https://www.facebook.com/551302021391782/

Radyo Bandera Network, Macasaet Business Complex, Roxas Street, Puerto Princesa (2026)

28/05/2026

TATLONG DPWH OFFICIALS, HINDI KASAMA SA MGA SINAMPAHAN NG KASONG KRIMINAL KAUGNAY NG MAANOMALYANG FLOOD CONTROL PROJECTS

Hindi na kasama sa mga sinampahan ng kasong criminal ng Office of the Ombudsman ang tatlong dating opisyal ng Department of Public Works and Highways (DPWH) kaugnay ng flood control scam.

Sa press briefing, sinabi ni Assistant Ombudsman Mico Clavano hindi na kinasuhan sina dating DPWH Undersecretary Roberto Bernardo, dating NCR Regional Director Gerard Opulencia, at dating Bulacan 1st District Engineer Henry Alcantara.

Ito ay matapos umanong tumayong mga testigo sa imbestigasyon kaugnay ng maanomalyang flood control projects.

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

DMW PALAWAN, IBINAHAGI ANG SEASONAL WORKERS PROGRAM PATUNGONG SOUTH KOREA

Ibinahagi ng Department of Migrant Workers (DMW) Palawan ang detalye ng seasonal workers program patungong South Korea sa isinagawang Kapihan sa SM City Puerto Princesa ngayong araw.

Dumalo sa aktibidad sina DMW Provincial Director Jonathan Gerodias at DMW Protection Division Chief Atty. Oliver Ryan Cayatoc upang talakayin ang mga oportunidad at proteksyon para sa mga Overseas Filipino Workers o OFWs.

Ayon sa DMW, ang seasonal workers program ay isang “LGU-to-LGU initiative” kung saan direktang nakikipag-ugnayan ang lokal na pamahalaan sa Pilipinas sa counterpart local government unit sa South Korea para sa deployment ng mga manggagawa.

Ipinaliwanag ng ahensya na kinakailangang magkaroon muna ng memorandum of agreement o memorandum of understanding sa pagitan ng dalawang lokal na pamahalaan bago maisagawa ang hiring at deployment ng seasonal workers.

Sa kasalukuyan, sinabi ng DMW na wala pang umiiral na seasonal workers program sa Palawan, ngunit mayroon nang mga deployment sa ibang bahagi ng MIMAROPA gaya ng Occidental Mindoro at Sablayan.

Ibinahagi rin ng DMW na karaniwang destinasyon ng seasonal workers ang South Korea partikular sa mga lugar tulad ng Wando at Yeonsu kung saan nangangailangan ng mga manggagawa para sa limitadong panahon ng trabaho.

Ayon kay Atty. Cayatoc, mas simple ang proseso ng seasonal workers program kumpara sa regular deployment dahil hindi na kinakailangan ang language training at skills examination sa ilalim ng Employment Permit System o EPS ng Korea.

Dagdag pa nito, limitado lamang sa walong buwan ang kontrata ng seasonal workers ngunit maaari silang makabalik muli depende sa pangangailangan ng employer.

Tiniyak din ng DMW na mahigpit nilang binabantayan ang proseso upang maiwasan ang illegal recruitment, pananamantala, at paniningil ng mga hindi awtorisadong bayarin.

Binigyang-diin ng ahensya na tanging medical fee, visa fee, at airfare lamang ang pinapayagang gastusin ng mga aplikante habang mahigpit na ipinagbabawal ang operasyon ng mga broker at fixer.

Hinimok naman ng DMW ang publiko na makipag-ugnayan lamang sa mga lehitimong tanggapan ng gobyerno at regular na bisitahin ang opisyal na website ng ahensya para sa mga aprubadong overseas job opportunities. Via: SHERWIN LEONARDO

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

BOUNCING BABY BOY, KAUNA-UNAHANG ISINILANG SA BAGONG BUKAS NA BIRTHING FACILITY NG PUERTO PRINCESA SA CITY HEALTH MEDICAL COMPLEX

Agad na nakapaghatid ng serbisyo sa isang ina ang bagong bukas na Birthing Facility sa City Health Medical Complex sa Barangay Sta. Monica ngayong araw, May 28.

Ilang minuto lang kasi mula nang pasinayaan ito kaninang umaga ay matagumpay na isinilang ni Mommy Anname ang isang lalaking sanggol na si baby Andrei sa tulong ng mga doctor, nurse, midwives, at iba pang staff ng pasilidad na pinangangasiwaan ng City Health Office.

