https://www.facebook.com/558858640636240/

Radyo Merkado Capiz, Unit 7 The Grounds Building, Calipayan Road, Brgy. Punta Tabuc, Roxas City (2026)

28/08/2026

RADYO MERKADO BALITA SA AGA WITH KAMERKADO RICO C. INFANTE & REGELYN BADHAY | AUGUST 29, 2026

DISCLAIMER: THIS PROGRAM INCLUDES MUSIC. NO COPYRIGHT INFRINGEMENT INTENDED. ALL RIGHTS ARE RESERVED TO THE RIGHTFUL OWNERS.

Listen Online 24/7: http://rmstream.todostreamcast.com:8000/rmcapiz

TodoStream App : https://play.google.com/store/apps/details?id=com.rapbox.TODOStream

Youtube: https://www.youtube.com/

28/08/2026

𝗞𝗔𝗬𝗔 𝗡𝗜𝗬𝗢 𝗜𝗡𝗜 𝗠𝗚𝗔 𝗞𝗔-𝗠𝗘𝗥𝗞𝗔𝗗𝗢 ?

𝘝𝘐𝘋𝘌𝘖 𝘊𝘙𝘌𝘋𝘐𝘛𝘚: 𝘚𝘩𝘢𝘯𝘯𝘰𝘯 𝘞𝘢𝘳𝘥

28/08/2026

𝗧𝗥𝗘𝗡𝗗𝗜𝗡𝗚 | 𝗠𝗚𝗔 𝗡𝗔𝗚𝗔𝗘𝗗𝗔𝗗 𝗦𝗔𝗡𝗚 𝟭𝟬𝟬 𝗔𝗡𝗬𝗢𝗦 𝗦𝗔 𝗜𝗧𝗔𝗟𝗬𝗔, 𝗚𝗜𝗡𝗧𝗜𝗣𝗢𝗡

Talagsa na lang gid kita makakita sang isa ka tawo nga makaedad sang 100 ukon makabig nga centenarian.

Apang ang isa ka Italian retirement home ang nakakuha sang Guinness World Record matapos nga nagpatigayon sang tuigan nga pagtililipon sang mga centenarians kun sa diin nagtambong ang 70 ka mga tawo nga nagaedad sang 100 anyos.

Ang Fondazione Opera Immacolata, nga may yara sang onse ka mga retirement homes sa Veneto kag Gorizia sa northeastern Italy, ang nagapatigayon sang tuigan nga pagtililipon sang centernarians sa sulod sang kapin 15 ka tuig, kag ang nasambit nga event ang nagapadayon.

Ang Guinness World Records adjudicator nagkadto sa amo nga event sa Padua, kun sa diin nakita sini ang 70 ka mga tawo ang nakaselebrar sang100 birthdays sa attendance.

Ang nasambit nga event ang nakalapaw sa record sang dalagko nga pagtilipon sang centenarians, nga una na nga nakuha sang 45 ka mga tawo sa Australia sang 2016.

28/08/2026

𝗘𝗡𝗧𝗘𝗥𝗧𝗔𝗜𝗡𝗠𝗘𝗡𝗧 | 𝗦𝗨𝗘 𝗥𝗔𝗠𝗜𝗥𝗘𝗭 𝗚𝗜𝗡𝗔𝗧𝗦𝗜𝗞𝗔 𝗡𝗚𝗔 𝗡𝗔𝗕𝗨𝗚𝗥𝗔𝗦 𝗡𝗔 𝗔𝗡𝗚 𝗥𝗘𝗟𝗔𝗦𝗬𝗢𝗡 𝗞𝗔𝗬 𝗗𝗢𝗠𝗜𝗡𝗜𝗤𝗨𝗘 𝗥𝗢𝗤𝗨𝗘

Pila karon ka mga netizens ang nagapati nga nagbulagay na sanday Sue Ramirez kag Dominique Roque.

Ini matapos natalupangdan nga wala n asila naga-post together sa ila social media page.

Magluwas diri, kasubong nga keep quiet si Dominique samtang yara sa saddest point sang iya kabuhi si Sue matapos napatay ang iya iloy bangud sa balatian.

