Agriculture Phool nagar

21/02/2026

🌱 کھاد کو کہیں الوداع کہنے کا وقت آ گیا؟

دنیا میں ایک خاتون سائنسدان نے زراعت کا نظام بدل دیا ہے۔

ان کا نام ہے
Dr. Mariangela Hungria

انہیں 2025 کا
World Food Prize دیا گیا ہے۔
یہ زراعت کی دنیا کا سب سے بڑا اعزاز سمجھا جاتا ہے۔

⸻

انہوں نے کیا کیا؟

انہوں نے 30 سے زیادہ ایسی ٹیکنالوجیز بنائیں
جو قدرتی بیکٹیریا سے زمین کو طاقت دیتی ہیں۔

❌ کیمیکل کھاد کم
✅ قدرتی بیکٹیریا زیادہ

یہ بیکٹیریا زمین میں نائٹروجن بناتے ہیں
اور فصل کو خود طاقت دیتے ہیں۔

اس عمل کو کہتے ہیں:
Biological Nitrogen Fixation

⸻

نتیجہ کیا نکلا؟

🌾 4 کروڑ ہیکٹر سے زیادہ زمین پر استعمال
💰 کسانوں کو سالانہ تقریباً 40 ارب ڈالر کی بچت
🌍 18 کروڑ ٹن کاربن اخراج میں کمی

یعنی فائدہ بھی
اور ماحول کی حفاظت بھی۔

⸻

اب سوال یہ ہے:

آپ اس کے بارے میں مزید کیسے سیکھ سکتے ہیں؟

📌 1️⃣ ChatGPT پر ایسے سرچ کریں:

آپ لکھیں:
• “Explain Biological Nitrogen Fixation in simple Urdu”
• “How to replace chemical fertilizer with bacteria”
• “Nitrogen fixing bacteria for wheat in Pakistan”
• “How Brazilian farmers use bacteria instead of urea”
• “How can Pakistani farmers use microbial fertilizer?”

آپ کو مکمل رہنمائی مل جائے گی۔

⸻

📌 2️⃣ خود تحقیق کیسے کریں؟

Google پر سرچ کریں:
• Rhizobium bacteria
• Azotobacter fertilizer
• Biofertilizer for wheat
• EMBRAPA soil microbiology research
• Inoculant for crops

YouTube پر ویڈیوز دیکھیں
“Biofertilizer application method”

⸻

📌 3️⃣ عملی طور پر کیسے شروع کریں؟

✔ اپنی زمین کا ٹیسٹ کروائیں
✔ مقامی زرعی یونیورسٹی سے رابطہ کریں
✔ بایو فرٹیلائزر سپلائر ڈھونڈیں
✔ چھوٹے پلاٹ پر تجربہ کریں
✔ نتیجہ compare کریں کیمیکل کھاد کے ساتھ

