https://www.facebook.com/558858640636240/

Radyo Merkado Capiz, Unit 7 The Grounds Building, Calipayan Road, Brgy. Punta Tabuc, Roxas City (2026)

28/05/2026

𝗘𝗡𝗧𝗘𝗥𝗧𝗔𝗜𝗡𝗠𝗘𝗡𝗧 | 𝗘𝗡𝗥𝗜𝗤𝗨𝗘 𝗚𝗜𝗟, 𝗠𝗔𝗗𝗔𝗠𝗢 𝗡𝗔 𝗦𝗔𝗡𝗚 𝗡𝗔𝗣𝗨𝗡𝗗𝗔𝗥 𝗡𝗚𝗔 𝗣𝗥𝗢𝗣𝗘𝗗𝗔𝗗 𝗦𝗔 𝗣𝗔𝗚-𝗔𝗥𝗧𝗜𝗦𝗧𝗔

Isa ang low-key actor nga si Enrique Gil sa mga artista sa showbizlandia nga nakapundar na sang madamo nga propedad kag ini halin sa iya pag-artista.

Ginpahayag ni Enrique nga maswerte ini sa iloy nga si Bambi Gil bangud ini mismo ang naga-uyat sang iya kinitaan sa showbiz kag gin-invest sa mga propedad.

Indi man sa pagpabugal suno sa actor, apang may yara ini sang farm, may balay sa espanya, beachfront property kag pito ka lote.

Ini tanan ang bunga sang iya pinamalhasan sa showbiz

Aminado ini nga indi siya maluho nga tawo kag nahibaluan nga indi permanente ang trabaho sa showbiz, gani agud masiguro nga may fall back just in case nga wala na sang proyekto nga mabaton, nag-invest ini sa pila ka propedad nga iya magamit sa pila ka adlaw.

28/05/2026

𝗦𝗣𝗢𝗥𝗧𝗦 | 𝗕𝗢𝗦𝗧𝗢𝗡 𝗛𝗘𝗔𝗗 𝗖𝗢𝗔𝗖𝗛 𝗝𝗢𝗘 𝗠𝗔𝗭𝗭𝗨𝗟𝗟𝗔 𝗡𝗔𝗣𝗜𝗟𝗜𝗔𝗡 𝗕𝗜𝗟𝗔𝗡𝗚 𝟮𝟬𝟮𝟱-𝟮𝟲 𝗡𝗕𝗔 𝗖𝗢𝗔𝗖𝗛 𝗢𝗙 𝗧𝗛𝗘 𝗬𝗘𝗔𝗥

Napilian bilang 2025-26 NBA Coach of the Year si Boston Celtics head coach Joe Mazulla.

Si Mazulla ang coach gikan sa Boston nga nakakuha sa nasambit nga pagkilala matapos ang 46 ka tuig.

Ginpierde pa sang Boston head coach sanday Detroit Pistons coach J.B. Bickerstaff kag San Antonio Spurs HC Mitch Johnson.

Nakakuha ang batikan nga coach sang 62 first-place samtang ang nagsunod sa iya nga si Bickerstaff ang nakakuha lamang sang 29 ka boto.

Matandaan sa natapos lamang nga season ginpangunahan ni Mazulla ang roster overhaul sa Celtics kasunod sang pagbiya nanday Kristaps Porziņģis, Jrue Holiday, kag Al Horford, kaupod ang pagkadula ni Jayson Tatum bangud sa iya malawig nga rehabilitasyon tuga sang iya achiles injury.

