02/11/2025
NOVENA ALANG SA MGA KALAG SA PURGATORIO (Cebuano -Traditional)
I. ROSARIO SA PASYON - Rosario alang sa mga Kalag
¡Ave Maria Purisima, sin peccado concebida!
MGA PASI-UNA'NG RITO:
L: (mag-krus sa agtang) Tungod sa timaan sa Santa Cruz… (mag-krus sa baba) Sa amo'ng mga kaaway… (mag-krus sa dughan) Bawi-on mo kami o Dios namo… (Manguros) Sa Ngalan sa Amahan, ug sa Anak ug sa Espirito Santo (Mateo 28:19).
R: Amen.
PASI-UNA'NG PAG-AMPO - PAGHINULSOL:
Ginoo kong Hesukristo, Dios ug Tawo nga Matuod, Magbubuhat ug Manunubos ko, tungod sa pagka-Dios Mo nahigugma ako Kanimo labaw sa tanan. Busa, nagba*ol ako’g daku uyamut, naghinulsol ako sa ako'ng mga sala nga tanan. Sa bug-os ko'ng kasingkasing nagasaad ako sa malig-on nga dili na makasala pag-usab, likayan ko na man ang mga kahigayunan sa pagpakasala. Mokumpisal ako ug motuman sa Penitensiya nga isugo Mo kanako. Ihalad ko man Kanimo ang ako'ng kinabuhi, mga buhat ug mga kabudlayan nga tanan, nga ikabayad ko sa ako'ng mga sala. Naglaum ako sa Imo'ng Diosnon nga kaayo ug kalooy nga walay katapusan. Pasaylu-on Mo ako tungod sa pagpasakit ug pagkamatay Mo sa Krus. Hatagan Mo ako sa Imo'ng Santos nga grasya nga ikabalhin ko sa ako'ng mga gawi, nga ikadayon ko pagtuman sa mga maayo'ng buhat kutob sa ikamatay ko. Amen.
AKTO SA PAGTUO, PAGLAUM, UG GUGMA - ACTO DE FE, ESPERANZA Y CARIDAD:
Mitoo ako Dios ko, nga Ikaw mao'y Dios nga Amahan, Dios nga Anak, ug Dios na Espiritu Santo. Tulo ka personas nga gayod ug USA ra ka Dios nga Matuod, Maayo nga Walay Sinugdan ug Katapusan, Manggi-alamon, Matarong, Makagagahum, Sinugdan ug Katapusan sa nga tanan; mitoo ako nga ang ato'ng Ginoo'ng Hesukristo mao'y Diyos ug Tawo nga Matuod nga gi-anak ni Santa Maria Birhen, gisakit sa sugo ni Poncio Pilato, namatay ug nabuhi, misaka sa Langit, Mitoo ako nga moanhi pag-usab sa paghukom sa mga buhi ug sa mga minatay, mitoo ako nga ang lawas sa ato'ng Ginoo'ng Hesukristo ana-a sa hostia sa Sanctissimo Sacramento sa Altar. Ug mitoo ako sa tanan nga gipatuhuan sa ato'ng Inahan Santa Iglesya Katolika Apostolika Romana; kay ingon niana gipahayag mo Diyos ko, sa Santa Iglesya.
[Tulo ka Amahan Namo, Tulo ka Maghimaya Ka Maria, Tulo ka Requiem Eternam ug Tulo ka Gloria Patri]
AMAHAN NAMO (3x):
L: Amahan namo, ana-a Ka sa mga Langit. Pagdaygon ang Imo'ng Ngalan. Moabot kanamo ang Imo'ng ginghari-an. Matuman ang Imo'ng pagbuot, dinhi sa yuta maingon sa Langit.
R: Ang kalan-on namo sa matag adlaw, ihatag kanamo karong adlawa. Ug pasaylo-a kami sa amo'ng mga sala, maingon nga nagapasaylo kami sa mga nagkasala kanamo. Ug dili Mo kami itugyan sa mga pagsulay, hinono-a luwasa kami sa dautan. Amen.
MAGHIMAYA KA MARIA (3x):
L: Alang sa mga Birtudes sa Pagtuo, Paglaum ug Gugma…Maghimaya ka Maria, napuno ka sa grasya. Ang Ginoo ana-a kanimo. Bulahan ka sa mga babaye nga tanan. Ug bulahan man usab ang Bunga sa tiyan mo nga si Hesus.
