Serbisyong Pilipinas

15/08/2025

EFREN “BATA” REYES, ITINANGHAL NA GREATEST POOL PLAYER OF ALL TIME

Kinilala ng MSN USA 2025 si Efren “Bata” Reyes bilang “undisputed GOAT” ng billiards, isang alamat mula sa Pampanga na naghari sa mundo ng bilyar sa loob ng maraming dekada. Mula lansangan hanggang world stage, walang nakatalo sa kanyang husay at diskarte.

Mga Pinakamalaking Titulo:

1999 WPA World Nine-ball Champion
2004 WPA World Eight-ball Champion
4× World Eight-ball Champion
3× U.S. Open Nine-ball Champion
13× Derby City Classic Winner (5× Master of the Table)
2× World Cup of Pool Champion (kasama si Francisco Bustamante)
7× Asian Nine-ball Tour Champion

Mga Karangalan at Record:

Hall of Fame Inductee sa 3 prestihiyosong institusyon
Time Magazine’s 60 Asian Heroes (2006)
Player of the Decade – 2000s
Record Holder: Largest Single Match Purse sa pool history ($100,000 vs. Earl Strickland, 1997)
Highest Single Season Earnings sa pool ($645,000 noong 2006)

Hanggang ngayon, nananatiling inspirasyon si “The Magician” sa mga manlalaro at tagahanga sa buong mundo, patunay na ang talento at galing ng Pilipino ay walang kapantay.

14/08/2025

DREAMWORKS MAGPAPALABAS NG PELIKULANG HANGO SA MITOLOHIYANG PILIPINO

Ipinahayag ng DreamWorks na ilalabas nila sa Setyembre 25, 2026 ang Forgotten Island, isang animated film na tampok ang mayamang mitolohiyang Pilipino. Iikot ang kwento sa masayang pakikipagsapalaran ng mga karakter sa isang mahiwagang isla na puno ng alamat at nilalang mula sa kulturang pre-kolonyal ng Pilipinas.

Inaasahang magpapakita ito ng mga kinikilalang nilalang gaya ng diwata, tikbalang, bakunawa, at nuno sa punso, na hango sa mga alamat ng Biringan City sa Samar, Tumao sa Iloilo, at nawawalang isla ng San Juan sa Mindanao.

Ididirek ito ng Filipino filmmaker na si Januel Mercado, kasama si Joel Crawford, ang duo sa likod ng Puss in Boots: The Last Wish. Kilala ang DreamWorks sa mga hit tulad ng Shrek, Kung Fu Panda, at How to Train Your Dragon, at ngayon ay bibida na rin sa kanilang obra ang kulturang Pilipino sa pandaigdigang entablado.

14/08/2025

UP VISAYAS GUMAWA NG MAS HEALTHY NA PATIS MULA SA TAHONG

Isang makabagong imbensyon ang ipinakilala ng University of the Philippines Visayas matapos lumikha ng low-salt fish sauce mula sa tahong na galing mismo sa baybayin ng Pilipinas. Layunin nitong magbigay ng mas malusog na alternatibo sa tradisyonal na patis nang hindi isinusuko ang sarap at linamnam nito.

Ayon sa UP Visayas, bukod sa mababa ang sodium content, ang tahong ay natural na mayaman sa protina, amino acids, zinc, calcium, at iron, habang mababa sa taba at cholesterol. Suportado ng DOST-PCAARRD, isinagawa ang pananaliksik upang gawing komersyal na produkto ang low-salt mussel sauce at magbigay ng dagdag kabuhayan sa mga pangingisda at komunidad sa baybayin.

Bagama’t nasa research stage pa, inaasahang magiging malaking hakbang ito sa pagtulak ng mas health-conscious at sustainable na pagkain para sa mga Pilipino.

Pinag-aaralan din ng UP Visayas ang pagtakbo nito sa pandaigdigang merkado, kaya’t may potensyal itong maging isa sa mga ipinagmamalaking produktong Pinoy sa buong mundo.

