20/03/2026
جمعۃ الوداع رمضان المبارک کا آخری جمعہ ہوتا ہے، جو اپنے اندر بے شمار برکتیں، رحمتیں اور نصیحتیں سموئے ہوتا ہے۔ یہ دن ہمیں یاد دلاتا ہے کہ رمضان کا بابرکت مہینہ رخصت ہونے والا ہے، اس لیے ہمیں چاہیے کہ باقی ماندہ وقت کو عبادت، دعا، استغفار اور نیک اعمال میں گزاریں۔ جمعۃ الوداع صرف ایک دن نہیں بلکہ اپنے نفس کا محاسبہ کرنے، اللہ تعالیٰ سے معافی مانگنے اور اپنی زندگی کو بہتر بنانے کا بہترین موقع ہے۔
یہ جمعہ ہمیں یہ پیغام دیتا ہے کہ جس طرح رمضان ہمیں صبر، تقویٰ، محبت اور ہمدردی سکھاتا ہے، ہمیں چاہیے کہ ان صفات کو رمضان کے بعد بھی اپنی زندگی کا حصہ بنائیں۔ اس دن زیادہ سے زیادہ درود شریف پڑھنا، قرآن مجید کی تلاوت کرنا، صدقہ دینا اور امتِ مسلمہ کے لیے دعا کرنا بہت افضل عمل ہے۔
دعا:
اے اللہ! جمعۃ الوداع کے صدقے ہماری عبادات کو قبول فرما، ہمارے گناہوں کو معاف فرما، ہمیں رمضان کی حقیقی برکتیں نصیب فرما، اور ہمیں بار بار رمضان المبارک عطا فرما۔ آمین۔
طالب دعا🤲♥️
قاری محمداکرم چشتی عطاری