R: Santa Maria, Inahan ka sa Dios, i-ampo mo kami'ng makasasala. Karon ug sa oras sa amo'ng ikamatay. Amen.
REQUIEM ETERNAM [PAHULAY NGA DAYON] (3x):
L: Ang Kapahulayang Dayon ihatag Mo [ka'ng (nga'an sa namatay)] sa mga kalag nga nitaliwan, O Ginoo.
R: Ug ang Kahayag nga Walay Pagkapalong modang-ag kanila/kaniya hangtud sa kahangturan. Amen.
GLORIA PATRI [HIMAYA SA AMAHAN] (3x):
L: Gloria Patri, et Filio, et Spiritui Sancto.
R: Sicut erat in princípio, et nunc, et semper, et in sæcula sæculórum. Amen.
PANGILABA:
Ibungat Mo, Ginoo, ang amo'ng mga ngabil, inita Mo ang amo'ng mga kasingkasing, hawanan Mo sa tanan'g mga huna-huna nga mahugaw ug walay pulos, hayagan Mo ang amo'ng salabutan ug pagdasigon Mo ang amo'ng kabubut-on aron sa tibook nga kasingkasing pangadyeon namo kini'ng Santos nga Rosario, sa mga kaagi sa Imo'ng Santos nga pagpasakit ug pagpakamatay uban sa mga kasakit nga mapait sa Iya'ng Santos nga Inahan, ang Mahal nga Birhen Maria ug dunggon kami sa Diosnon Mo'ng kaambong nga mabuhi ug maghari sa walay katapusan. Amen.
On Our Father Beads:
1. Unang Misteryo, etc…
2.L: Maluluy-on uyamot nga Hesus, tan-awa sa Imo'ng mga mata, ang kalag [ni: nga'an sa namatay] sa tanan'g mga binunyagan nga namatay Ka, tungod kanila, namatay ug gisakit Ka sa Krus.
2.L: Maluluy-on uyamot nga Hesus, tan-awa sa Imo'ng mga mata, ang kalag sa amo'ng mga minahal sa kinabuhi ug sa tanan'g mga binunyagan nga namatay Ka, tungod kanila, namatay ug gisakit Ka sa Krus.
On Hail Mary Beads:
1. L: Hesus ko, tungod niadto'ng daghanan nga singot ug dugo nga gisingot Mo didto sa Hetsemani/Huerto.
1.1 R: Kaluy-an Mo Ginoo ang kalag ni (nga'an sa namatay).
1.2 R: Kaluy-an Mo Ginoo ang tanan'g nga Kalag sa Purgatoryo ilabi ang amo'ng gihandum karon nga gituyo namo sa pag-ampo.
2. L: Hesus ko, tungod sa pagtampaling sa Imo'ng Halangdon nga Naw'ng.
3. L: Hesus ko, tungod sa mabangis nga paghampak Kanimo.
4. L: Hesus ko, tungod sa pagpurong-purong Kanimo sa mga ma-idlut nga tunok.
5. L: Hesus ko, tungod sa pagpas-an Mo sa Krus sa Dalan sa Kalbaryo/Kapaitan.
6. L: Hesus ko, tungod sa Imo'ng Santos nga naw'ng nga napuno sa dugo nga gilarawan Mo sa panyo ni Santa Veronica.
7. L: Hesus ko, tungod sa bisti Mo nga napuno sa dugo nga sa daku'ng kapintas gihubo Kanimo sa mga tampalasan.
8. L: Hesus ko, tungod sa Imo'ng Santos nga Lawas nga gilansang sa Krus.
9. L: Hesus ko, tungod sa Imo'ng Santos nga mga tiil ug mga kamut nga gilagbasan sa mga ma-idlut nga lansang.
10. L: Hesus ko, tungod sa Imo'ng kilid nga nabuka sa pagbuno sa usa ka bangkaw nga gi-agayan sa dugo ug tubig.
REQUIEM ETERNAM:
L: Ang Kapahulayang Dayon ihatag Mo [ka'ng (nga'an sa namatay)] sa mga kalag nga nitaliwan, O Ginoo.
