Ayesha Writes

30/06/2026

میدانِ کربلا میں جب امام حسین علیہ السلام اور ان کے جانثاروں کو پیاسا شہید کر دیا گیا، تو اس وقت جنابِ سکینہؑ کی عمر مبارک تقریباً 4 سے 5 سال تھی۔ 10 محرم کی شام کو جب خیموں کو آگ لگائی گئی تو یہ معصوم بچی بھی دیگر مستورات کے ساتھ جلتے ہوئے خیموں سے نکلنے پر مجبور ہوئی۔ کربلا سے کوفہ اور پھر کوفہ سے شام (دمشق) کے طویل اور کٹھن سفر میں: اہلِ بیتؑ کی مستورات اور بچوں کو بے کجاوہ اونٹوں پر سوار کیا گیا۔ معصوم سکینہؑ کے کانوں سے بالیاں زبردستی چھینی گئیں جس سے ان کے کان زخمی ہوئے۔ شام کے تپتے ہوئے راستوں اور دربارِ یزید میں آپؑ کو شدید ذہنی و جسمانی اذیتیں دی گئیں اور آپؑ مسلسل اپنے بابا کو یاد کر کے روتی تھیں۔ یزید نے اہلِ بیتِ اطہارؑ کو دمشق کے ایک ایسے ویران زندان (قید خانے) میں رکھا جہاں نہ دھوپ سے بچاؤ کا سایہ تھا اور نہ سردی سے حفاظت کا انتظام۔

29/06/2026

ائمہ اطہار علیہم السلام کے ارشادات کے مطابق، کربلا کی زیارت کو ترک نہ کرنا رزق میں فراخی اور عمر کی درازی کا سبب بنتا ہے۔ یہ زائر کی زندگی سے بلاؤں اور پریشانیوں کو دور کرتی ہے۔
جو لوگ دنیا میں مظلومِ کربلا کے روضہ مبارک کی زیارت کرتے ہیں، امام حسین علیہ السلام قیامت کے ہولناک دن ان کی شفاعت فرمائیں گے۔ زائرینِ کربلا کو محشر کے دن ایک خاص مقام اور عزت عطا کی جائے گی، اور وہ رسول اللہ ﷺ اور اہل بیتؑ کے جوار میں ہوں گے۔
متعدد معتبر روایات کے مطابق، جو شخص خالص نیت اور معرفت کے ساتھ امام حسین علیہ السلام کی زیارت کے لیے جاتا ہے، اللہ تعالیٰ اس کے ماضی کے گناہ معاف فرما دیتا ہے۔ زیارتِ امام حسین علیہ السلام کو روح کی پاکیزگی اور ایمان کی پختگی کا باعث قرار دیا گیا ہے۔
علماء فرماتے ہیں کہ زیارت کا اصل فائدہ تبھی حاصل ہوتا ہے جب یہ "معرفت" کے ساتھ ہو۔ یعنی زائر کو معلوم ہو کہ امام حسین علیہ السلام نے کس عظیم مقصد (دین کی بقا، عدل و انصاف کا قیام، اور ظلم کے خلاف قیام) کے لیے اپنی اور اپنے خاندان کی قربانی دی۔ روضہ مبارک پر حاضری کا مقصد امام کے مشن سے وفاداری کا عہد کرنا ہے۔

29/06/2026

پیسوں کے قرض تو ادا ہو جاتے ہیں
لیکن رویوں کے قرض ہمیشہ رہتے ہیں اس لیے اپنے رویوں کو درست کریں

