24/06/2020
پشاور پولیس کی یہ حرکت امیر تہکالی کی حرکت سے زیادہ شرمناک اور بہودہ ہے
کچھ عرصہ پہلے پشاور میں امیر تہکالی نامی ایک شخص نے آئی جی پولیس خیبر پختونخوا اور ایس ایس پی آپریشن سمیت کچھ اور پولیس افسران کے بارے میں نازیبا الفاظ استعمال کئے تھے، جو انتہائی قابل مذمت ہے ۔کسی بھی شخص کو پبلک میں یا سوشل میڈیا پر گالی دینا ایک انتہائی نیچ حرکت ہے۔۔۔
امیر تہکالی کی ویڈیو سوشل میڈیا پر وائرل ہونے کے بعد پولیس نے انہیں گرفتار کیا، اور ان پر تشدد کیا،
پھر خیبرپختونخوا کے مثالی پولیس کی شرمناک حرکت یہ دیکھیں کہ ملزم کو برہنہ کرکے ان کی ویڈیو بنائی اور پھر سوشل میڈیا پر پھیلائی۔۔۔
سب سے بڑا جرم قتل ہے لیکن قانون میں قاتل کو برہنہ کرنے کی بھی اجازت نہیں ہے، کیا ہمارے ایس ایس پی آپریشن اور باقی پولیس افسران اتنی مقدس ہستیاں ہیں کہ وہ اپنا ذاتی بدلہ لینے کیلئے پولیس کا نام استعمال کرکے ایک شہری اتنا ذلیل کرتے ہیں کہ وہ کسی کے سامنے انکھ اٹھانے کے قابل بھی نہ رہے۔۔اگر کوئی پولیس کی کارکردگی سے مطئمن نہیں ہے تو کیا وہ پولیس پر تنقید نہیں کرے گا۔۔
پھر ان سے ویڈیو ریکارڈ کرواتے ہیں کہ میں پولیس کی بڑی عزت کرتا ہوں ، اور میں نے جو بولا تھا وہ میں نشے میں تھا، وغیرہ،،، وہ کیا عزت ہے جو ڈنڈے کے زور پر کسی سے کروائی جائے۔۔۔پولیس کی یہ حرکت امیر تہکالی کی حرکت سے زیادہ شرمناک اور بہودہ ہے۔۔۔کرنل کی بیوی نے حرکت کی تھی،اس پر آج تک پولیس کی منہ بند ہے، انہیں بھی سزا دیتے۔۔۔۔