝐚 𝐆𝐞𝐧𝐒𝐚𝐧

GENERAL SANTOS CITY — Personal na iniutos ni PBGen. Arnold Ardiente, Regional Director ng Police Regional Office (PRO) 12, ang isang masusing imbestigasyon kaugnay ng dalawang magkahiwalay na insidente ng pamamaril na naganap sa lungsod na ito nitong nakalipas na Pebrero 2, 2026.

Sa isang opisyal na pahayag, binigyang-diin ni PBGen. Ardiente ang direktiba sa General Santos City Police Office (GSCPO) na tiyaking matutukoy at mapapanagot sa batas ang mga nasa likod ng nasabing mga krimen.

Unang naitala ang pamamaril dakong umaga sa kahabaan ng Manga Street, Barangay Ligaya. Sakay ng trisikad ang biktimang si Raffy Buday Lambac at ang kaniyang anak nang paulanan sila ng bala ng dalawang lalaking lulan ng berdeng motorsiklo.

Kasalukuyang nagpapagaling ang mga biktima sa ospital habang sinusuri na ng pulisya ang mga nakuhang fired cartridges at CCTV footage sa lugar.

Sinundan ito ng madugong pananambang dakong hapon sa Aparente Street, Barangay City Heights.

Nasawi sa mismong pinangyarihan ng krimen ang tricycle driver na si Iven Miano Conde, habang pumanaw din sa ospital ang pasahero nitong nurse na si Nhiezer Rolliene Jane U. Aguacito.

Sa ngayon, patuloy ang hot-pursuit operations ng mga awtoridad habang inaalam pa ang motibo sa likod ng pananambang.

Tiniyak ng PRO 12 sa publiko na hindi sila titigil hangga’t hindi nakakamit ang hustisya. Nanawagan din ang pamunuan sa sinumang may impormasyon na makipagtulungan sa mga awtoridad upang mapabilis ang paglutas sa mga kaso.

“We want to assure the public that PRO 12 remains fully committed to the safety and security of all residents of General Santos City. We urge anyone with information to come forward to assist law enforcement. These acts of violence are unacceptable and will be met with the full force of the law. The PNP will continue to protect life, uphold peace, and ensure that the rule of law prevails in our communities,” ayon sa opisyal na pahayag ng PRO 12.

04/02/2026

𝐓𝐨𝐩 𝟏𝟎 𝐑𝐞𝐠𝐢𝐨𝐧𝐚𝐥 𝐌𝐨𝐬𝐭 𝐖𝐚𝐧𝐭𝐞𝐝 𝐬𝐚 𝐤𝐚𝐬𝐨𝐧𝐠 𝐫𝐚𝐩𝐞, 𝐭𝐢𝐦𝐛𝐨𝐠 𝐬𝐚 𝐆𝐞𝐧𝐒𝐚𝐧

GENERAL SANTOS CITY — Matagumpay na naaresto ng mga awtoridad ang isang binata na kinikilalang isa sa mga pinakatinutugis na kriminal sa rehiyon sa isinagawang operasyon sa Barangay City Heights, nitong Pebrero 2, 2026.

Kinilala ang suspek na si alyas “Tonyo,” 19-anyos, residente ng Barangay Alegria, Alabel, Sarangani Province. Si Tonyo ay nakatala bilang Top 10 Regional Level Most Wanted Person ng Police Regional Office (PRO) 12.

Dinakip ang suspek sa bisa ng Warrant of Arrest para sa krimeng Statutory R**e. Ang operasyon ay pinangunahan ng pinagsanib na puwersa ng Police Station 1 ng General Santos City Police Office (GSCPO) at ng PNP Anti-Kidnapping Group (AKG) Davao Satellite Office.

Matapos ang pag-aresto, agad na dinala ang akusado sa Police Station 1 para sa kaukulang dokumentasyon bago ito i-turnover sa korteng naglabas ng warrant.

