https://www.facebook.com/434503876422169/

95.7 XFM Tuguegarao, Barangay Gosi Norte, Tuguegarao City (2026)

10/10/2026

BULLSEYE SUNDAY EDITION kasama sina KATROPANG EDMAR GALINGANA at KATROPANG JIMMY ANDAYA
(OCT 11, 2026)

Good Day mga Katropa! Kindly like and subscribe on our YouTube channel XFM Santiago and click the notification bell for more update. Also follow us on our Twitch TV Channel. Thank you!
https://www.youtube.com/.9santiago
https://www.twitch.tv/xfmsantiago

DISCLAIMER: I hereby declare that I do not own the rights to this music/song. All rights belong to the owner. No Copyright Infringement Intended.
Brought to us by: Yes2Health Inc.

Ang Programang ito ay hatid ng:

10/10/2026

𝐑𝐞𝐬𝐭 𝐢𝐧 𝐩𝐞𝐚𝐜𝐞, 𝐊𝐚-𝐑𝐨𝐠𝐢𝐞 𝐒𝐞𝐧𝐝𝐢𝐧𝐠 🕊️🙏

𝑯𝒊𝒏𝒅𝒊 𝒎𝒂𝒏 𝒏𝒂𝒕𝒊𝒏 𝒌𝒂𝒚𝒂𝒏𝒈 𝒑𝒊𝒈𝒊𝒍𝒂𝒏 𝒂𝒏𝒈 𝒑𝒂𝒎𝒂𝒎𝒂𝒂𝒍𝒂𝒎, 𝒎𝒂𝒏𝒂𝒏𝒂𝒕𝒊𝒍𝒊 𝒏𝒂𝒎𝒂𝒏 𝒂𝒏𝒈 𝒂𝒍𝒂𝒂𝒍𝒂 𝒏𝒈 𝒊𝒔𝒂𝒏𝒈 𝒃𝒖𝒉𝒂𝒚 𝒏𝒂 𝒎𝒊𝒏𝒔𝒂𝒏𝒈 𝒏𝒂𝒈𝒊𝒏𝒈 𝒃𝒂𝒉𝒂𝒈𝒊 𝒏𝒈 𝒂𝒕𝒊𝒏𝒈 𝒎𝒖𝒏𝒅𝒐 🥺

Buong-puso pong nakikiramay ang pamunuan at buong pamilya ng 95.7 XFM Tuguegarao sa pagpanaw ni Ka-Rogie Sending, Cagayan Provincial Information Officer.

Ang kanyang paglisan ay isang mabigat na pangungulila hindi lamang para sa kanyang pamilya at mga mahal sa buhay, kundi maging sa mga kasamahan at sa mga taong kanyang nakasama at napaglingkuran.

Sa panahong ito ng dalamhati, dalangin namin ang katatagan at kapayapaan ng puso para sa kanyang pamilya. Nawa'y magsilbing kaaliwan ang mga alaalang iniwan niya, ang mga kabutihang kanyang naipamalas, at ang mga sandaling mananatiling buhay sa puso ng mga taong kanyang nakasalamuha.

10/10/2026

TINGNAN: NAG VIRAL NA POST SA CITY OF ILAGAN, ISABELA HINGGIL SA PAMIMIGAY AYUDA SA MGA SCHOLARS, NABURA AGAD.

Kaya lang ay marami sa mga netizens ang naka screen shot at ipinapahayag ang kaparehong sentimiyento.

Ito po ang isa sa mga screen shots na ngayon ay kumakalat din sa mga private messages.

Ang pamimigay ng ayuda sa mga estudyante ay nangyari kahapon, Oktubre 10, 2026 sa Arena ng City of Ilagan, Isabela.