28/06/2026

جب بھی پیو پانی حسین ابنِ علی کا نام لو، داستاں دیکھو اٹھا کر اس کے ماضی حال کی، اب بھی پانی پر حکومت ہے علی کے لال کی، یہ سبیلوں کی فضا سے بھی کچھ پیغام لو، جب لگاؤ گے سبیلیں خوش رہے گا دستگیر، پانی پیاسوں کو پلاؤ کیا غریب اور کیا امیر، رب کو بھی راضی کرو زہرا سے بھی انعام لو، زندہ ہے یہ پانی حسین ابنِ علی کے نام سے، پانی پلاؤ سبیلیں لگاؤ، یہ رسم جاری ہویء ہے بڑے قبیلوں سے، شفا ملے گی نیازوں سے اور سبیلوں سے، پانی پلاؤ سبیلیں لگاؤ، محمد کا پیاسہ نواسہ ہے یہ، پانی پلاؤ سبیلیں لگاؤ، لوگ اب مجلسِ شبیر میں لاتے ہیں اسے، صدقہ شبیر کا پیاسوں کو پلاتے ہیں اسے، ماتمی شاہ کے آنکھوں سے لگاتے ہیں اسے، جب عزادار سبیلوں میں سجاتے ہیں اسے، زخم جاں سارے ہی سینے کے لئے آتے ہیں، انبیاء بھی اسے پینے کے لئے آتے ہیں، ان سبیلوں کا ہے پانی آب کوثر سے سوا، اسکو پینے سے ہی ملتی ہے مریضوں کو شفاء، یہ بھی ہے پانی مگر اس سے دوا کا کام لو، ہتھکڑی اور بیڑیاں ہیں بس غم شہ کی اساس، اصل میں احرام غم ہے تن پہ یہ کالا لباس، کربلا جاتے ہوئے ہمراہ یہ احرام لو، پانی پیو تو یاد کرو پیاس امام کی، پیاسوں سبیل ہے یہ شہیدوں کے نام کی، ان سبیلوں سے ہی ملتے ہیں جناں کے راستے، درس دیتی ہیں سبیلیں اہل دل کے واسطے، تھنڈا پانی جب پیو تشنہ لبوں کا نام لو، اے امام عصر آؤ دیکھنے یہ معجزہ، غم منایا جا رہا ہے آپ کے اجداد کا، ہم غریبوں سے کبھی عشق عزا کا جام لو، فرحان و مظہر عابدی سر پیٹ کر کہو، اے رونے والوں روکے قیامت بپا کرو، اسلام میں ہے حکم زبیحا جو کوئی ہو، پیاسہ ہو یا نہ ہو اسے پانی ضرور دو، لیکن یہ کیسا ظلم ہے اے مومنوں سنو، پیاسہ کیا زبح نبی کے نواسے کو، دشمن کو بھی حسین نے پیاسہ نہیں رکھا، لیکن میرے حسین کو پانی نہیں ملا، پانی پیو تو یاد کرو پیاس امام کی، پیاسوں سبیل ہے یہ شہیدوں کے نام کی

28/06/2026

سیدہ زینبؑ پر ڈھائے جانے والے مصائب کی داستان اتنی دردناک ہے کہ تاریخ اس پر خون کے آنسو روتی ہے۔ امام حسینؑ کی شہادت کے فوراً بعد یزیدی فوج نے اہل بیتِ رسول کے خیموں ظلم کرنا شروع کر دیا۔ خیموں کو آگ لگا دی گئی، بیبیوں کے سروں سے چادریں چھین لی گئیں۔ سیدہ زینبؑ تنہا تمام بیبیوں اور بیمار امام زین العابدینؑ کی حفاظت کی۔ وہ رات جو تاریخ میں شامِ غریباں کے نام سے جانی جاتی ہے، ایک طرف بھائی، بیٹوں اور بھتیجوں کے بے گور و کفن لاشے مقتل میں پڑے تھے، دوسری طرف جلتے ہوئے خیموں کی راکھ تھی اور تیسری طرف بھوکے پیاسے، ڈرے ہوئے بچوں کی چیخ و پکار۔ سیدہ زینبؑ نے اس ہولناک رات میں پہرہ دیا اور بکھرے ہوئے خاندان کو اکٹھا کیا۔ جب اسیرانِ کربلا کو قیدی بنا کر اونٹوں پر سوار کیا گیا، تو انہیں شہدا کے لاشوں کے پاس سے گزارا گیا۔ سیدہ زینبؑ نے اپنے بھائی حسینؑ کے پامال جسم کو دیکھا، لیکن اس وقت بھی بارگاہِ الٰہی میں صبر کا دامن نہ چھوڑا اور فرمایا: اے اللہ! ہماری اس قربانی کو قبول فرما۔ سیدہ پاک، جو زہد و تقویٰ اور پردے کی علامت تھیں، انہیں کوفہ اور دمشق (شام) کے بازاروں اور گلیوں میں بے چادر، رسیوں میں جکڑ کر لایا گیا۔ لوگوں کے ہجوم کے سامنے سے ایک نبی کی نواسی کو قیدی بنا کر گزارنا وہ مصیبت تھی جس پر خود امام زین العابدینؑ نے فرمایا تھا کہ ہمیں "الشام، الشام" (شام کے سفر) نے سب سے زیادہ رولایا۔ کوفہ میں ابنِ زیاد اور دمشق میں یزید کے بھرے درباروں میں سیدہ زینبؑ کو کھڑا کیا گیا۔ جہاں یزید نے فتح کے غرور میں امام حسینؑ کے سرِ مبارک کی بے حرمتی کی۔ یہ ایک بہن کے لیے کائنات کا سب سے بڑا صدمہ تھا۔ اگرچہ یہ مصائب پہاڑ جیسے تھے، لیکن سیدہ زینبؑ نے اپنے خطبوں کے ذریعے اس امتحان کو اسلام کی فتح میں بدل دیا۔

