BICOLNEWS.com

25/05/2026

SORSOGON CITY POLICE CHIEF, SINIBAK DAHIL SA ILLEGAL NA TUPADA; MGA PULIS NA SANGKOT, SASAMPAHAN NG KA*O

Ulat ni Maestro On Target

Sinibak sa puwesto si PLTCOL Christopher Firaza Aduviso, hepe ng pulisya ng Sorsogon City, matapos mapatunayang nagkaroon ng ilegal na tupada sa ilalim ng kanyang hurisdiksyon, partikular sa Barangay San Juan-Roro. Ang aksyon ay kaugnay ng umano’y paglabag sa mahigpit na direktiba ni Edwin Hamor laban sa lahat ng uri ng ilegal na sugal sa lalawigan.

Ayon sa ulat, personal na inikot ni Gov. Hamor ang 14 na bayan at Sorsogon City upang paalalahanan ang mga pulis hinggil sa kampanya kontra ilegal na sabong at iba pang ilegal na gawain. Gayunman, lumabas sa imbestigasyon na hindi lamang umano nabigong pigilan ni Aduviso ang operasyon ng tupada, kundi may mga pulis ding nadiskubreng sangkot at kalahok sa naturang ilegal na aktibidad.

Dahil dito, agad na ipinatupad ang relief order laban kay Aduviso bilang bahagi ng pananagutan sa insidente. Samantala, ang mga pulis na natukoy na may partisipasyon sa ilegal na tupada ay haharap sa ka*ong administratibo at kriminal.

As of press time, wala pang opisyal na pahayag si Aduviso hinggil sa napaulat na pagkakasibak sa kanya bilang hepe ng Sorsogon City Police Station. I via Botox News Online

📷 PLTCOL Christopher Firaza Aduviso FB

25/05/2026

22/05/2026

YOUNGEST DBM CHIEF PUSHES FASTER, PEOPLE-CENTERED GOVERNANCE

Acting Department of Budget and Management Secretary Kim De Leon has called for an end to slow-moving bureaucracy, stressing the need for faster and more responsive government service.

In a strong directive to government offices, De Leon emphasized the need to “move faster, act faster, and deliver faster,” saying public service should be directly felt by the people and not delayed by red tape and outdated processes.

At 32 years old, De Leon, considered the country’s youngest Budget chief, is pushing for a culture of urgency, accountability, and people-centered governance aimed at rebuilding public trust and improving efficiency across government agencies.

📷 DBM

20/05/2026

GOVERNOR PATRICK AZANZA, IPINALIWANAG ANG MGA HAKBANG SA KRISIS SA KURYENTE SA CATANDUANES

VIRAC, Catanduanes (Bicol News) - Nagbigay ng detalyadong paliwanag si Patrick Azanza kaugnay ng patuloy na suliranin sa suplay ng kuryente sa lalawigan ng Catanduanes.

Ayon sa gobernador, patuloy na nakikipag-ugnayan ang pamahalaang panlalawigan sa iba’t ibang ahensya ng gobyerno upang makapagpatupad ng agarang aksyon at makabuo ng pangmatagalang solusyon para sa mas maayos at matatag na serbisyo ng kuryente sa probinsya.

Kabilang sa mga pangunahing hakbang na inilatag ng pamahalaan ang long-term solution na naglalayong ikonekta ang Catanduanes sa national grid upang matiyak ang tuloy-tuloy at mas matatag na suplay ng kuryente sa isla.

Para naman sa medium-term solution, isinusulong ang pagtatapos ng Competitive Selection Process (CSP) para sa bidding ng kinakailangang 24 megawatts na power supply ng lalawigan.

Samantala, bilang short-term solution, ipagpapatuloy umano ang Emergency Power Supply Agreement (EPSA) upang pansamantalang matugunan ang kakulangan sa suplay ng kuryente.

Ipinaliwanag din ni Azanza na nagtapos noong Mayo 15 ang EPSA 1 ng SUWECO, habang nagpapatuloy pa ang proseso para sa EPSA 2.

Sa kasalukuyan, nasa kamay na umano ng FICELCO Board of Directors ang magiging desisyon hinggil sa agarang hakbang upang maresolba ang problema sa kuryente, lalo na’t mayroon nang ilang energy suppliers na nagpahayag ng kahandaang magbigay ng serbisyo sa Catanduanes.

Binigyang-diin pa ng gobernador na mahalaga ang mabilis ngunit masusing pagdedesisyon ng Board of Directors upang agad na matugunan ang nararanasang kakulangan sa suplay ng kuryente sa lalawigan.

| Ulat ni Rosie Nieva via Radyo Pilipinas

20/05/2026

BREAKING NEWS: WALANG TRO PARA KAY BATO

Ibinasura ng Korte Suprema ang petisyon ni Senator Ronald “Bato” Dela Rosa na humihiling ng temporary restraining order (TRO) laban sa pagpapatupad ng arrest warrant na inilabas ng International Criminal Court (ICC) kaugnay ng imbestigasyon nito sa war on drugs.

Sa desisyon ng Korte Suprema, hindi pinagbigyan ang kahilingan ng senador na pansamantalang ipahinto ang anumang aksyon kaugnay ng nasabing warrant, dahilan upang manatiling epektibo ang proseso ng pagpapatupad nito.

17/05/2026

A*O, SANHI NG AKSIDENTE SA JUBAN, SORSOGON

JUBAN, Sorsogon (Bicol News) - Isang 48-anyos na babae ang nasugatan matapos masangkot sa aksidente sa Brgy. Taboc, Juban, Sorsogon madaling-araw ng Linggo, Mayo 17.

Batay sa ulat ng Juban MDRRMO – Zulu Team, dakong alas-4:39 ng umaga nang maganap ang insidente na kinasasangkutan ng isang motorsiklo at isang ligaw na a*o.

Nagtamo ang biktima, na residente ng Central, Casiguran, Sorsogon, ng deformity sa kaliwang kamay at abrasion sa kaliwang tuhod sanhi ng aksidente.

Agad na rumesponde ang Zulu Team upang bigyan ng paunang lunas at assessment ang pasyente bago ito isinugod sa Sorsogon Provincial Hospital para sa karagdagang pagsusuri at gamutan.

Ayon sa MDRRMO, nanatiling kumpidensyal ang lahat ng personal at sensitibong impormasyon alinsunod sa Data Privacy Act.

📸 Juban MDRRMO