26/07/2026
کوہاٹ تھانہ استرزئی کی حدود شیرکوٹ میں ایک افسوسناک واقعہ پیش آیا۔ گزشتہ روز مسمی عصمت علی سکنہ شیرکوٹ کی بیٹی کا انتقال ہوا تھا، جس کی ایصال ثواب کے لیے آج مورخہ 26 جولائی کو خیرات کا اہتمام کیا گیا۔
ابتدائی اطلاعات کے مطابق خیرات میں تقسیم کیے گئے کھانے کے استعمال کے بعد 26 خواتین کی طبیعت اچانک خراب ہو گئی، جنہیں فوری طور پر مختلف ہسپتال میں منتقل کیا گیا۔ متاثرہ خواتین میں سے ایک خاتون جاں بحق ہو گئی، جبکہ ایک خاتون کو تشویشناک حالت کے باعث پشاور منتقل کر دیا گیا۔ دیگر متاثرین کو بھی طبی امداد فراہم کی جا رہی ہے۔
اطلاع ملتے ہی پولیس موقع پر پہنچ گئی، مقدمہ درج کر لیا گیا اور واقعے کی ہر پہلو سے تحقیقات جاری ہیں۔
ابتدائی شواہد کے مطابق شبہ ظاہر کیا جا رہا ہے کہ کھانے میں کوئی زہریلا مادہ شامل یا گر گیا تھا،
جس گھر میں کھانا تیار کیا گیا تھا، اس گھر کے مالک کو بھی پوچھ گچھ کے لیے پولیس نے تحویل میں لے لیا ہے
پولیس نے متعلقہ کھانے کے نمونے اپنی تحویل میں لے کر فرانزک تجزیے کے لیے بھجوا دیے ہیں۔ ایس پی سی ٹی خالد محمود اور متعلقہ ایس ایچ او ہسپتال پہنچ گئے ہیں
فرانزک رپورٹ اور دیگر شواہد کی روشنی میں حقائق سامنے لائے جائیں گے،