Madamo nga mga netizens ang naakig sa kasubong insensitive stories sang aktor sa diin nagapakita nga wala ini concern sa pagpangsubo ni Sue.

Apang may nagdepensa naman kay Dom nga nagsiling may laragway nga ginpost ang isa ka family member ni Sue sa diin makita ang aktor kaupod ang iya pamilya sa hamyang ni Mommy Chit.

[By: Elnor Basinang]

28/08/2026

𝗦𝗣𝗢𝗥𝗧𝗦 | 𝗝𝗨𝗦𝗧𝗜𝗡 𝗕𝗥𝗢𝗪𝗡𝗟𝗘𝗘, 𝗜𝗡𝗗𝗜 𝗣𝗔 𝗦𝗜𝗚𝗨𝗥𝗔𝗗𝗢 𝗞𝗨𝗡 𝗠𝗔𝗞𝗔-𝗨𝗣𝗢𝗗 𝗦𝗔 𝗚𝗜𝗟𝗔𝗦 𝗣𝗜𝗟𝗜𝗣𝗜𝗡𝗔𝗦 𝗧𝗘𝗔𝗠 𝗦𝗔 𝗔𝗦𝗜𝗔𝗡 𝗚𝗔𝗠𝗘𝗦

Indi pa masiguro sang head coach sang Gilas Pilipinas nga si Tim Cone kun makaupod sa team si Justin Brownlee para sa Asian Games.

Natalana nga magahampang ang Gilas Pilipinas batuk sa Bahrain sa Setyembre 11 sa isa ka hampang nga pagahiwaton sa Japan.

Si Brownlee nagdesisyon nga indi mag-upod sa Gilas Pilipinas para sa 4th window sang FIBA World Cup Asian Qualifiers—nga may hampang batuk sa Jordan subong nga adlaw, Biyernes sa kag Iran sa Domingo, Agosto 30.

Gindugang pa ni Cone nga wala sang indikasyon nga mangin kabahin sang squad si Brownlee para sa Asian Games sa Nagoya kun sa diin ang Pilipinas ang defending champion.

Wala man sang kasiguruhan nahanungod sa partisipasyon sang iban pa nga mga naturalized players sa Asian Games nga sanday Bennie Boatwright kinahanglan pa nga makakuha sang Philippine passport, samtang si Ange Kouame nagapabilin sa idalom sang kontrata sa isa ka team sa France.

[By: Elnor Basinang]

28/08/2026

𝗘𝗡𝗧𝗘𝗥𝗧𝗔𝗜𝗡𝗠𝗘𝗡𝗧 | 𝗔𝗟𝗘𝗫 𝗚𝗢𝗡𝗭𝗔𝗚𝗔 𝗡𝗔𝗚𝗕𝗨𝗡-𝗔𝗚 𝗡𝗔 𝗦𝗔𝗡𝗚 𝗜𝗟𝗔 𝗙𝗜𝗥𝗦𝗧 𝗕𝗔𝗕𝗬 𝗦𝗔𝗡𝗚 𝗕𝗔𝗡𝗔 𝗡𝗚𝗔 𝗦𝗜 𝗟𝗜𝗣𝗔 𝗩𝗜𝗖𝗘 𝗠𝗔𝗬𝗢𝗥 𝗠𝗜𝗞𝗘𝗘 𝗠𝗢𝗥𝗔𝗗𝗔

Ginkumpirma ni Mommy Pinty nga isa ka healthy baby boy ang 1st baby sang iya anak nga si Alex Gonzaga kag umagad nga si Lipa Vice Mayor Mikee Morada.

Suno kay Mommy Pinty nga nangin emosyunal si Alex kag Mikee sang finally mauyatan na ang ila little bundle of joy.

Hindi halos luyag ni Alex nga mapalayo ang iya baby nga suno kay Mommy Pinty normal reaction lamang para sa mga 1st time mommy.

Ginklaro man sang Iloy ni Alex kag Toni nga isa lang ang nangin anak ni Alex kag wala sang kamatuoran ang nagalagaw nga estorya nga kapid ini.

