21/02/2019
sabi ninda . . . .
by: jcaceres
padi igua nin indescent relation sa sarong principal sa sarong banwaan sa partido area
how true ini? kan panahon na 70s dangan 80s oso so mga lenguaheng baliktad arog baga kan malupit - pitmalu asin kadakol pang iba.
oso man kaidto so turobigan, aragawan base, tumbang priso, insirektos. kawat na dai mababalusan nin dakulang kaugmahan nin mga jovenes.
an respeto kan mga kaakian sa saindang mga magurang nagsusopay. simpleng kaugmahan simple man an pagkabuhay.
ngonyan na millenian age dai na oso so mga nasambit na kawat. an oso ngonyan i-pod, loptop asin pc computer.
kasabay kan pag oso kan mga nasambit na gadget nawara o nabawasn man so paggalang kan mga jovenes sa saindang mga magurang asin sa mga nakakagurang sainda.
siisay daw an nagku-lang? siisay daw an may responsabilidad sa mga kaakian na ini. bako man solosyon an pagpapababa kan idad sa inaapod na criminal liability para sa mga kaakian, sayang asin herak man kan satuyang mga kaakian kung mapapasala nin dalan.
si father may syotang principal? bako naman ini bago sa mga katoliko arog ko, kung an sarong padi magkaigua nin inaapod na indescent relation maski kaidtong panahon oso na ini. panahon pa kan mga kastila praktis na ini kung baga pinagmana na ini kan mga kapadian niato (bako man gabos).
sigon sa tsismis hale sa kantong putikon an baye sarong prinsipala sa sarong banwaan nin partido. ini kayang padi nadistino man duman kung sain si mam nakadistino.
sabi pa kan mga tsismoso asin tsismosa an prinsipala magayon-gayon, maboot, mahamot asin daraga.
an padi oya na digdi sa naga city nakadistino guapo, halangkaw asin igua siyang bakong baratong awto.
an sabi pa ninda permis naghehelingan an duwang lovers. hala ka father tibaad mabantog na igua ka nin chika babe, sabagay kung diyan ka maogma sana suportaran ka na sana ni mamo.