Pinuri naman ni PBGen. Arnold , Regional Director ng PRO 12, ang naging tagumpay ng kaniyang mga tauhan sa pagkakadakip sa suspek.

“The arrest of this regional-level most wanted person demonstrates our firm resolve to ensure that fugitives from justice are located and brought before the court. PRO 12 remains relentless in its manhunt operations to uphold justice and protect our communities,” pahayag ng direktor.

04/02/2026

𝐇𝐚𝐥𝐨𝐬 𝐏𝟏-𝐌 𝐡𝐚𝐥𝐚𝐠𝐚 𝐧𝐠 𝐬𝐦𝐮𝐠𝐠𝐥𝐞𝐝 𝐜𝐢𝐠𝐚𝐫𝐞𝐭𝐭𝐞𝐬, 𝐭𝐢𝐦𝐛𝐨𝐠 𝐬𝐚 𝐆𝐞𝐧𝐒𝐚𝐧; 𝟐 𝐬𝐮𝐬𝐩𝐞𝐤 𝐚𝐫𝐞𝐬𝐭𝐚𝐝𝐨

GENERAL SANTOS CITY — Bagsak sa kamay ng mga awtoridad ang dalawang lalaki matapos mahulihan ng mga hinihinalang smuggled na sigarilyo na nagkakahalaga ng ₱984,032.00 sa isang checkpoint sa Barangay Apopong, Linggo ng gabi.

Bandang alas-9:45 ng gabi noong Pebrero 1, 2026, nang parahin ng mga tauhan ng Police Station 2, City Mobile Force Company, Traffic Enforcement Unit, at City Intelligence Unit ang isang Suzuki minivan na may plate number MBI 4491. Ang operasyon ay isinagawa katuwang ang Coast Guard Counter-Intelligence Southern Mindanao.

Kinilala ang mga suspek na sina alias “Zoren”, 29-anyos, na siyang nagmamaneho ng sasakyan, at ang kasama nitong si alias “Alshemar”, 29-anyos.

Sa gitna ng inspeksyon, tumambad sa mga operatiba ang mga kahon ng sigarilyo na nasa loob ng sasakyan. Agad na kinumpiska ng mga awtoridad ang 23 kahon ng San Marino ci******es na ayon sa Bureau of Customs (BOC) ay may standard value na halos isang milyong piso.

Dinala ang mga suspek at ang mga ebidensya sa Police Station 2 para sa kaukulang dokumentasyon. Inihahanda na rin ang mga kasong isasampa laban sa dalawa sa pakikipag-ugnayan sa mga tamang ahensya.

Pinuri naman ni PBGen. Arnold Ardiente, Regional Director ng Police Regional Office (PRO) 12, ang pagiging alerto ng mga yunit na naging susi sa matagumpay na operasyon.

“This accomplishment highlights the importance of sustained checkpoint operations as a frontline defense against smuggling and other unlawful activities. PRO 12 remains steadfast in supporting inter-agency efforts to protect our economy and ensure that those who violate our laws are held accountable.” wika ni Ardiente.

04/02/2026

𝐏𝐍𝐏 𝐂𝐡𝐢𝐞𝐟 𝐍𝐚𝐫𝐭𝐚𝐭𝐞𝐳, 𝐧𝐚𝐠-𝐮𝐭𝐨𝐬 𝐧𝐠 𝐦𝐚𝐥𝐚𝐰𝐚𝐤𝐚𝐧𝐠 𝐦𝐚𝐧𝐡𝐮𝐧𝐭 𝐯𝐬. 𝐦𝐠𝐚 𝐬𝐮𝐬𝐩𝐞𝐤 𝐬𝐚 𝐆𝐞𝐧𝐒𝐚𝐧 𝐬𝐡𝐨𝐨𝐭𝐢𝐧𝐠 𝐢𝐧𝐜𝐢𝐝𝐞𝐧𝐭

GENERAL SANTOS CITY — Iniutos ni Philippine National Police (PNP) Chief Gen. Jose Melencio Nartatez Jr. ang isang agresibong manhunt operation laban sa mga armadong salarin na pumatay sa isang nurse at isang tricycle driver sa lungsod ng General Santos.