Samtang ginpahayag ni Mommy Pinty nga hulaton lang sang iya mga fans nga si Alex mismo ang magshare sang iya childbirth journey pinaagi sa iya vlog.

Sa karon malipayon ang Pamilya Gonzaga kag Morada sa pag-abot sang panibag-o nga miyembro sang ila pamilya.

[By: Elnor Basinang]

28/08/2026

𝗕𝗨𝗦𝗜𝗡𝗘𝗦𝗦 | 𝗗𝗧𝗜 𝗧𝗔𝗥𝗚𝗘𝗧 𝗔𝗡𝗚 𝗗𝗨𝗚𝗔𝗡𝗚 𝗡𝗚𝗔 𝗙𝗥𝗘𝗘 𝗧𝗥𝗔𝗗𝗘 𝗔𝗚𝗥𝗘𝗘𝗠𝗘𝗡𝗧𝗦 𝗦𝗜𝗡𝗜 𝗡𝗚𝗔 𝗧𝗨𝗜𝗚 𝟮𝟬𝟮𝟲

Target sang Pilipinas nga makahimo pa sang mas madamo nga Free Trade Agreements (FTA) sa sini nga tuig.

Ini ang kabahin sang tikang sang gobyerno nga mapasangkad ang merkado para sa mga produkto nga ginahimo sa pungsod.

Sang damlag lang natapos sang Pilipinas ang negosasyon para sa isa ka FTA upod ang Chile.

Ginalauman nga magahatag sang mas daku nga access sa merkado sang South America para sa mga produkto sang mga Pilipino.

Ginpahayag ni Trade Secretary Cristina Roque, daku nga potensyal nga merkado sa South America, gani importante ang amo nga kasugtanan para sa mga lokal nga produkto kag negosyo.

Target man sang DTI nga matapos sa sini nga tuig ang negosasyon para sa pila ka importante nga trade agreements, lakip na ang Philippine-European Union FTA, Philippine-Canada FTA, ASEAN Trade in Goods Agreement ukon ATIGA, kag Japan-Philippines Economic Partnership Agreement ukon JPEPA.

Suno kay Roque, makabulig ang JPEPA para mapasangkad liwat ang access sang mga produktong Pinoy, lakip na ang saging, sa merkado sang Japan.

Ang pinakabag-o naman nga FTA sang Pilipinas amo ang kasugtanan sini sa United Arab Emirates nga ginpirmahan sang Enero. Ini ang una nga FTA sang Pilipinas sa isa ka pungsod sa Middle East.

Katuyuan sini nga mapanubo ang taripa, mapalapad ang access sa mga produkto kag serbisyo, madugangan ang investments, kag makahimo sang mas madamo nga oportunidad para sa mga Filipino professionals kag service providers sa UAE.

[By: Elnor Basinang]

28/08/2026

𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 | 𝗤𝗔𝗧𝗔𝗥𝗜 𝗣𝗠 𝗡𝗔𝗧𝗔𝗟𝗔𝗡𝗔 𝗡𝗚𝗔 𝗠𝗔𝗚𝗕𝗜𝗦𝗜𝗧𝗔 𝗦𝗔 𝗜𝗥𝗔𝗡

Natalana nga magbisita sa Tehran, Iran si Qatari Prime Minister Sheikh Mohammed bin Abdulrahman bin Jassim Al Thani.

Tuyo sang iya nga pagbisita agud liwat buhion ang matawhay nga pag-estoryahanay sa tunga sang Iran kag Estados Unidos.

Suno sa Ministry of Foreign Affairs sang Qatar, maka-estorya sini ang pila ka opisyal sang Iran.

Talakayon diri kun paano mapahagan hagan ang tensyon sa tunga sang US kag Iran.

Nakaangkon sang temporaryo nga pag-untat sa kasugtanan sang Hulyo matapos lunsay gina-akusahan sang US kag Iran ang isa kag isa nga nagalapas sa memorandom of understanding sang Hunyo.