26/06/2026

🚨 حاصل پور میں مبینہ ظلم کی انتہا!

تھانہ صدر حاصل پور کی حدود، نصیر پور گنجہ میں مبینہ طور پر بااثر زمیندار اور اس کے ساتھیوں نے ملازمین کے گھر میں گھس کر چادر اور چار دیواری کا تقدس پامال کیا اور اہلِ خانہ پر تشدد کیا۔

متاثرین کے مطابق یہ حملہ صرف اس وجہ سے کیا گیا کہ انہوں نے مزید ملازمت کرنے سے انکار کر دیا تھا۔ پولیس نے زخمیوں کو ہسپتال منتقل کر دیا ہے۔

متاثرہ خاندان نے وزیراعلیٰ پنجاب مریم نواز شریف اور اعلیٰ حکام سے مطالبہ کیا ہے کہ واقعے کی شفاف تحقیقات کر کے ذمہ داروں کو قانون کے کٹہرے میں لایا جائے اور متاثرین کو انصاف فراہم کیا جائے۔

26/06/2026

26/06/2026

#کربلا

26/06/2026

روضۂ رسول ﷺ کے سامنے کھڑے ہو کر دل جیسے ایک عجیب سکون میں ڈوب گیا تھا۔ ایسا محسوس ہو رہا تھا جیسے دنیا کی ہر پریشانی، ہر دکھ اور ہر بے چینی اس مبارک جگہ پر آ کر خود بخود ختم ہو گئی ہو۔ آنکھیں بار بار اشکبار ہو رہی تھیں اور زبان پر صرف درود و سلام تھا۔ میں نے ہمیشہ سنا تھا کہ مدینہ کی فضا دلوں کو بدل دیتی ہے، مگر آج خود محسوس کیا کہ یہ صرف ایک شہر نہیں بلکہ محبت، رحمت اور سکون کا مرکز ہے۔ سبز گنبد کو دیکھتے ہی دل کی دھڑکن جیسے رک سی گئی اور روح کو ایک ایسا اطمینان ملا جسے الفاظ میں بیان کرنا آسان نہیں۔ وہاں کھڑے ہو کر اپنے لیے، اپنے والدین، اپنے عزیزوں اور پوری امتِ مسلمہ کے لیے دعائیں مانگیں۔ دل یہی چاہ رہا تھا کہ وقت وہیں تھم جائے اور میں بس اسی نورانی ماحول میں بیٹھی رہوں۔ یہ لمحہ میری زندگی کے خوبصورت ترین لمحوں میں سے ایک ہے، جسے میں کبھی نہیں بھول سکوں گی۔ یا رسول اللہ ﷺ، آپ ﷺ سے محبت ہی ہماری سب سے بڑی دولت ہے۔

26/06/2026

روایات میں آتا ہے کہ چوتھے امام، حضرت علی ابن الحسین (امام زین العابدین علیہ السلام) جب بھی پانی دیکھتے تو کربلا کی پیاس کو یاد کر کے رو پڑتے۔ اسی طرح ائمہ اطہار علیہم السلام کا فرمان ہے کہ: جب بھی تم ٹھنڈا پانی پیو، تو میرے حسینؑ کی پیاس کو یاد کرو اور ان کے قاتلوں پر لعنت بھیجو۔ لہٰذا، امام کے نام پر سبیلیں بنانا اور لوگوں کو ٹھنڈا پانی یا شربت پلانا ائمہؑ کے دل کو تسلی دینے اور ان کی خوشنودی حاصل کرنے کا باعث ہے۔