12/06/2026
*عالمی بینک کے اعلیٰ سطحی مشن کا تربیلا پانچویں توسیعی پن بجلی منصوبے کا دورہ؛ تعمیراتی کاموں کی رفتار پر اطمینان کا اظہار کیا*
تربیلا (12 جون، 2026): عالمی بینک (World Bank) کے ایک اعلیٰ سطحی وفد نے زیرِ تعمیر تربیلا پانچویں توسیعی پن بجلی منصوبے (T-5 HPP) کا دو روزہ دورہ کیا۔
اس اعلیٰ سطحی وفد کی سربراہی عالمی بینک کی کنٹری ڈائریکٹر برائے پاکستان، بولورما امگابازار (Bolormaa Amgaabazar) کر رہی تھیں۔
دورے کے دوران عالمی بینک کی ٹیم کو منصوبے پر جاری ترقیاتی کاموں کی پیش رفت کے حوالے سے تفصیلی بریفنگ دی گئی۔
اجلاس میں منصوبے کی تکنیکی پیش رفت، مالیاتی اخراجات اور مقامی آبادی کی فلاح و بہبود کے لیے سوشل ڈیولپمنٹ پروگرامز (SDP) کا جائزہ بھی لیا گیا۔
وفد نے پانچویں توسیعی منصوبے کے مختلف تعمیراتی مقامات کا فیلڈ معائنہ بھی کیا جبکہ کام کے معیار کو پرکھا۔
مزید برآں، وفد نے پہلے سے فعال 1410 میگاواٹ کے تربیلا چوتھے توسیعی پن بجلی منصوبے کے آپریشنل امور اور کارکردگی کے اشاریوں کو بھی سراہا۔
زیرِ تعمیر انجینئرنگ کاموں کی پیش رفت پر اطمینان کا اظہار کرتے ہوئے عالمی بینک کے مشن نے واپڈا (WAPDA) کے ساتھ اپنی مضبوط ترقیاتی شراکت داری کو برقرار رکھنے کے عزم کا اعادہ کیا تاکہ قومی گرڈ کے استحکام کے لیے سستی اور ماحول دوست پن بجلی کی فراہمی جاری رہ سکے۔
اس موقع پر ممبر (فنانس) واپڈا نوید اصغر چوہدری، ممبر (پاور) محمد عرفان، جنرل منیجر/ پراجیکٹ ڈائریکٹر (T-5HP) عمیر منان، جنرل منیجر/ پراجیکٹ ڈائریکٹر (تربیلا ڈیم پراجیکٹ) انور شاہ، ایڈوائزر (T-4 & T-5 HPP) اعظم جوئیہ، ایڈوائزر (TDP) حضرت عمر و دیگر بھی موجود تھے۔
دورے کے اختتام پر یادگاری سووینئر بھی پیش کیا گیا۔
