05/09/2024
یوسی 5 صفورہ ٹاؤن
الحمدللہ، بارش کے حالیہ اسپیل کے بعد یوسی کے مختلف علاقوں میں پیدا ہونے والی خراب صورتحال، جس کی بڑی وجوہات میں BRT کی کنسٹرکشن کی وجہ برساتی نالوں کا ختم اور چوک ہونا اور بوسیدہ سیوریج لائنز شامل ہیں، ان مسائل کی وجہ سے یوسی کے چند مخصوص علاقوں میں بارش اور سیوریج کا پانی گلیوں اور روڈز پر جمع ہوگیا تھا اور اہل علاقہ اور دیگر عوام الناس کے لیے سخت اذیت اور مشکلات کا باعث تھا۔
ان مسائل کو مدنظر رکھتے ہوئے یوسی انتظامیہ نے یوسی چیئرمین کی قیادت میں میونسپل سروسز KMC اور سیوریج کارپوریشن کے تعاون سے ایک بھرپور مہم کا آغاز کیا ہے جوکہ گزشتہ کئی روز سے روزانہ کی بنیاد پر جاری ہے، اس مہم میں ہیوی مشینری اور سینٹری ورکرز کے ذریعے تمام متاثرہ علاقوں میں ریلیف آپریشن جاری ہے، جن میں اوکھای کمپلیکس، شکیل گارڈن، گلشن عریشہ اور جہانگیر ٹاؤن شامل ہیں۔
یوسی کی پوری ٹیم چیئرمین، وائس چیئرمین اور تمام کونسلرز اپنے علاقوں میں موجود ہیں۔
کونسلر ذیشان خان اس پوری مہم کو لیڈ کررہے ہیں اور عوام سے مکمل رابطے میں ہیں تاکہ سیوریج، صفائی اور دیگر مسائل کے فوری حل کیلئے ضروری اقدامات کو یقینی بنایا جائے۔