28/05/2026

𝗕𝗨𝗦𝗜𝗡𝗘𝗦𝗦 | 𝗣𝗜𝗟𝗜𝗣𝗜𝗡𝗔𝗦 𝗡𝗔𝗚𝗔𝗣𝗔𝗡𝗚𝗜𝗧𝗔 𝗦𝗔𝗡𝗚 𝗕𝗔𝗚-𝗢 𝗡𝗚𝗔 𝗘𝗫𝗣𝗢𝗥𝗧 𝗠𝗔𝗥𝗞𝗘𝗧 𝗣𝗔𝗥𝗔 𝗦𝗔 𝗗𝗨𝗥𝗜𝗔𝗡 𝗞𝗔𝗚 𝗦𝗔𝗚𝗜𝗡𝗚

Plano karon sang Pilipinas nga pasangkaron ang agricultural exports agud magsanyog ang access sa merkado sang locally grown products.

Nagapakig-angut karon ang Department of Agriculture (DA) Bureau of Plant Industry (BPI) sa Australia, Uzbekistan kag pila ka pungsod agud mapalapad ang access sa merkado sa mga locally produced farm goods kalakip ang durian kag saging.

Ginpahayag ni BPI director Gerald Glenn Panganiban nga ang Philippine kag Australian governments gina-pinalisa na ang ila hinambalanay nga buksan ang export access para sa saging sang Pilipinas.

Nakatigayon man nga makasumiter ang ahensiya sang ila pest risk analysis sa Agriculture Department sang Australia.

Sa bahin sang prutas nga Durian, ginpahayag ni Panganiban nga plano sang ahensiya nga palaparon ang exports sa iban nga pungsod posible sa Korea, Australia kag New Zealand.

28/05/2026

𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 | 𝗪𝗛𝗢 𝗡𝗔𝗚𝗣𝗔𝗡𝗔𝗪𝗔𝗚𝗔𝗡 𝗦𝗔𝗡𝗚 𝗨𝗡𝗧𝗔𝗧 𝗟𝗨𝗣𝗢𝗞 𝗦𝗔 𝗘𝗔𝗦𝗧𝗘𝗥𝗡 𝗗𝗘𝗠𝗢𝗖𝗥𝗔𝗧𝗜𝗖 𝗥𝗘𝗣𝗨𝗕𝗟𝗜𝗖 𝗢𝗙 𝗖𝗢𝗡𝗚𝗢 𝗕𝗔𝗡𝗚𝗨𝗗 𝗦𝗔 𝗡𝗔𝗚𝗔𝗟𝗔𝗟𝗔 𝗡𝗚𝗔 𝗘𝗕𝗢𝗟𝗔 𝗢𝗨𝗧𝗕𝗥𝗘𝗔𝗞

Nagpanawagan ang World Health Organization (WHO) sang untat lupok sa nasidlangan nga bahin sang Democratic Republic of the Congo (DRC) agud mapunggan ang paglapta sang Ebola samtang padayon ang engkwentro sa rehiyon.

Suno sa WHO, nagalala ang outbreak sang Ebola sa tunga sang nagapadayon nga konflikto, rason agud magginutok ang mga nag-evacuate sa mga evacuation kag displacement camps sa diin mas madasig ang paglapta sang sakit.

Ginpahayag ni WHO Director-General Tedros Adhanom Ghebreyesus nga ang sitwasyon sa eastern DRC ang tuman nga naapektuhan sang giyera kag sakit, sa diin nabudlayan ang mga health worker nga makahatag sang bulig bangud sa kinagamo.

Suno sa iya, indi mangin epektibo ang pagsabat sa outbreak kun padayon ang pagpamomba kag engkwentro, gani nagapanawagan ini sa magtimbang nga bahin nga magpatuman sang gilayon nga ceasefire.

28/05/2026

𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 | 𝗕𝗜𝗗𝗘𝗡, 𝗡𝗔𝗚𝗣𝗔𝗦𝗔𝗞𝗔 𝗦𝗔𝗡𝗚 𝗞𝗔𝗦𝗢 𝗩𝗦 𝗨𝗦 𝗗𝗢𝗝 𝗣𝗔𝗥𝗔 𝗨𝗣𝗔𝗡𝗚𝗔𝗡 𝗔𝗡𝗚 𝗣𝗔𝗚𝗣𝗔𝗚𝗨𝗛𝗔 𝗦𝗔𝗡𝗚 𝗔𝗨𝗗𝗜𝗢 𝗥𝗘𝗖𝗢𝗥𝗗𝗜𝗡𝗚𝗦

Nagpasaka sang kaso si former US President Joe Biden batuk sa U.S. Department of Justice (DOJ) agud punggan ang plano nga pagpaguha sang audio recordings kag transcripts sang iya pribado nga pag-estorya sa iya nga biographer sang2016 kag 2017.

