06/04/2024
Shab e Qadr Ramadan ul Mubarak ke akhri ashray ki taaq raato main se ek raat hoti hai. Lekin is ki exact date ya tareekh kisi ko nahi maloom.
Taaq Raato se murad hai Ramadan ki 21, 23, 25, 27 aur 29 wee raatain.
Is raat ki is qadar fazilat hai ke Allah Taala ne isko 1 hazar maheeno se behtar raat qara dia hai.
Yani jo shakhs Shab e Qadr ko paa lay aur usko ibadat main guzaray to ye aisa hai jese usne 1000 saal ibadat kari.
Shab e Qadar is ummat ke liye Allah Taala ka khaas tohfa hai. Pichli Ummato main logo ki umar bohat lambi hoti thi aur baaz ummato main to kaee hazar saal ki umar hua karti thi.
Isi tarha jinnaat ki umar bhi hazaro saal hoti hai aur woh agar chahay to khood ibadat kar sakte hain.
Lekin Allah ke Habib Rasoolullah ﷺ ki ummat ki umar ob naverag 60 se 70 saal hoti hai. Is liye hum utni ibadat nahi kar saktay kitni pichli ummatain karti thi.
Is liye Allah Taala ne hamari ummat ko Shab e Qadr ki soorat main ye azeem nemat ata farma di kay agar tum is raat main ibadat karlo to tumhay 1000 maheeno se ziada ibadat ka sawab dia jae ga.
Is liye har musalman ki khwahish hoti hai ke woh shab e qadr hasil karay.
Shab e Qadar Ki Fazilat Ki Kya Waja Hai Aur Is Raat Kya Hota Hai?
Mukhtalif riwayat se Shab e Qadr ki fazilat ki wujuhat pata chalti hain.
Ulama farmatay hain ke is raat main Allah Taala ne Qurab ne Kareem nazil karne ki ibtida farmaee yani raat main pehli wahi nazil hui.
Is raat farishto ko khaas hukum hota hai ke kas Jorat se zameen main ghoomay aur Allah ke naik banday jo dua aur ibadat main mashghool hain un par Allah ke rehmatain aur sakina nazil karain.