14/08/2025

12/08/2025

VICO, SUPORTADO SI MAYOR TREÑAS SA IMBESTIGASYON NG PALPAK AT NASAYANG NA FLOOD CONTROL PROJECTS SA ILOILO CITY

Suportado ni Pasig City Mayor Vico Sotto ang panawagan ni Iloilo City Mayor Raisa Treñas na imbestigahan ang palpak at nasayang na flood control projects sa lungsod na hawak ng mga kumpanya ni Sarah Discaya.

Ngayong Martes, August 12, ibinahagi ni Sotto sa kaniyang Facebook ang post ni Treñas hinggil sa 4 na flood control projects na aniya’y “non-functional”, “non-existent”, at nagresulta sa malalang pagbaha.

Ang mga nasabing proyekto ay nagkakahalaga ng P120 milyon at P150 milyon kada isa, at may kabuuang pondo na aabot sa P570 milyon.

“As per Iloilo City Mayor Raisa Treñas, may problema rin ang 4 flood control projects ng Discaya companies sa kanila,” saad ni Sotto.

Ang kontrata sa mga tinukoy na proyekto ay nakuha ng Alpha & Omega General Contractor & Development Corp. at St. Timothy Construction Corp. (STCC) na pagmamay-ari ng mga Discaya.

“Kung gusto natin ng mas maayos na kinabukasan para sa ating bayan, panagutin natin ang mga taong nasa likod nito. Putulin na natin ang siklong ito!!” dagdag niya.

Ang Facebook posts nina Sotto at Treñas ay kasunod ng inilabas na listahan ni Pangulong Bongbong Marcos nitong Lunes, August 11, kung saan pinangalanan ang top 15 construction firms na nakakuha ng pinakamaraming flood control projects mula 2022 hanggang 2025, na nagkakahalaga ng P100 bilyon.

12/08/2025

Kung dati may pera sa basura, ngayon may pera sa baha. 😢

12/08/2025

‘FLAWED’ CONTROL PROJECTS: FUNDS KEEP RISING, COMMUNITIES KEEP DROWNING

Through the years, the budget allocation for the government’s flood control program has been in a constant uptrend. But despite the steady increase, thousands of communities in various regions across the country are still submerged in flood.

Since 2022, the Department of Public Works and Highways (DPWH) has received a total of P811 billion for its flood mitigation program from the National Expenditure Program (NEP) alone — P128 billion in 2022, P182 billion in 2023, P244 billion in 2024, and P257 billion in 2025.

However, contrary to its supposed purpose, flood control projects have only worsened the existing problem.

In Quezon City, DPWH projects have not only exacerbated the flooding woes but have also caused the inundation of various communities that were previously unaffected.

In Iloilo, Mayor Raisa Treñas reported that a number of major flood control projects in the city currently handled by Sarah Discaya’s construction firms Alpha & Omega and St. Timothy are either non-functional or non-existent at all.

This is the sad state of Philippine politics. While poor communities are being drowned and swept away by the floods, government officials are safe and sound inside their luxurious, sprawling mansions.

As the adage goes, “Engineering can’t fix what politics keeps breaking.”

The culprits behind the ‘flawed’ control projects:

1.) House Speaker Martin Romualdez
2.) Senior Deputy Speaker & Quezon 2nd District Rep. David “Jay-jay” Suarez
3.) Former House Appropriations Committee Chair & Ako Bicol Party-list Rep. Zaldy Co
4.) Former Senior Deputy Speaker & Pampanga 3rd District Rep. Aurelio “Dong” Gonzales Jr.
5.) Former Majority Leader Mannix Dalipe
6.) CWS Party-list Rep. Edwin Gardiola

12/08/2025

GOVT TO CONSTRUCT NEW SAN JUANICO BRIDGE WORTH P19 BILLION IN ROMUALDEZ TERRITORY

The government is currently eyeing the construction of a new San Juanico Bridge in Leyte worth over P19.75 Billion, which will be co-financed by the Japan International Cooperation Agency (JICA) and the national government.

The new bridge which will stand parallel to the existing San Juanico will connect Barangay San Isidro in Tacloban City to Barangay San Juan in Sta. Rita, Samar. Its construction cost will be largely financed through a loan agreement with JICA — a hefty one at that whose impacts will be cushioned by taxpayers.