10/10/2026

XCITINGG PILIPINAS SUNDAY! kasama si KATROPANG MUNDING PANCHA
(OCTOBER 11, 2026)

Visit and subscribe to our YouTube channel for more update. Thank you! https://youtube.com/?feature=shared and also on our TWITCH channel twitch.com/xfmtuguegarao

Ang Programang ito ay hatid ng:

09/10/2026

𝟭,𝟱𝟬𝟬 𝗕𝗔𝗚𝗢𝗡𝗚 𝗙𝗜𝗥𝗘 𝗧𝗥𝗨𝗖𝗞𝗦, 𝗕𝗜𝗕𝗜𝗟𝗛𝗜𝗡 𝗡𝗚 𝗗𝗜𝗟𝗚; 𝗟𝗔𝗛𝗔𝗧 𝗡𝗚 𝗠𝗨𝗡𝗜𝗦𝗜𝗣𝗔𝗟𝗜𝗗𝗔𝗗 𝗦𝗔 𝗕𝗔𝗡𝗦𝗔, 𝗧𝗔𝗥𝗚𝗘𝗧 𝗡𝗔 𝗠𝗔𝗚𝗞𝗔𝗥𝗢𝗢𝗡 𝗡𝗚 𝗗𝗔𝗟𝗔𝗪𝗔𝗡𝗚 𝗙𝗜𝗥𝗘 𝗧𝗥𝗨𝗖𝗞𝗦 𝗦𝗔 𝗟𝗢𝗢𝗕 𝗡𝗚 𝗔𝗡𝗜𝗠 𝗡𝗔 𝗧𝗔𝗢𝗡

Nakatakdang bumili ang Department of the Interior and Local Government (DILG) ng karagdagang 1,500 fire trucks para sa buong bansa, bilang bahagi ng layuning mapalakas ang kakayahan ng Bureau of Fire Protection (BFP) sa pagtugon sa mga sunog.

Ayon kay Interior and Local Government Secretary Jonvic Remulla, target ng kagawaran na makabili pa ng mahigit 1,000 fire trucks sa susunod na tatlong taon, upang sa loob ng anim na taon ay magkaroon ng hindi bababa sa dalawang fire truck ang bawat munisipalidad sa Pilipinas.

Tiniyak din ni Remulla na papalitan ng mga bagong sasakyan ang mga lumang fire truck, kasabay ng pagpapatupad ng service guarantee upang matiyak ang maayos na maintenance at serbisyo ng mga ito.

Ipinaliwanag ng kalihim na binago na rin ang dating sistema ng pagbili ng fire trucks upang mapababa ang gastos. Mula sa dating ₱16 milyon kada unit, ibinaba umano ito sa ₱10 milyon, na nagresulta sa tinatayang ₱9 bilyong matitipid sa unang procurement.

Samantala, kabilang din sa mga pangunahing paghahanda ng DILG ang inaasahang epekto ng El Niño, partikular sa sektor ng agrikultura at sa panganib ng sunog sa iba't ibang bahagi ng bansa.

Ayon kay Remulla, magsasagawa ang kagawaran ng information campaign simula Enero upang paigtingin ang kaalaman ng publiko sa fire prevention, lalo na sa mga komunidad na itinuturing na mas bulnerable sa sunog.

Kabilang sa mga pangunahing paalala ang pag-iwas sa paggamit ng kandila kung may mas ligtas na alternatibo, hindi pag-iiwan ng nilulutong pagkain, at pag-unplug ng mga electrical appliance na hindi ginagamit upang maiwasan ang short circuit at sunog.

Sa pamamagitan ng pagpaparami ng fire trucks, pagpapalawak ng information campaign, at pakikipagtulungan sa mga lokal na pamahalaan, layon ng DILG na mapahusay ang kahandaan ng bansa laban sa sunog at iba pang emergency.

Ang balitang ito ay hatid sa inyo ng:

09/10/2026

𝗣𝗡𝗣 𝗖𝗛𝗜𝗘𝗙 𝗡𝗔𝗥𝗧𝗔𝗧𝗘𝗭, 𝗣𝗜𝗡𝗨𝗥𝗜 𝗔𝗡𝗚 𝗣𝗥𝗢𝟮 𝗦𝗔 𝗣𝗔𝗠𝗔𝗠𝗔𝗚𝗜𝗧𝗔𝗡 𝗡𝗚 𝗣𝗔𝗚𝗕𝗜𝗕𝗜𝗚𝗔𝗬 𝗡𝗚 𝗣𝗘𝗥𝗙𝗘𝗖𝗧 𝗥𝗔𝗧𝗜𝗡𝗚; 𝗣𝗔𝗚𝗕𝗔𝗕𝗔𝗡𝗧𝗔𝗬 𝗦𝗔 𝗞𝗥𝗜𝗠𝗘𝗡 𝗔𝗧 𝗣𝗔𝗞𝗜𝗞𝗜𝗣𝗔𝗚-𝗨𝗚𝗡𝗔𝗬𝗔𝗡 𝗦𝗔 𝗞𝗢𝗠𝗨𝗡𝗜𝗗𝗔𝗗, 𝗕𝗜𝗡𝗜𝗚𝗬𝗔𝗡𝗚-𝗗𝗜𝗜𝗡

