12/05/2020
UPDATE SA SOLO PARENTS GIFT-GIVING
Magandang araw sa lahat.
Nararamdaman po namin ngayon ang hirap sa panahon ng Covid 19, kung kaya’t naisipan ng A. M. Reyes Store na kahit paano ay makihabagi sa ginagawang pagtutulungan ng ating komunidad.
Ngayong panahon na ng GCQ sa lalawigan ng Bataan, ang sektor po ng lipunan na napili naming damayan ay ang mga “Solo Parents”. Naniniwala po kami na kahit hindi panahon ng Covid 19, sila po ang sektor na nangangalingan ng higit na suporta lalo na't nag-iisa sila sa pagtaguyod sa kinabukasan ng kanilang mga anak.
Hindi lingid sa iba na ang nanay ko mismo ay isang “Solo Parent”. Naaalala ko pa po kung gaano kabata ang aking mga kapatid nang sila’y mawalan ng isang ama.
Sa mga naging sponsor sa katatapos lamang na pamamahagi, nawa’y pagpalain pa kayo lalo ng Poong Maykapal. Ang A. M. Reyes Store ay lubos na nagpapasalamat sa inyo.
Para sa kumpletong listahan ng mga nabahaginan, inyo po itong makikita sa loob ng FBPage ng A. M. Reyes Store. Hanapin lamang po ang photo album na naglalaman ng id pictures ng mga nakatanggap sa ilalim ng titulong 50 SOLO PARENT BENEFICIARIES.
Muli, kami po ay nagpapasalamat sa inyong lahat.
ATE JOY