Interestingly, Tacloban City belongs to Leyte’s 1st District which falls under the jurisdiction of House Speaker Martin Romualdez whose purview extends to the entirety of Leyte and the adjacent province of Samar.

Amid the impending construction of the “New San Juanico Bridge”, a question arises: will this be another flawed flood control project?

12/08/2025

MAMAMAHAYAG, PINATAY NG ISRAEL MATAPOS PAGBINTANGANG TERORISTA

Patay ang 5 na mamamahayag sa Gaza City matapos bombahin ng Israel ang kanilang media tent sa labas ng al-Shifa Hospital nitong Linggo, August 10.

Kabilang sa mga nasawi si Anas al-Sharif, reporter ng international news network na Al Jazeera at apat na iba pa.

Ayon sa Israel Defense Forces (IDF), si al-Sharif ay lider ng rebolusyonaryong grupong Hamas na nagpapanggap bilang isang mamamahayag.

Samantala, mariing kinondena ng iba’t ibang press group sa Palestine at ni United Nations Special Rapporteur Irene Khan ang pamamaslang at pinabulaanan ang paratang ng Israel dahil sa kawalan ng ebidensya.

Sa kasalukuyan, umabot na sa 270 ang kabuuang bilang ng mga mamamahayag at media practitioners na nasawi mula nang sakupin ng Israel ang Palestine noong Oktubre 2023.

12/08/2025

2 SA TOP FLOOD CONTROL CONTRACTORS, PAG-AARI NG MGA DISCAYA — VICO SOTTO

Sinabi ni Pasig City Mayor Vico Sotto na dalawa sa top 15 construction firms na nakakuha ng pinakamaraming flood control projects mula 2022 hanggang 2025 ay pagmamay-ari ng kaniyang katunggaling si Sarah Discaya, kabilang ang mga kumpanyang Alpha & Omega at St. Timothy.

“Ngayon, unti-unti nang nalalaman ng taumbayan ang buong katotohanan. As the president told them during the SONA, “MAHIYA NAMAN KAYO!” saad ni Sotto sa isang Facebook post.

Matatandaang tinalo ni Sotto si Sarah Discaya sa pamamagitan ng isang landslide victory, matapos makakuha ng botong 351,392 kontra sa 29,591 ni Discaya.

12/08/2025

VILLANUEVA: WALANG SENADOR NA MAY KAUGNAYAN SA TOP CONTRACTORS NG FLOOD CONTROL PROJECTS

Sinabi ni Senador Joel Villanueva nitong Lunes, August 11 na wala umanong senador ang may kaugnayan sa top 15 contractors na nakakuha ng pinakamaraming flood control projects sa bansa.

“I can only speak for this house, not the other house. And as far as I’m concerned as the majority leader of the Senate, I don’t see any senators involved in any of these 15 construction firms,” saad ni Villanueva sa isang press conference.

Nang tanungin kung may mga miyembro ng Kongreso na sangkot sa isyu, sinabi ni Villanueva na ibibigay na lamang niya sa media ang mga dokumento bilang patunay.

“Madali. Bibigyan ko na lang kayo ng mga papeles para mas magandang ‘yun ang magsalita kaysa ako,” tugon ng senador.

Matatandaang kahapon ay ibinunyag ni Pangulong Bongbong Marcos ang listahan ng mga contractor na nakakuha ng pinakamaraming flood control projects mula 2022 hanggang 2025. Ayon sa Pangulo, mahigit 20% ng flood control budget o katumbas ng mahigit P545 bilyon ay napunta lamang sa 15 contractors.

Kabilang dito ang kumpanyang Sunwest na pagmamay-ari ni dating House Appropriations Chairman at Ako Bicol Party-list Rep. Zaldy Co.

Samantala, ngayong araw ay kinundena ni Senate President Chiz Escudero ang isang media article na nagsasabing isa sa kaniyang campaign donors ay nakakuha ng P5-bilyong kontrata ng flood control project sa Sorsogon.

Ayon kay Escudero, bagama’t walang masamang sinabi tungkol sa kaniya ang artikulo, malinaw na pamumulitika ang layunin nito lalo pa’t kasalukuyang mainit ang isyu ng pag-aarkibo ng Senado sa impeachment case laban kay Vice President Sara Duterte.