01/06/2026
اسلام آباد: پاکستان اور جرمنی نے اپنے دیرینہ دوطرفہ تعاون کو مزید مستحکم کرتے ہوئے 40.5 ملین یورو کے ایک اہم ترقیاتی معاہدے پر دستخط کر دیے ہیں۔
یہ معاہدہ اقتصادی امور ڈویژن اور جرمن ترقیاتی ادارے (GIZ) کے ذریعے طے پایا، جس کے تحت موسمیاتی تبدیلی سے نمٹنے، توانائی کے شعبے کی بہتری اور سماجی تحفظ سے متعلق 9 مختلف منصوبوں کی مالی معاونت کی جائے گی۔
حکام کے مطابق یہ منصوبے پاکستان میں پائیدار ترقی، ماحولیاتی تحفظ، توانائی کے بہتر استعمال اور کمزور طبقات کی فلاح و بہبود کو فروغ دینے میں اہم کردار ادا کریں گے۔
دونوں ممالک نے اس عزم کا اعادہ کیا کہ باہمی شراکت داری کے ذریعے ایک زیادہ مضبوط، مستحکم اور پائیدار مستقبل کی تعمیر کے لیے تعاون جاری رکھا جائے گا۔ 🇵🇰🇩🇪