R: Ug ang Kahayag nga Walay Pagkapalong modang-ag kanila/kaniya hangtud sa kahangturan. Amen.
PAG-AMPO SA FATIMA:
O Hesus ko, pasayloa kami sa amo'ng mga sala. Luwasa kami sa kalayo sa impiyerno. Ug dad-a ang tanang kalag ngadto sa Langit, ilabi na kato'ng nagkinahanglan sa Imo'ng dako'ng kalooy ug panabang. Amen.
[Buhata susama sa Una'ng Misteryo ang Ikaduha'ng Misteryo hangtud na sa Ikalima'ng Misteryo...]
PAGHALAD:
Matam-is uyamot nga Hesus, tungod sa pagtubos Mo sa kalibutan, nagpasakit Ka sa Krus; nangamuyo kami Kanimo, nga tungod sa Imo'ng mapait uyamot nga mga kasakit, luwa*on Mo ang kalag ni [nga'an sa namatay] (tanang mga kalag sa Purgatoryo ilabi na ang mga kalag sa amo'ng mga mahal sa kinabuhi ug kansa'ng adlaw sa kamatayon nga gihandum sa niagi'ng mga adlaw, kagahapon ug karon). Sa mga kasakitan nga gi-antus nila ug papahulayon Mo sila sa Imo'ng himaya nga walay katapusan. Amen.
LITANYA ALANG SA MGA KALAG SA PURGATORIO
L: Ginoo, Kaloy-i siya/sila.
R: Ginoo, Kaloy-i siya/sila.
L: Kristo Kaloy-i siya/sila.
R: Kristo Kaloy-i siya/sila.
L: Ginoo, Kaloy-i siya/sila.
R: Ginoo, Kaloy-i siya/sila.
L: Kristo
R: Dungga siya/sila.
L: Kristo
R: Pamati-a siya/sila.
L: Dios Amahan sa Langit.
R: Kaloy-i siya/sila.
L: Dios Anak, Manunubos sa Kalibutan.
R: Kaloy-i siya/sila.
L: Dios Espiritu Santo.
R: Kaloy-i siya/sila.
L: Santa Trinidad, Dios nga Usa.
R: Kaloy-i siya/sila.
L: Santa Maria.
R: I-ampo mo siya/sila.*
Santa nga Inahan sa Dios,*
Santa nga Birhen sa mga Birhen,
Inahan ni Cristo,
Inahan sa Simbahan,
Inahan sa Kaluoy,
Inahan sa Grasya sa Dios,
Inahan sa Paglaum,
Inahan nga Putli,
Inahan nga Wala Hilabti,
Inahan nga sa Sala Wala Mabuling,
Inahan nga Buotan,
Inahan nga Takus Dayegon,
Inahan sa Kanunay'ng Panabang,
Inahan sa Magbubuhat,
Inahan sa Manluluwas,
Birhen nga sa Kaalam Walay Ingon,
Birhen nga Gitahud Namo,
Birhen kansa'ng Kadayganan Gi-awit Namo,
Birhen nga Gamhanan,
Birhen nga Maluluy-on,
Birhen nga Matuohon,
Salamin sa Katarungan,
Lingkuranan sa Kinaadman,
Hinungdan sa amo'ng Kalipay,
Kalis sa Espiritohanon,
Kalis sa Kadungganan,
Mabulokong Kalis sa Paghalad,
Rosa Mistika,
Torre ni David,
Torre nga Tipusa,
Balay nga Bulawan,
Arka sa Alyansa,
Ganghaan sa Langit,
Bitoon sa Kabuntagon,
Kaayuhan sa mga Masakiton,
Dalangpanan sa mga Makasasala,
Konsuylo sa mga Migrantes,
Maglilipay sa mga Nanagsubo,
Hinabang sa mga Kristiyanos,
Hari sa mga Angheles,
Hari sa mga Patriyarka,
Hari sa mga Propeta,
Hari sa mga Apostoles,
Hari sa mga Martires,
Hari sa mga Kompesores,
Hari sa mga Birhen,
Hari sa mga Santos,
Hari nga Gipanamkon sa Walay Sala nga Panulondon,
Hari nga Gidala sa Langit,
Hari sa Santos uyamot nga Rosaryo,
Hari sa Pamilya,
Hari sa Kalinaw,
L: Kordero sa Dios nga nagawagtang sa sala sa kalibutan.