Masaya naman si Mayor Lucilo Bayron sa balitang ito at itinuturing na blessing ang araw ng kapanganakan ni baby Andrei sa kapanganakan din ng City Health MedCom Birthing Facility.

"Ngayong araw na ito ay isa na namang makabuluhang hakbang tungo doon sa goal natin na makapagbigay ng dekalidad at mapagkalingang serbisyong kalusugan para sa lahat ng mamamayan ng Puerto Princesa," ani Mayor Bayron.

Maliban sa pagpapalawak ng mga serbisyong medikal na ibinibigay ng city government sa mamamayan nito ay layunin din ng pagkakaroon ng mas maraming birthing facility sa Puerto Princesa lalo na sa malalayong barangay na mabawasan ang mga kaso ng maternal deaths.

Matatandaan na una naring sinabi ng alkalde sa inauguration ceremony kanina na hindi lang mga taga Puerto Princesa ang makikinabang dito dahil handa rin anya silang paglingkuran ang mga magmumula sa iba’t-ibang munisipyo ng Palawan. – via CHRIS BARRIENTOS

Photos by Mayor Lucilo Bayron FB Page

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

17-ANYOS NA BABAE, PATAY MATAPOS MALUNOD SA DAM SA BROOKE’S POINT, PALAWAN

Binawian ng buhay ang isang 17-anyos na babae matapos malunod sa Sabsaban Dam sa Brgy. Aribungos, Brooke’s Point, Palawan pasado 9:00 kaninang umaga, May 28, 2026.

Ang nasawi ay kinilala lamang ng mga otoridad sa alyas Nur, at residente ng nasabing barangay.

Ayon kay MDRRMO head Mohd Raiyan Miranda, agad silang tumugon matapos na makatanggap ng tawag mula sa isang Barangay kagawad ng kaugany sa insidente.

Pagdating nila sa lugar ay inabutan nila na sinusubukang i-revve ng mga tao sa lugar ang biktima.

Sinubukan pa umanong dalhin ng MDRRMO responder sa pinakamalapit na pagamutan ang biktima, ngunit hindi na ito umabot ng buhay.

Napagalaman na kasama ng biktima ang kanyang kapatid na naliligo sa dam.

Patuloy pang inaalam ngayon ng mga otoridad ang dahilan ng pagkalunod ng biktima.

Pinaalalahanan naman ni Miranda ang publiko na magdoble ingat kapag maliligo sa mga ilog at dam o magsasagawa ng iba pang water activities upang maiwasan ang ganitong insidente. Via: ERWIN LAORENO

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.17-ANYOS NA BABAE, PATAY MATAPOS MALUNOD SA DAM SA BROOKE’S POINT, PALAWAN

Binawian ng buhay ang isang 17-anyos na babae matapos malunod sa Sabsaban Dam sa Brgy. Aribungos, Brooke’s Point, Palawan pasado 9:00 kaninang umaga, May 28, 2026.

Ang nasawi ay kinilala lamang ng mga otoridad sa alyas Nur, at residente ng nasabing barangay.

Ayon kay MDRRMO head Mohd Raiyan Miranda, agad silang tumugon matapos na makatanggap ng tawag mula sa isang Barangay kagawad ng kaugany sa insidente.

Pagdating nila sa lugar ay inabutan nila na sinusubukang i-revve ng mga tao sa lugar ang biktima.

Sinubukan pa umanong dalhin ng MDRRMO responder sa pinakamalapit na pagamutan ang biktima, ngunit hindi na ito umabot ng buhay.

Napagalaman na kasama ng biktima ang kanyang kapatid na naliligo sa dam.

Patuloy pang inaalam ngayon ng mga otoridad ang dahilan ng pagkalunod ng biktima.

