12/09/2026
گلگت:
سابق وزیرِ اعلیٰ و صدر مسلم لیگ ن و اپوزیشن لیڈر گلگت بلتستان حافظ حفیظ الرحمان نے میجر راجہ عزیز بھٹی شہیدؒ نشانِ حیدر کی 61ویں برسی کے موقع پر اپنے پیغام میں کہا کہ:
"قوم کے عظیم ہیرو میجر راجہ عزیز بھٹی شہیدؒ کی قربانی وطن کی تاریخ کا سنہرا باب ہے۔ 1965ء کی جنگ میں برکی سیکٹر میں انہوں نے اپنی جان کی پرواہ کیے بغیر دشمن کا ڈٹ کر مقابلہ کیا۔
مسلسل 5 دن اور راتیں محاذ پر ڈٹے رہنے کے بعد 12 ستمبر 1965ء کو انہوں نے شہادت کا رتبہ پایا۔ ان کی بے مثال جرات اور وطن سے محبت پر قوم نے انہیں 'نشانِ حیدر' کے سب سے بڑے اعزاز سے نواز کر ہمیشہ کے لیے امر کر دیا۔
آج ان کی 61ویں برسی پر ہم تمام شہداء کو خراجِ تحسین پیش کرتے ہیں۔ شہداء کا لہو رائیگاں نہیں جائے گا۔ ہماری افواج کا حوصلہ اور قوم کا اتحاد ہی پاکستان کی سب سے بڑی طاقت ہے۔
اللہ تعالیٰ تمام شہداء کے درجات بلند فرمائے۔ آمین
پاک فوج زندہ باد - پاکستان پائندہ باد
حافظ حفیظ الرحمان
سابق وزیرِ اعلیٰ و صدر مسلم لیگ ن
اپوزیشن لیڈر، گلگت بلتستان