Pinuri ni Philippine National Police Chief General Jose Melencio C. Nartatez Jr. ang Police Regional Office 2 (PRO2) matapos bigyan ng perfect rating dahil sa mababang bilang ng focus crime na naitatala sa rehiyon.

Ayon kay Nartatez, mahalagang sukatan ng pagpapatupad ng batas at pagpapanatili ng kapayapaan at kaayusan ang sitwasyon ng krimen sa isang lugar.

Binigyang-diin din ng PNP Chief ang patuloy na pagsasagawa ng mga police patrol at operasyon, gayundin ang pagpapalakas ng ugnayan ng pulisya sa mga komunidad upang maiwasan ang mga krimen at mapanatili ang seguridad ng publiko.

Gayunman, iginiit ni Nartatez na hindi lamang nakasalalay sa kapulisan ang pagpapanatili ng kapayapaan, kundi maging sa aktibong pakikilahok ng mamamayan at ng mga lokal na pamahalaan o Local Government Units (LGUs).

Ayon sa kanya, mahalaga ang pagtutulungan ng pulisya, mga opisyal ng lokal na pamahalaan, at ng komunidad upang maging mas epektibo ang mga programa at operasyon laban sa kriminalidad.

Sa pamamagitan ng koordinasyon at sama-samang pagkilos, inaasahang higit na mapapalakas ang pagpapanatili ng kaayusan at kaligtasan sa buong Lambak ng Cagayan.

Ang balitang ito ay hatid sa inyo ng:

09/10/2026

𝗦𝗘𝗚𝗨𝗥𝗜𝗗𝗔𝗗 𝗦𝗔 𝗠𝗚𝗔 𝗖𝗘𝗟𝗟 𝗦𝗜𝗧𝗘 𝗦𝗔 𝗖𝗔𝗚𝗔𝗬𝗔𝗡, 𝗣𝗜𝗡𝗔𝗜𝗜𝗚𝗧𝗜𝗡𝗚 𝗡𝗚 𝗖𝗣𝗣𝗢

Pinaiigting ng Cagayan Police Provincial Office ang seguridad sa mga cell site at iba pang mahahalagang pasilidad ng komunikasyon sa lalawigan upang maiwasan ang pagnanakaw at iba pang posibleng banta sa kanilang operasyon.

Pinangunahan ni Cagayan PPO Provincial Director PCOL Mardito Anguluan ang pulong kasama ang mga cell site manager at security officer nitong Oktubre 8 sa Kabalikat Lounge, Camp Tirso H. Gador sa Tuguegarao City.

Layunin ng pagpupulong na palakasin ang koordinasyon ng pulisya at mga kinatawan ng telecommunications sector, partikular sa pagtukoy sa mga security concern at pagbuo ng mga hakbang upang maprotektahan ang mga pasilidad na mahalaga sa tuloy-tuloy na serbisyo ng komunikasyon.

Tinalakay din ang mga insidente ng pagnanakaw sa mga cell site at iba pang posibleng security threats, gayundin ang kahalagahan ng agarang pag-uulat sa pulisya upang mabilis na maaksyunan ang anumang insidente.

Lumahok din sa pamamagitan ng Zoom ang mga hepe ng iba't ibang police station sa Cagayan, bilang bahagi ng pagpapalakas sa koordinasyon at pagbabantay sa mga communication facility sa kani-kanilang lugar.

Ayon sa Cagayan PPO, mahalaga ang regular na palitan ng impormasyon sa pagitan ng pulisya at telecommunications stakeholders upang matukoy agad ang mga banta at mapigilan ang pagkasira o pagkaantala ng mga serbisyong pangkomunikasyon.

Bahagi ito ng patuloy na hakbang ng Cagayan PPO sa pagpapanatili ng peace and order, pagprotekta sa mahahalagang imprastraktura at pagpapalakas ng ugnayan sa pribadong sektor para sa seguridad ng mga komunidad sa lalawigan.