R: Pasaylu-a siya/sila, Ginoo.
L: Kordero sa Dios nga nagawagtang sa sala sa kalibutan
R: Pamati-a siya/sila, Ginoo.
L: Kordero sa Dios Nga nagawagtang sa sala sa kalibutan
R: Kaluy-i siya/sila, Ginoo.
L: Pasakop kami sa imo'ng panabang, Santa nga Inahan sa Dios. Dili mo biyaan ang amo'ng mga paghangyo kanimo diha sa amo'ng mga kinahanglan. Luwa*on Mo kami Ginoo sa tanan namo'ng mga katalagman. O Birhen sa gihapon nga mahigugmaon ug bulahan. I-ampo mo kami Santa nga Inahan sa Dios.
R: Aron mahimo kami'ng takos sa pagdangat sa mga gisaad sa’tong Ginoong Jesukristo. Amen.
MAG AMPO KITA:
Nagatugyan kami Kanimo, Ginoo, sa mga kalag sa Purgatoryo ilabi na sa kalag ni [nga'an sa namatay] (sa mga kalag sa amo'ng mga mahal sa kinabuhi ug sa mga gihandum sa mga niaging adlaw, kagahapon ug karon), aron kun patay na sila sa kalibutan tungod sa Imo'ng kaluoy nga walay katapusan, pasaylo-on Mo ang mga sala nga ila'ng nabuhat ug mabuhi unta sila uban Kanimo sa walay katapusan. Amen.
L: Requiem aeternam dona eis, Domine.
R: Et lux perpertua, luceat eis.
II. NOVENA (Propers)
ORASYON SA ADLAW NGA TANAN: O matam-is uyamot nga Hesus! Nga gilansang Ka niana'ng Krus! Ikaw man ang Amahan nga maluluy-on; gamiton Mo kanako ang Imo'ng daku'ng kalooy kay ako ang labi'ng talamayon ug makaluluoy nga makasasala, tungod sa Imo'ng Santos uyamot nga pagpasakit, tan-awa ang ako'ng kalag sa mga mata nga mahinuklogon ug ang tanan'g mga kalag sa Purgatoryo; ug tungod sa mga kasakit ug kapaitan sa Imo'ng diosnon nga Inahan. Inahan nga maluluy-on uyamot ug dalangpanan sa mga makakasala, tugutan mo ako sa usa ka matuod nga kasakit sa ako'ng mga sala ug luwa*on mo ang mga kalag sa Purgatoryo niadto'ng mga kasakit; tagaan mo sila sa himaya nga gisaad Mo kanila nga pahulayan. Amen.
ORASYON SA UNA'NG ADLAW:
https://www.facebook.com/share/p/qh7f9yLNai8DTGfS/
ORASYON SA IKADUHA'NG ADLAW:
https://www.facebook.com/share/p/4BtYEmZRNf5Rx8eT/
ORASYON SA IKATULO'NG ADLAW:
https://www.facebook.com/share/p/7i8WWngzhDS1jPDk/
ORASYON SA IKA-UPAT NGA ADLAW:
https://www.facebook.com/share/p/qQUa6obncpjg8fLo/
ORASYON SA IKALIMA'NG ADLAW:
https://www.facebook.com/share/p/8F57eKtNiXt3knkb/
ORASYON SA IKA-UNOM NGA ADLAW:
https://www.facebook.com/share/p/weTUAN3KKe3QK1qF/
ORASYON SA IKAPITO'NG ADLAW:
https://www.facebook.com/share/p/AdYJK9neZpa8sHQS/
ORASYON SA IKAWALO'NG ADLAW:
https://www.facebook.com/share/p/mQ8eBUKNaW9upVMc/
ORASYON SA IKA-SIYAM NGA ADLAW:
https://www.facebook.com/share/p/GDPDbrzjVMRadFdZ/
[Kini'ng pag-ampo nga mosunod pangadyeon sa adlaw-adlaw sa tapos ang Oracion nga paga-ilisan sa matag-adlaw...]