Santu sa reklamo nga ginpasaka sa federal court sa Washington, D.C., natalana nga ipaguha sang DOJ sa Hunyo 15 ang nasambit nga materyales sa U.S. House Judiciary Committee kag sa conservative group nga Heritage Foundation.

Ang nasambit nga grupo ang naghinyo sang dokumento bilang kabahin sang impormasyon nga gingamit sa imbestigasyon ni former Special Counsel Robert Hur sang 2023 kaangut sap ag-uyat ni Biden sang classified documents.

Ginpahayag nga ginaabuso ang proseso sang request sang komite agud malikawan ang mga probisyon sang Freedom of Information Act nga nagalimita sa pagpaguha sang nasambit nga impormasyon.

28/05/2026

𝗡𝗔𝗧𝗜𝗢𝗡𝗔𝗟 | 𝗣𝗔𝗡𝗜𝗕𝗔𝗚-𝗢 𝗡𝗚𝗔 𝗣𝗔𝗚𝗕𝗔𝗟𝗔𝗦𝗔 𝗦𝗔 𝗣𝗡𝗣 𝗚𝗜𝗡𝗣𝗔𝗧𝗨𝗠𝗔𝗡

Muling nagpatuman sang pagbalasa ang pila ka matag-as nga opisyal sang Philippine National Police.

Sa ginpaguha nga mandu, ginpahamtang si Directorate for Education and Training (DET) Deputy Director P/Brig. Gen. Arnold Ibay bilang bag-o nga hepe sang National Capital Region Police Office (NCRPO).

Samtang si P/Brig. Gen. Randy Arceo ipahamtang sa Personnel Holding and Accountability Unit (PHAU).

Magatal-us naman sa puwesto ni Ibany bilang DET Deputy Director si PNP Academy Deputy Director P/Brig. Gen. Romeo Berango.

Samtang si Directorate for Research and Development (DRD) Executive Officer P/Brig. Gen. Francisco Ebreo ang magabulo kay Berango.

Mangin Directorate for Research and Development (DRD) Executive Officer si P/Brig. General Gonzalo Villamor Jr.

Ginpahamtang si PNP Commandant of Cadets si Police Regional Office–Cordillera Administrative Region Deputy Director for Operations P/Col. Ledon Monte.

28/05/2026

𝗕𝗥𝗘𝗔𝗞𝗜𝗡𝗚 | 𝗘𝗦𝗧𝗥𝗔𝗗𝗔, 𝗚𝗜𝗡𝗣𝗔𝗦𝗔𝗞𝗔𝗔𝗡 𝗡𝗔 𝗦𝗔𝗡𝗚 𝗞𝗔𝗦𝗢 𝗡𝗚𝗔 𝗣𝗟𝗨𝗡𝗗𝗘𝗥 𝗞𝗔𝗚 𝗚𝗥𝗔𝗙𝗧

Ang Office of the Ombudsman nagpasaka na sang reklamo nga plunder kag graft batok kay Senador Jinggoy Estrada sa Sandiganbayan bangud sa ginaalegar kickbacks gikan sa mga proyekto sang gobyerno sa flood control.