Matandaan nga nagpatuman sang panibag-o nga economic pressure si US President Donald Trump sa Iran pinaagi sa pagpapanaug sang sanctions sa mga trade partners.

[By: Regelyn Badhay]

28/08/2026

𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 | 𝗨𝗦𝗦 𝗧𝗛𝗘𝗢𝗗𝗢𝗥𝗘 𝗥𝗢𝗢𝗦𝗘𝗩𝗘𝗟𝗧 𝗜-𝗗𝗘𝗣𝗟𝗢𝗬 𝗦𝗔𝗡𝗚 𝗣𝗜𝗧𝗢 𝗞𝗔 𝗕𝗨𝗟𝗔𝗡 𝗦𝗔 𝗠𝗜𝗗𝗗𝗟𝗘 𝗘𝗔𝗦𝗧

Natalana nga i-deploy sang US ang aircraft carrier nga USS Theodore Roosevelt sa sulod sang pito ka bulan sa Middle East.

Suno kay John Perryman, master chief petty officer of the Navy, katuyuan sini nga bayluhan ang USS Abraham Lincoln sa rehiyon nga nagdugay na sang 250 ka adlaw sa Middle East.

Ginalauman nga magaagi sa port sang Thailand ang USS George Washington.

Ang nasambit nga deployment sang mga aircraft carriers bilang pagpakita ni US President Donald Trump sang iya pwersa sa Middle East batuk sa Iran.

[By: Regelyn Badhay]

28/08/2026

𝗡𝗔𝗧𝗜𝗢𝗡𝗔𝗟 | 𝗣𝗜𝗟𝗜𝗣𝗜𝗡𝗔𝗦 𝗞𝗔𝗚 𝗨𝗞, 𝗡𝗔𝗚-𝗨𝗠𝗣𝗜𝗦𝗔 𝗡𝗔 𝗦𝗔𝗡𝗚 𝗡𝗘𝗚𝗢𝗦𝗔𝗦𝗬𝗢𝗡 𝗣𝗔𝗥𝗔 𝗦𝗔 𝗩𝗜𝗦𝗜𝗧𝗜𝗡𝗚 𝗙𝗢𝗥𝗖𝗘𝗦 𝗔𝗚𝗥𝗘𝗘𝗠𝗘𝗡𝗧

Ginsuguran na sang Pilipinas kag United Kingdom (UK) ang una nga hugna sang pormal nga negosasyon para sa proposed Status of Visiting Forces Agreement (SOVFA), suno sa Department of National Defense (DND) sang Huwebes.

Ang negosasyon nagatuyo nga mapabakod ang defense cooperation kag interoperability sa tunga sang Philippine kag British armed forces, kag mapalapad ang kooperasyon sa seguridad sa rehiyon.

Ginpanguluhan ni DND Undersecretary Salvador Melchor B. Mison Jr. ang Philippine panel, samtang si Amy Senior, head sang UK Ministry of Defence Indo-Pacific, ang nagpanguna sa British delegation.

Suno sa DND, importante ang proposed agreement bilang legal framework para sa temporaryo nga pagbisita kag pag-operate sang foreign military personnel sa Pilipinas.

Lakip diri ang mga patakaran sa jurisdiction, pagsulod kag pagguha sang tropa, logistics support, kag military cooperation.

Ginpahayag ni Mison nga ginapabugal sang Pilipinas ang suporta sang UK sa pagpalig-on sang rules-based international order kag pagpreserbar sang mga kahilwayan nga ginaprotektahan sang 1982 United Nations Convention on the Law of the Sea (UNCLOS).

Ang Pilipinas may yara na sang visiting forces agreements ukon kasugtanan sa Estados Unidos, Australia, Japan, New Zealand, Canada, kag France.

Ang bag-o nga negosasyon kabahin sang nagapadayon nga pagpalig-on sang defense partnerships sang Pilipinas bangud sa nagadugang nga security challenges sa Indo-Pacific region, lakip ang tensyon sa West Philippine Sea.

[By: Elnor Basinang]

Radyo Merkado Capiz

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

Address

Website

Alerts

Shortcuts

Share

Category

Listing takedown request