ORASYON: O maayo nga Hesus, Hari sa Himaya! Luwa*on Mo ang mga kasakitan sa Purgatoryo, ang mga kalag sa mga minatay ilabi na si ________________, luwa*on Mo sila Ginoo, sa mga kaguol ug mga kasakit nga gibati nila tungod sa gibati Mo sa kalbaryo ug sa Imo'ng masulub-on nga Inahan. Busa sa pagtabang kanila, ihalad namo Kanimo, Dios ko, ang amo'ng mga pag-ampo, mga pagpenitensiya ug panghupaw, uban sa usa ka matuod nga paghinulsol sa amo'ng mga sala. Dawaton Mo Ginoo kini'ng amo'ng pag-ampo ug tuguti nga si San Miguel Arkanghel nga gitudlo Mo sa mao'ng opisyo, moadto na aron pagkuha sa mga kalag nga bulahan didto sa kangitngitan sa kasubo ug sa mga kasakit ug magdala kanila ngadto sa kahayag ug kalipay sa himaya nga walay katapusan. Amen.
III. GOZOS
Ay, tawo nga manggiloy-on
ug amo'ng gilauman.
SA LANGUB AMO'NG GIPUY-AN
INYO KAMI'NG PANABANGAN.
Ay! Miagi na kami
Niana'ng walog nga luhaan
'Ning tabang kami sa uban,
Ug kanamo walay motabang?
Dili ninyo hikalimtan,
Nga magabalos babaslan.
SA LANGUB AMO'NG GIPUY-AN
INYO KAMI'NG PANABANGAN.
Gilibutan man kami
Sa kasakit nga daghanan,
Sa kalayo nga masiga.
Ug dili gayud mapagngan
Kay gihuyup kanunay
Sa Diosnon nga kinaadman.
SA LANGUB AMO'NG GIPUY-AN
INYO KAMI'NG PANABANGAN.
Ang mga sala'ng diyutay,
Amo nga gipasipad-an,
Sa wala'y pagtagam gayud
Nga ingon nga batasan,
Nahimo kami'ng takus
'Ning amo nga puluy-anan.
SA LANGUB AMO'NG GIPUY-AN
INYO KAMI'NG PANABANGAN.
Ang lima ka balatian
Nga dayan-dayan sa lawas
ug gigamit sa tawo
Sa iya'ng kasal-anan,
Gisakit ug daku dinhi
Balus sa gikalipayan.
SA LANGUB AMO'NG GIPUY-AN
INYO KAMI'NG PANABANGAN.
Ang labi'ng daku'ng pag-antos
Niini'ng pagkabutanga,
Dili ang kadugay lamang,
Sa pag-atubang sa Dios
Nga amo'ng gikahidlawan.
SA LANGUB AMONG GIPUY-AN
INYO KAMI'NG PANABANGAN.
Kalimot nga wala'y ingon,
Ang sa mga kaubanan
Nahi-agum lamang sila
Sa amo'ng gikabudlayan,
Sa wala nila'y pagpalandong
Sa ila'ng katigulangan.
SA LANGUB AMO'NG GIPUY-AN
INYO KAMI'NG PANABANGAN.
Ang kalooy nga buhat
Maoy amo'ng gikinahanglan
Sa pag-ampo ug sa Misa
Inyo kami'ng kahalaran,
Walay lain'g tambal
Kristiyanos niini nga kalisdanan.
SA LANGUB AMO'NG GIPUY-AN
INYO KAMI'NG PANABANGAN.
Pulong man ni Hesukristo
Nga ang Langit nga dalan,
Masigpit nga wala'y ingon
Ug sa tagsa ra gilaktan,
Nan kaluy-i kami ninyo,
Kay sa Dios kamo babaslan.
SA LANGUB AMO'NG GIPUY-AN
INYO KAMI'NG PANABANGAN.
Ang inyo nga kinabuhi
Ingon ug hangin nga mawala.
Ug ang kalipay sa yuta
Daw a*o nga moagi lamang.
Tumanon ninyo ang kalooy
Aron sa ulahi baslan.
SA LANGUB AMO'NG GIPUY-AN
INYO KAMI'NG PANABANGAN.
Ay, tawo nga manggiloy-on
ug amo'ng gilauman.