28/05/2026

𝗡𝗔𝗧𝗜𝗢𝗡𝗔𝗟 | 𝗡𝗢 – 𝗘𝗟𝗘𝗖𝗧𝗜𝗢𝗡 𝗦𝗔 𝟮𝟬𝟮𝟴, 𝗚𝗜𝗡𝗣𝗔𝗡𝗚𝗜𝗡𝗪𝗔𝗟𝗔 𝗦𝗔𝗡𝗚 𝗖𝗢𝗠𝗘𝗟𝗘𝗖

Ginpanginwala ni Commission on Elections (Comelec) Chairman George Erwin Garcia ang posibilidad sang isa “no-election” scenario sa 2028 nga ginaalegar magapahaba sa termino ni President Ferdinand Marcos Jr.

Ginhimo ni Garcia ang pahayag bilang sabat sa nangin pahayag ni Senadora Imee Marcos kaangut sa posibilidad nga wala sang matabo nga eleksyon sa 2028.

Suno sa Comelec chief, imposible nga matabo ini bangud klaro sa Konstitusyon ang pagpatigayon sang eleksyon.

Gindugang pa sini nga ginasuguran na sang Comelec ang preparasyon para sa presidential elections apisar nga duha ka tuig pa antes ini patigayunon.

Kalakip sa mga ginatun-an sang ahensiya ang automation sang eleksyon, liwat nga pagbukas voter’s registration, kag ang pagdihon sang mga rules kag pagsulundan para sa eleksyon.

Nauna na nga ginpanginwala ni President Marcos ang isyu sang “no-election scenario,” samtang gintawag naman ini sang Malacañang nga isa ka “diversionary tactic.”

28/05/2026

𝗡𝗔𝗧𝗜𝗢𝗡𝗔𝗟 | 𝗙𝗢𝗥𝗠𝗘𝗥 𝗦𝗘𝗡𝗔𝗧𝗢𝗥 𝗙𝗥𝗔𝗡𝗞𝗟𝗜𝗡 𝗗𝗥𝗜𝗟𝗢𝗡, 𝗚𝗜𝗡𝗣𝗔𝗛𝗔𝗬𝗔𝗚 𝗡𝗚𝗔 𝗣𝗢𝗦𝗜𝗕𝗟𝗘 𝗠𝗔𝗬 “𝗚𝗥𝗔𝗩𝗘 𝗔𝗕𝗨𝗦𝗘” 𝗦𝗔 𝗣𝗔𝗚𝗧𝗨𝗟𝗢𝗗 𝗦𝗔𝗡𝗚 𝗩𝗜𝗥𝗧𝗨𝗔𝗟 𝗩𝗢𝗧𝗜𝗡𝗚 𝗦𝗔 𝗦𝗘𝗡𝗔𝗗𝗢

Ginpahayag ni anay Senate President Franklin Drilon nga posible nakakomiter sang “grave abuse of discretion” ang mayorya sa Senado matapos ginpilit ang pag-amendar sang Senate rules para pahanugutan ang virtual participation kag online voting sang mga senador.

Suno kay Drilon, mahimo ini nga ipasaka sa Korte Suprema bangud may yara ini sang gahum sa pagtadlong sang grave abuse of discretion.

Ginsaysay niya nga ang mosyon ni Sen. Rodante Marcoleta angot sa virtual participation una nga ginrefer sa Committee on Rules, apang nadula na ang komite bangud sa pagbag-o sang liderato sa Senado.

Sa baylo, ginpasaka sang mayorya nga ginapamunuan ni Sen. Alan Peter Cayetano ang proposal diretso sa plenaryo.

Suno pa kay Drilon, amo ini ang kabangdanan kun ngaa nag-walkout ang minority bloc agud mapunggan ang pagduso sang mayorya sa proposal nga ila ginakabig nga wala nagasunod sa Senate rules.

Ginpahayag man ni Drilon nga posible konektado ang virtual voting proposal sa impeachment trial ni Vice President Sara Duterte.

Ginhingadlan niya ini nga “Bato Amendment” kag nag-alegar nga para makaboto gihapon si Sen. Ronald dela Rosa bisan pa sa mga isyu nga may yara sang kaangtanan sa impeachment proceedings.

