24/01/2023
ڈپٹی کمشنر محمد انور بریار کی ہدایت محکمہ خوراک ڈیرہ غازی خان کا گندم ذخیرہ اندوزوں کیخلاف آپریشن جاری ہے،اس سلسلہ میں ڈپٹی ڈائریکٹر فوڈ محمد اکرام کے ایماء پر ڈسٹرکٹ فوڈ
کنٹرولر مہر اختر حسین کی زیر قیادت ٹیم نے فاروق احمد شان ٹریڈرز نواں شہر چوٹی کے دو گوداموں سے 700گندم کی ذخیرہ کردہ بوریاں ضبط کرکے گوداموں کو سیل کردیا ہے۔اس حوالے سے ڈسٹرکٹ فوڈ کنٹرولر مہر اختر حسین نے بتایا کہ نواں شہر چوٹی کے رہائشی فاروق احمد کے گودام سے گندم سٹاک کی اطلاع ملی تو محکمہ فوڈ نے اسے چیک کیا،اس دوران دوسرے گودام سے بھی گندم سٹاک کا پتہ چلا،جس پر پنجاب ہورڈنگ ایکٹ کے تحت کارروائی کرتے ہوئے دونوں گوداموں سے
700بوری گندم برآمد کرکے مالک کو گرفتار اور اس کیخلاف تھانہ چوٹی میں مقدمہ بھی درج کرادیا گیاہے۔انہوں نے کہا کہ شہری بھی ذخیرہ کردہ گندم کی محکمہ فوڈ کو اطلاع دیں،ہم ذخیرہ اندوزوں کیخلاف سخت ایکشن لیں گے۔
