30/05/2026
قلعہ دیدار سنگھ کے نواحی علاقے چک اگو میں واقع گورنمنٹ گرلز ہائی سکول میں نامعلوم چور رات کی تاریکی میں تالے توڑ کر داخل ہوگئے اور سکول سے قیمتی سامان چوری کرکے فرار ہوگئے، ذرائع کے مطابق چوروں نے سکول کے مختلف کمروں کے تالے توڑ کر سامان کی تلاشی لی اور وہاں موجود قیمتی اشیاء اپنے ساتھ لے گئے۔ واقعے کی اطلاع ملنے پر متعلقہ حکام اور پولیس نے موقع پر پہنچ کر شواہد اکٹھے کیے اور واقعے کی تحقیقات شروع کر دیں،
اہل علاقہ نے تعلیمی ادارے میں چوری کی واردات پر تشویش کا اظہار کرتے ہوئے مطالبہ کیا ہے کہ ملزمان کو جلد از جلد گرفتار کرکے قانون کے کٹہرے میں لایا جائے اور سکولوں کی سکیورٹی کو مزید مؤثر بنایا جائے تاکہ آئندہ ایسے واقعات کی روک تھام ممکن ہو سکے۔