04/08/2017
«« سعد تیری جرات کو سلام »»
آبادی کو بچانے والا پاکستان ائیر فورس کا بہادر پائلٹ اسکورڈن لیڈر سعد آگ لگ جانے والے طیارے کو دس منٹ تک اڑاتا ہوا 6 گاؤں کو بچا کر ہمارے گھر کے عین اوپر آچکا تھا۔ اب اسے دو باتوں میں سے ایک کو چننا تھا یا ہمارے گھر کی تباہی یا پھر اپنی شہادت، بالآخر ہمارے گھر کے پاس آ کر اس نے اپنے طیارے کا رخ تبدیل کیا اور زمین سے ٹکرانے سے صرف 7 سیکنڈ قبل جہاز سے ایگزٹ کر گیا۔ جب اس نے ایگزٹ کیا تو اسوقت تکنیکی طور پر 80 فٹ کی بلندی اور 55 یارڈ کا فاصلہ بچنا ناممکن تھا۔ تاہم بلندی اور فاصلہ کم ہونے کی وجہ سے اس کا پیراشوٹ نہ کھل سکا اور شدید جھٹکے سے زمین پر آ گرا۔ جھٹکا جان لیوا تھا مگر اس کو زندگی نے ایک اور موقع دیا اور وہ بچ گیا۔ اگر وہ اپنی جان بچاتا اور پہلے ایگزٹ کر جاتا تو میرا گاؤں یا میرا گھر بڑی تباہی سے دو چار ہو سکتا تھا۔
زخمی حالت میں جب اسے چارپائی پر لٹایا گیا تو اس نے پہلا سوال کیا "کوئی جانی نقصان تو نہیں ہوا؟"
اسکے سوال کے ساتھ ہی میری ہمت جواب دے گئی کہ پاکستان آرمی کے جوان اپنے ملک و قوم سے اسقدر محبت کرتے ہیں، مجھے اندازہ نہیں تھا۔
(میانوالی سے ایک گمنام نیازی کی پوسٹ)