Ang mga biktima ay kinilalang sina Nhiezer Rolliene Jane Aguacito, isang nurse, at Iven Conde, ang drayber ng sinasakyang tricycle. Batay sa ulat, pinagbabaril ang dalawa sa kanto ng Aparente at Salvani Streets, Barangay City Heights noong Pebrero 2.

Sa isinagawang imbestigasyon, lumabas na hindi ang nurse na si Aguacito ang target ng mga suspek. Tinamaan lamang ito ng mga ligaw na bala habang pauwi mula sa pamimili ng groceries.

Dahil sa lantarang karahasan, agad na naglabas ng direktiba ang hepe ng pambansang pulisya para sa mabilis na pagresolba sa kaso.

“I have already directed the Regional Director, Police Regional Office-12, to run after all those involved and hold them accountable for what they did. We will leave no stone unturned in the conduct of investigation against those responsible,” pahayag ni Nartatez.

Nanawagan din ang PNP Chief sa publiko na manatiling kalmado habang ginagawa ng kapulisan ang kanilang tungkulin upang madakip ang mga kriminal.

“Hinihikayat ko ang lahat na maging mahinahon at hayaan ang PNP na gawin ang aming trabaho. Be rest assured, justice will be served and we will act swiftly to apprehend the suspects,” dagdag pa ng Heneral.

Bilang bahagi ng pagtugon sa insidente, mas pinalakas na ang police visibility at pagpapatrolya sa mga "high-risk areas" sa General Santos City.

Patuloy din ang pagsusuri ng mga awtoridad sa lahat ng anggulo upang matukoy ang tunay na motibo ng pag-atake at kung sino ang sadyang target ng nasabing pamamaril.

04/02/2026

𝐖𝐚𝐧𝐭𝐞𝐝 𝐬𝐚 𝐤𝐚𝐬𝐨𝐧𝐠 𝐦𝐮𝐫𝐝𝐞𝐫, 𝐭𝐢𝐦𝐛𝐨𝐠 𝐬𝐚 𝐌𝐚𝐥𝐚𝐩𝐚𝐭𝐚𝐧, 𝐒𝐚𝐫𝐚𝐧𝐠𝐚𝐧𝐢

MALAPATAN, SARANGANI PROVINCE — Hindi na nakaiwas pa sa kamay ng batas ang isang lalaking kabilang sa listahan ng Top 10 Regional Level Most Wanted Person matapos ang ikinasang operasyon ng mga awtoridad sa Barangay Tuyan nitong Pebrero 3, 2026.

Ang suspek na kinilala sa alyas na “Yoo” ay naaresto dakong alas-6:45 ng gabi sa pamamagitan ng pinagsanib na puwersa ng Malapatan at Malungon Municipal Police Stations, 1st Sarangani Provincial Mobile Force Company, Provincial Intelligence Unit, at CIDG 12 Sarangani Provincial Field Unit.

Dinakip ang akusado sa bisa ng Warrant of Arrest para sa kasong Murder na inisyu ng Regional Trial Court sa Alabel.

Dahil sa bigat ng krimen, walang inirekomendang piyansa ang korte para sa kaniyang pansamantalang kalayaan.

Dinala na ang suspek sa Malapatan MPS para sa kaukulang dokumentasyon bago ito i-turnover sa korteng naglabas ng warrant.

Pinuri ni PBGen. Arnold Ardiente, Regional Director ng PRO 12, ang naging tagumpay ng kaniyang mga tauhan sa pagkakadakip sa nasabing pugante.

“Prayoridad ng PRO 12 ang paghuli sa mga akusado sa karumal-dumal na krimen. Sa pamamagitan ng maayos na koordinasyon, tinitiyak nating mananagot sila sa batas upang mapanatili ang kapayapaan sa buong lalawigan ng Sarangani,” ani Ardiente.