22/08/2026
کوہاٹ. پی ٹی آئی عوامی نمائندوں کے لیے لمحۂ فکریہ شرمندگی — شہری اپنی گلیاں خود بنانے پر مجبور...
گڑھی رسالدار، ڈھوڈہ روڑ گلی نمبر دس کے مکینوں نے اپنی مدد آپ کے تحت فی گھر 10،10 ہزار روپے چندہ جمع کرکے اپنی گلیوں اور نالیوں کو خود پختہ کرنے کا کام شروع کر دیا ہے۔
یہ صورتحال کوہاٹ کے عوامی نمائندوں کے لیے یقیناً باعثِ شرمندگی اور لمحۂ فکریہ ہے کہ ایک طرف کوہاٹ میں ایم این اے، سینیٹر، وزیر، مشیر اور متعدد ایم پی ایز سمیت درجنوں منتخب عوامی نمائندے موجود ہیں، خود مختیار صوبائی حکومت موجود ہے اور رائلٹی فنڈز کی مد میں کروڑوں روپے فنڈز کے باوجود شہری اپنی بنیادی سہولیات کے لیے خود چندہ جمع کرکے گلیاں اور نالیاں تعمیر کرنے پر مجبور ہیں۔
افسوس کہ ان تیرہ سالوں میں کسی منتخب عوامی نمائندے کو یہ توفیق نہیں ہوئی کہ یہاں ترقیاتی کام کے نام پر کم از کم ایک اینٹ ہی لگا دیتے۔
چیئرمین صدائے کوہاٹ، علاقہ نمبردار ملک دلاور اعوان نے اس صورتحال پر گفتگو کرتے ہوئے کہا کہ عوام کا اپنی مدد آپ کے تحت گلیات نالیات کی تعمیرات ، منتخب نمائندوں اور متعلقہ اداروں کے لیے ایک بڑا سوالیہ نشان ہے ؟
