01/03/2026
ڇا توهان فقط هڪ متبادل Option آهيو ! ?
تحرير/ترجمو/چونڊ: اظھر علي جوکيو۔
ڪجهه ماڻهو توهان جو انتخاب توهانجي صلاحيتن يا توهانجي شخصيت جي ڪري نٿا ڪن، اهي صرف توهان کي هڪ متبادل (Option) طور رکندا آهن۔ اها ڳالھ انساني رشتن ۽ نفسيات جي هڪ تلخ حقيقت کي بيان ڪري ٿي. ان ڳالھ کي واضح ڪرڻ لاءِ ڪجھ اهم نقطا هيٺ ڏجن ٿا :
1. چونڊ بمقابلہ ضرورت :
چونڊ (Choose) ڪرڻ جو مطلب اهو هوندو آهي ته ڪو ماڻهو توهان جي قدر ۽ قيمت جي ڪري توهان سان گڏ رهڻ چاهي ٿو يا توهانکي پاڻ سان گڏ رکڻ چاهي ٿو پر متبادل (Option) طور رکڻ جو مطلب اهو آهي ته اهو ماڻهو توهان کي صرف ان وقت ياد ڪندو جڏهن ان وٽ ڪو بهتر رستو نه هوندو آهي يا جڏهن هن کي توهان کان بھتر شخص ميسر ناهي هوندو يا وري جڏهن ان کي پنهنجي ضرورت پوري ڪرڻي هوندي آهي.
2. ترجيح جي گھٽتائي :
جڏهن توهان ڪنھن لاءِ صرف هڪ 'آپشن' هوندا آهيو، ته توهان ان جي زندگي ۾ ڪڏهن به پهرين ترجيح (Priority) نه ٿا بڻجي سگهو. هو توهان کي صرف ان ڪري گڏ رکندو آهي جيڪڏهن ان جو "پلان اي" ناڪام ٿي وڃي، ته هو توهان جو سهارو وٺي سگهي.
3. خودداري جو پيغام :
هي پيغام دراصل هڪ تنبيھ آهي ته توهان کي پنهنجي اهميت پسڃاڻڻ گهرجي. جيڪڏهن توهان کي محسوس ٿئي ته ڪو توهان کي صرف پنهنجي سهولت لاءِ ”استعمال“ ڪري رهيو آهي ۽ دل سان توهان جو قدر نٿو ڪري، ته اتان هليو وڃڻ ئي توهان جي عزتِ نفس جو تقاضو هجڻ کپي۔ حاصلِ ڪلام سادن لفظن ۾ اهو وڃي بيٺو ته "هر اهو ماڻهو جيڪو توهان سان گڏ آهي، ضروري ناهي ته هو توهان کي پسند به ڪندو هجي, ڪجهه ماڻهو صرف اڪيلائي کان بچڻ لاءِ توهان جو سهارو وٺندا آهن, يا فقط پنھنجي ڪم ۽ ذميندارين ۾ سھولت لاءِ توهانکي پنھنجي ويجهو رکندا آهن يا کڻي ائين چئجي ته توهانکي استعمال ڪندا آهن ۔۔
Azhar ALi Jokhio . .