Source: CPPO

Ang balitang ito ay hatid sa inyo ng:

09/10/2026

𝗔𝗚𝗘 𝗩𝗘𝗥𝗜𝗙𝗜𝗖𝗔𝗧𝗜𝗢𝗡 𝗦𝗔 𝗦𝗢𝗖𝗜𝗔𝗟 𝗠𝗘𝗗𝗜𝗔, 𝗜𝗦𝗨𝗦𝗨𝗟𝗢𝗡𝗚 𝗣𝗔𝗥𝗔 𝗦𝗔 𝗣𝗥𝗢𝗧𝗘𝗞𝗦𝗜𝗬𝗢𝗡 𝗡𝗚 𝗠𝗚𝗔 𝗕𝗔𝗧𝗔

Mas paiigtingin ang proteksiyon sa mga menor de edad laban sa mga panganib sa internet sa ilalim ng panukalang SMART KIDS Act na nakalusot na sa ikatlo at huling pagbasa sa Senado.

Sa botong 16-1-0, inaprubahan ng Senado nitong Oktubre 8, 2026 ang Senate Bill No. 2424 o Safe Media Access and Responsible Technology for Kids in Digital Spaces Act.

Isa sa pangunahing itinatakda ng panukala ang obligasyon sa mga sakop na social media platform na magkaroon ng age verification o age-assurance mechanisms upang matukoy kung pasok sa itinakdang minimum age ang kanilang mga gumagamit.

Layunin nitong maprotektahan ang mga bata laban sa iba't ibang panganib sa digital spaces, kabilang ang cyberbullying, online grooming at pagkakalantad sa mapanganib o hindi angkop na content.

Sakop ng panukala ang mga online service na pangunahing ginagamit sa pakikipag-ugnayan, paglikha, pagbabahagi at pagtingin ng content.

Hindi naman kabilang sa saklaw ang ilang serbisyo gaya ng email, private messaging, educational at news platforms, gayundin ang ilang online games na hindi pangunahing social networking services.

Kapag naging ganap na batas, inaasahang magkakaroon ng mas malinaw at mahigpit na pamantayan para sa age verification at iba pang safety measures na kailangang ipatupad ng mga social media platform.

Photo: For Illustration Purposes Only

Ang balitang ito ay hatid sa inyo ng:

09/10/2026

𝗖𝗜𝗥𝗖𝗟𝗘 𝗛𝗨𝗕, 𝗠𝗔𝗚𝗣𝗔𝗣𝗔𝗟𝗔𝗣𝗜𝗧 𝗡𝗚 𝗕𝗨𝗦𝗜𝗡𝗘𝗦𝗦 𝗦𝗘𝗥𝗩𝗜𝗖𝗘𝗦 𝗦𝗔 𝗠𝗚𝗔 𝗠𝗦𝗠𝗘𝘀 𝗦𝗔 𝗥𝗘𝗚𝗜𝗢𝗡 𝟮

Mas mapapadali ang pagkuha ng iba't ibang serbisyo at suporta ng mga Micro, Small, and Medium Enterprises o MSMEs sa Cagayan Valley kasunod ng pormal na paglulunsad ng Cagayan Valley Integrated Regional Center for Local Enterprises o CIRCLE Hub.

Pormal na binuksan ang CIRCLE Hub nitong Oktubre 8, 2026 sa NERBAC Building ng DTI Regional Office 2, na nagsisilbing shared space para pag-isahin ang serbisyo at resources ng iba't ibang ahensya, industriya at academic institutions para sa mga lokal na negosyante.

Kabilang sa mga serbisyong maaaring ma-access sa hub ang business counseling, business name registration, loan applications, Freedom of Information o FOI requests, computer at research services, gayundin ang business advisory at training facilities.

Mayroon ding co-working space, meeting at conference room at product display showcase na maaaring gamitin ng mga lokal na MSMEs para sa kanilang operasyon, pagpapalawak ng negosyo at pagpo-promote ng kanilang mga produkto.

Binigyang-diin ni DTI Region 2 Regional Director at Regional MSME Development Council Chairperson Ma. Sofia Narag na ang CIRCLE Hub ay hindi lamang proyekto ng DTI kundi isang lugar kung saan nagtutulungan ang iba't ibang stakeholders para makapagbigay ng mas magkakaugnay na serbisyo sa mga MSMEs.

