29/07/2026
سابق ایف سی کمانڈنٹ بریگیڈیئر فاروق اشرف نے نیشنل پریس کلب کوہلو میں الوداعی ملاقات کی۔ اس موقع پر ونگ کمانڈر کرنل طحہ علی اور دیگر عسکری حکام بھی ان کے ہمراہ موجود تھے، نیشنل پریس کلب کوہلو کے صدر راشد مری، جنرل سیکرٹری موسیٰ جان مری، نائب صدر اخلاق مری، فنانس سیکرٹری نذر بلوچ اور پریس سیکرٹری عبدالرحیم مری نے معزز مہمانوں کا پرتپاک استقبال کیا، ملاقات کے دوران باہمی تعاون، صحافت کے فروغ، امن و استحکام اور علاقے کی ترقی سے متعلق مختلف امور پر تبادلۂ خیال کیا گیا۔ نیشنل پریس کلب کی جانب سے بریگیڈیئر فاروق اشرف کی خدمات کو سراہتے ہوئے ان کے لیے نیک تمناؤں کا اظہار کیا گیا۔