Pinaalalahanan naman ni Miranda ang publiko na magdoble ingat kapag maliligo sa mga ilog at dam o magsasagawa ng iba pang water activities upang maiwasan ang ganitong insidente. Via: ERWIN LAORENO

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

BANDERA REPORTS AFTERNOON EDITION WITH QUEENIE VALLES 05-28-26

HEADLINES:

-DALAWANG LALAKI, NABANGGA NG MOTORISTA HABANG PAPATAWID SA KALSADA SA BRGY. TAGBUROS SA PUERTO PRINCESA

-PAGNANAKAW NG MGA KABLE NG CITY STREETLIGHTS, MALAKI ANG EPEKTO SA LUNGSOD NG PUERTO PRINCESA

-KASO LABAN SA PAMILYANG NAGSARA NG KALSADANG PASOK SA TIMBERLAND SA ARACELI, PALAWAN, INIHAHANDA NA NG DENR-PENRO

-BAGONG BIRTHING FACILITY NG PUERTO PRINCESA, HANDA NANG MAGBIGAY NG SERBISYO SA PUBLIKO MATAPOS ANG OPISYAL NA PAGBUBUKAS NGAYONG ARAW

28/05/2026

SENADOR JINGGOY ESTRADA, SINAMPAHAN NA NG KASO NG OFFICE OF THE OMBUDSMAN

Pormal nang sinampahan ng Office of the Ombudsman ng kasong plunder at graft sa Sandiganbayan si Senador Jinggoy Estrada kaugnay ng umano’y pagkakasangkot nito sa maanomalyang flood control projects.

Personal na inihain ni Assistant Ombudsman Mico Clavano ang mga kaso nitong Huwebes, May 28.

Kabilang din sa mga kinasuhan si dating Department of Public Works and Highways (DPWH) Secretary Manuel Bonoan.

Nag-ugat ang reklamo sa alegasyon ni dating DPWH Bulacan District Engineer Brice Hernandez hinggil sa umano’y kickback sa mga proyekto, na mariing itinanggi naman ni Estrada.

📸: Contributed Photo

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

BAGONG BIRTHING FACILITY NG PUERTO PRINCESA, HANDA NANG MAGBIGAY NG SERBISYO SA PUBLIKO MATAPOS ANG OPISYAL NA PAGBUBUKAS NGAYONG ARAW

Pormal nang pinasinayaan at binuksan ngayong araw ang bagong birthing facility ng lungsod ng Puerto Princesa sa City Health Medical Complex sa Barangay Sta. Monica.

Ang aktibidad ay pinangunahan ni Mayor Lucilo Bayron at iba pang lokal na opisyales ng lungsod kasama ang mga department heads ng city government at mga kinatawan mula sa iba’t-ibang ahensya ng pamahalaan.

Operational na rin ito mula ngayong araw matapos na mabigyan ng License to Operate ng Department of Health (DOH) na siyang hudyat ng kahandaan nito para tumanggap at magbigay ng de kalidad na maternal healthcare services sa lahat.

Sa ngayon ay 2-bed capacity pa lamang ang bagong pasilidad na kayang magsagawa ng sabayang pagpapaanak at bukas din ito 24-oras kada araw kung saan may mga nakatalagang nurse at midwife na magtitiyak sa agarang pagtugon anumang oras.

Kumpleto rin ang pasilidad sa labor and recovery room, delivery room, treatment room, nurses’ station, staff room, at mga kinakailangang kagamitan para sa komportable at ligtas na panganganak ng mga ina.

Ayon kay Mayor Lucilo Bayron, libre ang mga serbisyong ibibigay sa birthing facility at maaaring magamit ng mga miyembro ng PhilHealth ang kanilang maternity package, habang hinihintay rin ang ambulansya at Health Emergency Response Operations (HERO) team para sa agarang referral kung kinakailangan.

Sinabi naman ni City Health Officer Dr. Ricardo Panganiban na sa ngayon ay 2-bed capacity pa lamang ang pasilidad pero kapag tumaas anya ang demand sa serbisyong ito lalo pa’t libre ay muli silang hihiling kay Mayor Bayron na madagdagan ito.

Idinagdag pa ni Mayor Bayron na ang pasilidad na ito ay hindi lamang sa mga residente ng lungsod ng Puerto Princesa bagkus ay handa rin anya itong magbigay ng serbisyo kahit sa mga nagmula sa malalayong munisipyo sa lalawigan ng Palawan.

Samantala, ito rin anya ay ginagawa ng lokal na pamahalaan para sa lahat na nagpapatunay ng patuloy na pamumuhunan ng lungsod sa mga programang pangkalusugan at sa pagbibigay ng mas maayos, mas mabilis, mas accessible, at mas maaasahang serbisyo para sa bawat isa. – via CHRIS BARRIENTOS

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

WARNING: Ang balitang ito ay naglalaman ng maselang detalye at tungkol sa pagkamatay ng bata. Maging disente at maingat sa mga komento

3-ANYOS NA BATA, NATAGPUANG PATAY SA MT. PROVINCE; MGA SUSPEK, MENOR DE EDAD?