⸻

اصل بات

قدرتی حل مہنگے نہیں ہوتے۔
ہم نے انہیں نظر انداز کیا ہوا ہے۔

اگر برازیل بدل سکتا ہے
تو پاکستان کیوں نہیں؟

زمین زندہ ہے۔
بس ہمیں اس سے دوستی کرنی ہے۔ 🌱

17/02/2025

اگر آپ چاہتے ہیں کہ آپ کے ٹماٹر زیادہ بڑے، مزیدار اور صحت مند ہوں، تو صحیح کھاد کا انتخاب بہت ضروری ہے۔ یہاں 7 بہترین کھادیں دی گئی ہیں جو آپ کے ٹماٹروں کی پیداوار کو ناقابلِ یقین حد تک بڑھا دیں گی:
1. گوبر کی کھاد (Compost or Manure)
یہ نامیاتی کھاد زمین کی زرخیزی بڑھاتی ہے اور ٹماٹر کو قدرتی غذائی اجزاء فراہم کرتی ہے۔ گائے، بھینس، مرغی یا گھوڑے کی گوبر کی کھاد بہترین ہے۔
2. بون میل (Bone Meal)
یہ کھاد فاسفورس سے بھرپور ہوتی ہے، جو جڑوں کی مضبوطی اور پھولوں کی اچھی نشوونما کے لیے ضروری ہے۔
3. فش ایمولشن (Fish Emulsion)
یہ نائٹروجن سے بھرپور قدرتی کھاد ہے جو ٹماٹر کے پودوں کو تیزی سے بڑھنے میں مدد دیتی ہے۔
4. ایپسوم سالٹ (Epsom Salt)
یہ کھاد میگنیشیم اور سلفر سے بھرپور ہوتی ہے، جو پتوں کو ہرا اور صحت مند رکھنے میں مدد دیتی ہے۔ یہ خاص طور پر ٹماٹر کے "پیلے پتوں" کا مسئلہ حل کرتی ہے۔
5. کیلے کے چھلکوں کی کھاد (Banana Peel Fertilizer)
یہ پوٹاشیم اور فاسفورس کا بہترین ذریعہ ہے، جو ٹماٹر کے پھلوں کو زیادہ بڑا اور مزیدار بناتا ہے۔
6. ایگ شیل (Eggshells)
یہ کیلشیم فراہم کرتی ہے، جو ٹماٹر کے پودوں کو "بلاسٹ اینڈ راٹ" جیسی بیماریوں سے بچانے میں مدد دیتی ہے۔
7. متوازن این پی کے کھاد (NPK 10-10-10 or 5-10-10 Fertilizer)
یہ کھاد نائٹروجن، فاسفورس اور پوٹاشیم کا متوازن امتزاج ہے، جو ٹماٹر کے مکمل اور صحتمند نشوونما کے لیے بہترین ہے۔
ٹماٹر کی زبردست پیداوار کے لیے ٹپس:
✅ ہر 15 دن بعد کھاد کا استعمال کریں۔
✅ پانی دینے کا خاص خیال رکھیں، زیادہ یا کم پانی ٹماٹروں کو نقصان پہنچا سکتا ہے۔
✅ نامیاتی کھادوں کو ترجیح دیں تاکہ صحت مند اور ذائقہ دار ٹماٹر حاصل ہوں۔
اگر آپ کے پاس کوئی سوال ہے یا مزید معلومات درکار ہیں، تو ضرور بتائیں!

18/12/2024

جن دوستوں کا برسیم رکا ہوا ہے گروتھ نہیں کر رہا وہ
@⁨استاد جواد رضا جھنگ⁩ کا یہ فارمولہ اپلائی کریں ۔
وتر کم کریں
1 جبرالک ٹکی
2 کلو یوریا
400 گرام میگنیشم سلفیٹ
300 گرام سلفر
کا سپرے کریں
پھر سپیڈ چیک کریں
پانی اسوقت لگائیں جب زمین کا منہ خشک ہو۔۔۔ کم پانی/ ہمراہ سلفر

12/12/2024

*گندم 🌾کا پہلا پانی اور کھادوں کا استعمال*
✍️گندم کی زیادہ پیداوار جھاڑ بنانے اور فصل کا بھرپور سٹریکچر تیار کرنے میں پہلے پانی اور اس پر دی جانے والی خوراک کا بڑا عمل دخل ہے۔
👈 گندم کو پہلا پانی زمینی وتر کو مدنظر رکھتے ہوئے 18 سے 35 دن پر لگائیں۔
👈 پہلے پانی پر ضروری کھادیں بحساب فی ایکڑ
یوریا 35 سے50 کلو
زنک سلفیٹ 4ـ6 کلو
مگنیشیم سلفیٹ 10 کلو یا سلفر 2 کلو
👈 اگر فاسفورس (ڈی اے پی وغیرہ) زمین کی تیاری میں نہیں دی تو فاسفورس کا اچھا سورس پانی لگانے سے پہلے چھٹہ یا پانی میں فلڈ کریں۔
👈گندم کی فصل کا جھاڑ بنانے کے لیے زنک اور یوریا کا استعمال ضروری ہے یوریا کے زیادہ بہتر نتائج لینے کے لیے زنک سلفیٹ اور مگنیشیم سلفیٹ یا سلفر کے ساتھ فلڈ کرنا یا گیلے وتر میں چھٹہ کرنا بہتر عمل ہے جس سے یوریا بھی ضائع نہیں ہوتا۔
👈گندم کو 21 سے 45 دن کے دوران زنک کا استعمال ضروری ہے۔
👈 اگر زنک سابقہ فصل کو دیا ہے یا پہلے پانی پر فاسفورس دے رہے ہیں تو زنک کا سپرے وتر پر ضرور کریں۔

👈 پہلے پانی کے وتر آنے پر جڑی بوٹی مار سپرے ضرور کریں۔

10/12/2024

ترقی پسند کاشتکار۔
اس صفحے کا پرنٹ کاپی لے کر اس پر اپنے ہر پلاٹ کا ڈیٹا لکھیں۔
آپکو فی ایکڑ خرچ+ نفع اور سپرے کھاد وغیرہ پلان کرنے میں آسانی رہے گی۔
سپرے اور کھاد کی وقت پر استعمال میں مدد ملے گی۔
ہر پلاٹ کی پیداواری صلاحیت اور طاقت کا اندازہ ہو گا۔
اپنے رقبے کے ہر پلاٹ کی مکمل معلومات رہے گی۔

