Kashif Ch

30/05/2026

23/05/2026

اس عورت کے جنازے میں صرف پانچ لوگ تھے۔ جس کے پاس امریکہ میں پانچ بیڈروم کا عالیشان گھر تھا۔
اس عورت کا لاہور میں کئی کنال کا بنگلہ تھا،
فیکٹری تھی،
گاڑیاں تھیں،
نوکر چاکر تھے — اس کی قبر پر پانچ انسان تھے۔
اور ان پانچ میں سے بھی دو ہم میاں بیوی تھے
جن کا اس سے خون کا کوئی رشتہ نہیں تھا۔
٭٭٭۔
تیس سال پہلے یہ خاندان “امریکہ” کا خواب لے کر نکلا تھا۔
بہت پیسہ تھا ساتھ۔
پانچ بیڈروم کا گھر لیا۔
زندگی ٹھیک چل سکتی تھی۔
لیکن امریکہ ایک عجیب چیز کرتا ہے۔
یہ آپ کو بدل دیتا ہے —
مگر سب کو ایک جیسا نہیں بدلتا۔
شوہر بدلا، بچے بدلے، مگر قدسیہ نہیں بدلی۔
وہ وہی رہی جو پاکستان سے آئی تھی۔
نماز، قرآن، اپنی تہذیب۔ اور یہی اس کا “جرم” بن گیا۔
گھر میں جھگڑے شروع ہوئے۔
شوہر ملحد ہوچکا تھا۔
اسے بیوی کا نماز پڑھنا گوارا نہ تھا۔
ایک بیٹے نے امریکن سے شادی کی،
بیٹی نے افریقی سے،
تیسرے نے عرب سے۔
بچے نکلے تو گھر بکا۔
گھر بکا تو آمدن گئی۔
آمدن گئی تو وہ عورت جس کے گھر میں نوکر تھے — لیبر جاب کرنے لگی۔
یہ امریکہ کا خواب تھا۔
جب مجھے اطلاع ملی تو معلوم ہوا کہ شوہر لاش جلانے کا سوچ رہا ہے۔
ہاں۔ کریمیشن۔
کہہ رہا تھا اسلامی تدفین مہنگی ہے، بتیس سو ڈالر میں کریا کرم ہوجائے گا۔
اور ایک آپشن یہ بھی تھا — گھر کے پچھواڑے میں دفن کردو، بالکل فری۔
میری بیوی نے ایک فون کال کی۔
ٹمسجد کی انتظامیہ کو بتایا۔ چند گھنٹوں میں مسلم کمیونٹی نے چندہ کیا، کفن دفن کا بندوبست ہوا، جمعہ کی نماز کے بعد تین سو لوگوں نے جنازہ پڑھا۔
تین سو لوگ۔
مگر قبرستان تک؟ صرف پانچ۔
اور وہ دو جوان بچے جو اسی شہر میں رہتے تھے؟
وہ جنازے کے بیچ سے اٹھ کر چلے گئے۔
انہیں اپنے بچوں کو اسکول سے پک کرنا تھا۔
ماں مٹی میں اتر رہی تھی اور اسگی اولاد اسکول کی ٹائمنگ دیکھ رہی تھی۔
قبر پر آنسو بہانے والی میری بیوی تھی — جو ڈیڑھ سال پہلے بازار میں اتفاقاً ملی تھی۔ واٹس ایپ چلانا سکھایا تھا، پاکستان کا ویزہ اپلائی کروایا تھا، بس یہی رشتہ تھا۔
مگر وہ رو رہی تھی۔ سگے بچے نہیں روئے۔ اب میں آپ سے ایک سوال پوچھنا چاہتا ہوں۔
آپ میں سے جو امریکہ جانا چاہتے ہیں — کیا آپ نے سوچا ہے کہ آپ وہاں کیا لے جائیں گے اور کیا چھوڑ آئیں گے؟
اور جو وہاں پہنچ چکے ہیں — کیا آپ کے بچے آپ کی قبر پر آئیں گے؟
اور جو نہیں جاسکے — کیا اب بھی جانا چاہتے ہیں؟
کمنٹ میں بتائیں — امریکہ نے آپ کو کیا دیا اور کیا لیا؟

22/05/2026

گندا ہے پر دھندہ ہے ۔۔عوام کو پنکی بھولی ۔۔زبان کا چسکا اٹھانے کو نیا موضوع مل گیا اور وہ ہے اداکارہ مومنہ اور ایم پی اے ثاقب علی ۔۔مومنہ نے کتنے قیمتی تحائف لئے یا ایم پی اے ثاقب کے اس سے کس طرح کے تعلقات تھے یہ دونوں کا ذاتی معاملہ ہے ۔۔اگر معاملہ کورٹ تک آ گیا ہے تو بھی کورٹ کو دیکھنے دیں ۔۔۔۔ جج نا بنیں اس سے بھی اہم یہ ہے کہ اپنے گھر میں اپنی بیٹیوں اور بیٹوں پر توجہ دیں ۔۔بیٹوں کو سکھائیں کہ کسی کی بیٹی کی زندگی کی بہت زیادہ اہمیت ہوتی ہے ۔۔کبھی کسی کسی زندگی اور عزت سے نا کھیلے ۔۔
اور بیٹیوں کو شعور دیں تعلیم و تربیت پر توجہ دیں انہیں ان کے معیار سیٹ کر کے اسکے مطابق جینا اور زندگی گذارنا سکھائیں ۔۔انکو اس قابل بنائیں کہ وہ اپنی زندگی کی ہر خواہش اپنے حلال کے کمائے ہوئے پیسوں سے پوری کر سکیں ۔۔کوئی امیر شہزادہ ڈھونڈنے کی بجائے خود ایک شہزادی بنیں ۔۔ایسی شہزادی جو پیسے کی ترجیح پر نہیں ۔۔عزت اور محبت کرنے والے شخص کو چنے اور اسے بادشاہ بنا دے ۔۔ اس لئے خدارا زبان کا چسکہ بند کریں ۔۔۔۔اپنی سوچ اور ذہنیت کی ڈویلپمنٹ پر توجہ دیں
عزت ۔۔ذلت کا اختیار صرف اللہ پاک کی ذات کے پاس ہے اور یقین کریں اس کی پکڑ بہت سخت ہے ۔۔۔اللہ پاک ہر ایک کی عزت محفوظ رکھے خاص طور پر انسان کی انسانوں سے ۔۔آمین

20/05/2026

‏یہ اس وقت کی بات ھے جب پٹرول 150 روپے لیٹر تھا
ایک وزیر ایک روٹی لے کر اسمبلی پہنچ گئے تھے کہ غریب کا گزارہ مشکل ھے لیکن وہ اس آسمان سے چھوتی مہنگائی پر پتہ نہیں وہ ارسطو کہاں ہیں

15/05/2026

کردار کی خوبصورتی یہ نہیں کہ آپ ہر جگـہ نمایـاں نظر آئیں، بلکہ یہ ہے کہ آپ کی موجودگی سکون اور عدم موجودگی کمی کا احساس دلائے۔ اپنی پہچـان نمـک جیسی رکھیں،
جو خاموشی سے اپنا کام کرتا ہے، نظر نہیں آتا لیکن اس کی کمی ہر ذائقـے کو ادھورا کر دیتی ہے۔ اس کی خاموش خدمات اور دوسروں کی زندگی میں اس کے اثر سے ہوتی ہے۔
کوشش کریں کہ آپ کا وجود لوگوں کے لیے اتنا ہی ضروری بن جائے جتنا کسی ذائقے کے لیے نمـک کی موجودگی ہوتی ہے۔