28/05/2026

𝗡𝗔𝗧𝗜𝗢𝗡𝗔𝗟 | 𝗦𝗘𝗡. 𝗘𝗦𝗖𝗨𝗗𝗘𝗥𝗢, 𝗡𝗔𝗚𝗔𝗣𝗔𝗡𝗚𝗔𝗧𝗨𝗕𝗔𝗡𝗚 𝗦𝗔𝗡𝗚 𝗣𝗟𝗨𝗡𝗗𝗘𝗥 𝗖𝗢𝗠𝗣𝗟𝗔𝗜𝗡𝗧 𝗕𝗔𝗡𝗚𝗨𝗗 𝗦𝗔 𝗔𝗟𝗘𝗚𝗔𝗦𝗬𝗢𝗡 𝗡𝗚𝗔 𝗣𝟱𝟴𝟲-𝗠 𝗞𝗜𝗖𝗞𝗕𝗔𝗖𝗞𝗦

Nagapangatubang sang plunder, graft, kag indirect bribery si former Senate President Francis “Chiz” Escudero sa Office of the Ombudsman.

Nahibaluan nga ginrekomemda sang Field Investigation Office (FIO) sang Ombudsman sang Abril 16 ang pagpasaka sang kaso batuk sa senador.

Ba-se sa complaint nga “indirectly received” ni Escudero ang kapin P306 million kag P280 million bilang kickbacks gikan sa nagkalain lain nga flood control projects.

Nasandig ang mga alegasyon sa testimonya ni former Department of Public Works and Highways (DPWH) Undersecretary Roberto Bernardo, sa diin nadalahig ang isa ka Maynard Ngu nga nagaserbe nga middle man kag bagman ni Escudero.

Santu sa dokumento, ginapatigayon ang pila ka delivery sang kuwarta sang 2024 kag 2025 pinaagi kay Ngu, kalakip ang isa ka P306-million transaction kag duha pa nga kantidad nga P160 million kag P120 million.

28/05/2026

𝗣𝗥𝗢𝗩𝗜𝗡𝗖𝗜𝗔𝗟 | 𝗧𝗢𝗬𝗢𝗧𝗔 𝗙𝗢𝗥𝗧𝗨𝗡𝗘𝗥 𝗡𝗔𝗕𝗨𝗡𝗚𝗚𝗨𝗔𝗡 𝗔𝗡𝗚 𝗞𝗨𝗗𝗔𝗟 𝗦𝗔𝗡𝗚 𝗜𝗦𝗔 𝗞𝗔 𝗕𝗔𝗟𝗔𝗬 𝗦𝗔 𝗝𝗔𝗡𝗜𝗨𝗔𝗬, 𝗜𝗟𝗢𝗜𝗟𝗢 𝗣𝟰𝟬𝟬,𝟬𝟬𝟬

Wasak ang una nga porsyon sang Toyota Fortuner sang aksidente nga nabungguan ang Calinog Bus Liner ukon (CBL) sa Patong-patong, Janiuay, Iloilo.

Suno kay Police Lieutenant Jonathan Mendoza, Officer-in-Charge sang Janiuay Municipal Police Station, halin sa Lambunao kag pakadto kuntani sa Janiuay ang CBL nga ginamaneho ni alyas “Nilo” samtang, halin naman sa Janiuay pakadto Lambuano ang fortuner nga ginamaneho ni alyas “Roger”.

Nabungguan sang fortuner ang unahan sang CBL kag nadulaan ini sang kontrol sa iya salakyan rason nga nag-deretso sa kudal sang isa ka balay tubtob nga nagbunggo sa puno sang kahoy nga Acacia.

Base sa imbestigayon, wala sang may napilasan sa pasahero sang CBL kag wala man pilas ang driver sang fortuner.

Radyo Merkado Capiz

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

28/05/2026

Address

Website

Alerts

Shortcuts

Share

Category