Natagpuang wala nang buhay ang isang 3-taong gulang na batang babae sa likod ng isang kapilya sa Sitio Batnong, Brgy. Banawel, Natonin, Mt. Province.

Batay sa paunang impormasyong nakalap ng Natonin Municipal Police Station, huling nakita ang biktima na nasa pangangalaga ng kanyang lola na dumalo sa isang pagtitipon, ngunit naiulat na nawawala ang bata pagsapit ng tanghali nitong Linggo.

Matapos ang magdamag na paghahanap, natagpuan ang biktima at agad na isinugod sa pagamutan, ngunit idineklara itong dead on arrival ng mga doktor dahil sa tinamong traumatic brain injury.

Tukoy na rin umano ngayon ng PNP ang mga suspek sa krimen na kapwa menor de edad na may edad 12 at 8 taong gulang, pero ineberipika pa ng mga otoridad ang ilang impormasyon sa kaso kabilang na umano ang posibleng inabuso muna ang biktima bago ito pinatay.

Samantala, isinuko na umano ang mga suspek ng kanilang sariling mga magulang matapos silang umamin sa krimen.

Inirekomenda naman ng Department of Social Welfare and Development (DSWD) na isailalim sa intervention program ang 12-anyos na suspek, samantalang ibinalik sa pangangalaga ng kanyang mga magulang ang 8-anyos na bata, ngunit mananatili siyang nasa ilalim ng monitoring ng mga social worker.

Sa kasalukuyan, isinasailalim na sa otopsiya ang bangkay ng biktima upang kumpirmahin ang tunay na sanhi ng kanyang pagkamatay.

Samantala, sa ilalim ng Juvenile Justice and Welfare Act ay hindi maaaring makulong ang mga batang may edad 15 pababa na lumabag sa batas.

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

AKSYON BANDERA WITH MACARTHUR ASUTILLA 05-28-26

28/05/2026

ICC PROSECUTION, NAKATAKDANG ISUMITE ANG LISTAHAN NG NASA 60 HANGGANG 70 TESTIGO SA PAGLILITIS KAY DATING PANGULONG RODRIGO DUTERTE

Nakatakdang iharap ng ICC Prosecution ang nasa 60 hanggang 70 testigo sa paglilitis kay dating Pangulong Rodrigo Duterte kaugnay ng kanyang kaso sa International Criminal Court.

Ayon sa ICC Trial Chamber III, inaasahang maisusumite sa August 24, 2026 ang listahan ng mga testigo at iba pang ulat para sa preparasyon ng paglilitis na itinakda sa November 30, 2026.

Sinabi rin ng korte na maaaring gamitin ang mga naunang recorded testimony at video-link testimony para sa ilang testigo na hindi personal na makakadalo.

Samantala, kinuwestiyon ni ICC Presiding Judge Joanna Korner ang dami ng mga talumpati na inihain bilang ebidensya ng prosekusyon, matapos umano itong umabot sa 197 speeches na may magkakatulad na nilalaman.

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

28/05/2026

PHOTOS: MGA AMBASSADOR NG NORDIC COUNTRIES, BUMISITA AT NAKIKIPAGPULONG NGAYON KAY MAYOR LUCILO BAYRON

Nagpapatuloy ang pulong nina Mayor Lucilo Bayron at mga Ambbassador ng Nordic Countries sa bansa ngayong araw, May 28.

Kabilang dito sina Ambassador Franz-Michael Mellbin ng Denmark, Ambassador Saija Nurminen ng Finland, Ambassador Christian Halaas Lyster ng Norway at Ambassador Anna Ferry ng Sweden.

Sa nasabing pag-uusap, ipinagmalaki ni Mayor Bayron ang mga proyekto at programa ng lokal na pamahalaan na direktang napapakinabangan ng mamamayan.

Imaasahang matatalakay din ang mga posibleng pagtutulungan sa pagitan ng lungsod ng Puerto Princesa at nasabing mga bansa para sa mas pagpapa-unlad pa ng lungsod. - via CHRIS BARRIENTOS

DISCLAIMER: Radyo Bandera Philippines is an independent media organization. All content posted is for news reporting, public information, and educational purposes only. We do not promote, endorse, or are affiliated with any political party, gambling platform, health product, or individual unless explicitly stated. Viewer discretion is advised, especially for sensitive content.

Radyo Bandera Network

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

Address

Website

Alerts

Shortcuts

Share

Category