Tampok din sa paglulunsad ang ceremonial Memorandum of Agreement sa pagitan ng DTI Region 2 at Cagayan State University para sa Government-Academe-Industry collaboration, partikular sa food technology support.

Nabuo ang CIRCLE Hub mula sa MSME Development Plan Cascading initiative na isinagawa noong 2022 hanggang 2023 sa Santiago City, na nagsilbing pundasyon para sa pagtatatag ng integrated center.

Inaasahang magsisilbi itong one-stop collaborative space para mas mapalapit sa MSMEs ang impormasyon, konsultasyon, financing assistance, training at iba pang serbisyong kailangan para mapalago ang kanilang mga negosyo sa Cagayan Valley.

Source: One Cagayan / Facebook

Ang balitang ito ay hatid sa inyo ng:

09/10/2026

𝗛𝗘𝗔𝗟𝗧𝗛 𝗜𝗡𝗙𝗢𝗥𝗠𝗔𝗧𝗜𝗢𝗡 𝗦𝗘𝗥𝗩𝗜𝗖𝗘𝗦 𝗦𝗔 𝗔𝗣𝗔𝗥𝗥𝗜 𝗣𝗥𝗢𝗩𝗜𝗡𝗖𝗜𝗔𝗟 𝗛𝗢𝗦𝗣𝗜𝗧𝗔𝗟, 𝗣𝗜𝗡𝗔𝗜𝗜𝗚𝗧𝗜𝗡𝗚 𝗣𝗔𝗥𝗔 𝗦𝗔 𝗠𝗚𝗔 𝗣𝗔𝗦𝗬𝗘𝗡𝗧𝗘 𝗔𝗧 𝗞𝗢𝗠𝗨𝗡𝗜𝗗𝗔𝗗

Pinaiigting ng Aparri Provincial Hospital ang pagbibigay ng impormasyon at edukasyong pangkalusugan sa mga pasyente, health workers at komunidad kasunod ng isinagawang monitoring ng Provincial Health Office.

Nagsagawa ng monitoring visit ang PHO sa Health Education and Promotion Office o HEPO ng ospital noong Oktubre 5, 2026 upang suriin ang mga kasalukuyang programa at matukoy ang mga hakbang para higit pang mapalakas ang health education and promotion services.

Lumabas sa monitoring na aktibo at functional ang HEPO ng Aparri Provincial Hospital, kabilang ang pagkakaroon ng updated records at pagpapatupad ng mga programa sa pitong priority areas ng health education and promotion.

Patuloy din ang paggawa ng ospital ng sariling information, education and communication o IEC materials, habang ginagamit ang opisyal na page ng APH para sa regular na pagpapalaganap ng health information.

Mayroon ding functional at accessible na HEPO Corner sa ospital kung saan maaaring makakuha ng mga kaugnay na impormasyon ang mga pasyente at iba pang kliyente.

Bukod dito, nagsasagawa ang HEPO team ng health education activities hindi lamang para sa mga pasyente kundi maging sa hospital personnel at mga residente sa komunidad.

Pinangunahan nina Tristan Astrid Del Rosario at Rosefe Ancheta, kapwa HEPO II, ang monitoring, sa suporta ni Dr. Diana Rhea Garde, Chief of Hospital, kasama ang Public Health Unit at iba pang miyembro ng APH HEPO team.

Sa isinagawang pagsusuri, natukoy din ang ilang aspeto na maaari pang pagbutihin upang maging mas epektibo at responsive ang health education initiatives ng ospital.

Ayon sa Provincial Health Office, gagamitin ang mga naging resulta at feedback sa monitoring upang mapanatili ang mga epektibong gawain at mapalakas pa ang pagbibigay ng accessible at relevant na impormasyon pangkalusugan sa mga Cagayano.

📷 APH

Ang balitang ito ay hatid sa inyo ng:

95.7 XFM Tuguegarao

10/10/2026

10/10/2026

10/10/2026

10/10/2026

09/10/2026

09/10/2026

09/10/2026

09/10/2026

09/10/2026

09/10/2026

Address

Website

Alerts

Shortcuts

Share

Category

Listing takedown request