SA LANGUB AMO'NG GIPUY-AN
INYO KAMI'NG PANABANGAN
L: Audivi vocem de coelo dicentem ei.
R: Beati mortui qui in Domino moriuntur.
OREMUS: Deus, veniae largitor et humanae salutis amator: quaesumus clementiam Tuam; ut nostrae congregationis fratres, propinquos et benefactores, qui ex hoc saeculo transierunt, beata Maria semper Virgine intercedente cm omnibus Sanctis Tuis, ad perpetuae beatitudinis consortium pervenire concedas. Fidelium, Deus, omnium Conditur et Redemptor: animabus famulorum famularumque Tuarum remissionem cunctorum tribue peccatorum; ut indulgentiam, quam semper optaverunt, piis supplicationibus consequantur: Qui vivis et regnas in saecula saeculorum. Amen.
IV. CREDO SA MGA APOSTOLES: Nagatuo ako sa Dios Amahan, Makagagahum sa tanan. Magbubuhat sa Langit ug sa Yuta. Ug Ka'ng Hesukristo, Iya'ng Bugtong Anak, Ginoo nato. Nga gipanamkon sa lalang sa Espiritu Santo, gi-anak ni Maria nga Birhen. Gisakit sa sugo ni Poncio Pilato. Gilansang sa Krus, namatay, ug gilubong. Mikunsad sa mga minatay, sa ikatulo ka adlaw nabanhaw. Misaka sa Langit, ug nagalingkod sa Tuo sa Dios Amahan, Makagagahum sa tanan. Gikan didto mobalik Siya aron paghukom sa mga buhi ug sa mga minatay. Nagatuo ako sa Espiritu Santo, sa Santa Iglesia Katolika. Sa kaambitan sa mga Santos, sa kapasayluan sa mga sala, sa pagkabanhaw sa Lawas, ug sa kinabuhi'ng dayon. Amen.
V. SALVE REGINA: Maghimaya ka Rayna, Inahan sa kaluoy, kinabuhi ug kinatam-is, Ikaw ang gilauman namo. Maghimaya ka, nagapanawag kami kanimo, nga mga hininginlan nga mga Anak ni Eba. Nagapanghupaw kami, naga-agulo nga nagahilak kami niini'ng walog nga luhaan. Nan amo'ng mag-alampo, ilingi mo kanamo kanang imo'ng mga mata nga maluluy-on. Ug kun ubos man amo'ng panghingilin, Ipakita mo kanamo ang Anak mo nga si Jesus, ang Mahal nga Bunga sa tiyan mo. Ay, maaghop!, Ay, malooy-on!, Ay, matam-is nga Birhen Maria!
VI. MEMORARE: Hinumdoman mo O mahimayaon uyamot nga Birhen Maria, nga wala pa gyud dungga nga may usa nga midangop sa imo'ng panalipod, nangayo sa imo'ng panabang ug pangaliya sa pagpangama nga imo'ng gibiyaan. Dinasig niini'ng pagsalig, nagadangop kami kanimo O Ulay sa tanan'g mga ulay, amo'ng Inahan, kanimo kami miduol sa imo'ng atubangan, ani-a kami puno sa kasal-anan ug kasubo.
O Inahan sa Dios, ayaw tamaya ang amo'ng pangaliya, hinono-a luwasa kami ug ihatag ang amo'ng pangamuyo. Amen.
VII. PAG-AMPO NGADTO KA'NG SAN MIGUEL ARKANGHEL: San Miguel Arkanghel, tabangi kami sa panggubatan, panalipidi kami batok sa mga panlimbong ug pagsulay sa yawa. Mapa-ubsanon kami'ng nagahangyo kanimo, o Prinsipe sa mga kasundaluhan sa Langit nga pinaagi sa gahom sa Dios, imo'ng gibanlod sa impyerno si satanas uban sa iya'ng dautan'g mga espiritu nga naglibot-libot sa kalibutan aron pagpukan sa amo'ng mga kalag. Amen.
¡Ave Maria Purisima, sin peccado concebida!
¡Ave Maria Purisima, sin peccado concebida!
¡Ave Maria Purisima, sin peccado concebida!
¡Ave Maria!
MANGUROS: Sa Ngalan sa Amahan, ug sa Anak ug sa Espirito Santo. Amen.