10/12/2024

انجیر کے پودوں کی شاخ تراشی (Pruning) ایک ضروری عمل ہے جو پودے کی صحت، پیداوار اور شکل کو بہتر بنانے میں مدد دیتا ہے۔ انجیر کی شاخ تراشی کا بہترین وقت سردیوں کے آخر یا بہار کی ابتدائی موسم میں ہوتا ہے، جب پودا خوابیدہ (Dormant) حالت میں ہوتا ہے۔ اس وقت پودا کم فعال ہوتا ہے اور شاخ تراشی کم نقصان دہ ہوتی ہے۔ پودے کی حالت کا جائزہ لیں پودے کی حالت کو اچھی طرح دیکھیں اور مرجھائی ہوئی، خشک یا بیمار شاخوں کو پہلے کاٹیں۔ اس سے پودے کو مزید بیماریوں سے بچایا جا سکتا ہے۔نیچے تصویر میں دیکھ سکتے ہو

10/12/2024

گلاب کے پودے کی قلم لگانے کا طریقہ کامیابی سے کیا جا سکتا ہے، خاص طور پر نومبر اور دسمبر کے مہینوں میں۔ یہاں ایک آسان اور تفصیلی طریقہ دیا گیا ہے:

1. قلم کاٹنے کا طریقہ

صحیح شاخ کا انتخاب کریں: گلاب کے صحت مند اور مضبوط پودے سے قلم کاٹیں۔ شاخ میں کم از کم تین سے چار گرہیں (nodes) ہوں۔

قلم کی لمبائی: 6 سے 8 انچ لمبی شاخ لیں۔

کاٹنے کا زاویہ: قلم کاٹتے وقت نچلے حصے کو 45 ڈگری کے زاویے پر کاٹیں تاکہ جڑیں بہتر طریقے سے نکل سکیں۔

2. قلم کو تیار کرنا

پتے ہٹائیں: قلم کے نیچے سے 2-3 انچ تک تمام پتے اور کانٹے ہٹا دیں۔

گروتھ ہارمون کا استعمال: اگر دستیاب ہو تو، گروتھ ہارمون پاوڈر میں قلم کا نچلا حصہ ڈبو لیں۔ اگر گروتھ ہارمون نہیں ہے تو ایلوویرا کا گودا لگا دیں اگر وہ بھی نہیں ہے تو اسے چھوڑ بھی سکتے ہیں۔

3. مٹی کی تیاری

مٹی کا انتخاب: قلم کے لئے نرم، زرخیز اور نمدار مٹی بہترین ہے۔ آپ مٹی میں تھوڑی سی ریت اور کھاد ملا سکتے ہیں تاکہ اس میں پانی کی نکاسی بہتر ہو۔

پوٹ یا جگہ: آپ اسے چھوٹے پلاسٹک کے گملے میں یا زمین میں براہ راست لگا سکتے ہیں۔

4. قلم کو لگانا

قلم لگائیں: قلم کو تقریباً 2-3 انچ مٹی میں داخل کریں۔

مٹی کو دبائیں: قلم کے اردگرد کی مٹی کو ہاتھ سے تھوڑا دبا دیں تاکہ قلم ثابت رہے اور ہوا کے دباؤ سے ہل نہ جائے۔

5. پانی دینا اور دیکھ بھال

پانی: مٹی کو ہلکا گیلا رکھیں لیکن زیادہ پانی نہ دیں۔ سردیوں میں مٹی زیادہ دیر تک نم رہتی ہے، اس لیے زیادہ پانی سے پرہیز کریں۔

سورج کی روشنی: گلاب کے قلم کو ایسی جگہ رکھیں جہاں صبح کی ہلکی دھوپ آئے۔

دیکھ بھال: تقریباً 3-4 ہفتے میں نئی کلیاں یا چھوٹے پتے نکلنا شروع ہو جائیں گے۔ یہ جڑیں نکلنے کی علامت ہے۔

احتیاط:

سردیوں میں گلاب کے قلم کو پالا یا تیز ہواؤں سے بچائیں۔

اگر درجہ حرارت بہت کم ہو تو قلم کو پلاسٹک کے شاپر سے ڈھانپ دیں تاکہ گرمی برقرار رہے۔

اس طرح آپ سردیوں میں گلاب کی قلم کامیابی سے لگا سکتے ہیں۔(سوشل میڈیا سے)

08/12/2024

گندم کی فصل کی اچھی پیداوار کے لیے ضروری کھادیں درج ذیل ہیں:

نائٹروجن (N): گندم ایک نائٹروجن طلب کرنے والی فصل ہے۔ نائٹروجن پودوں کے لیے پروٹین اور دیگر اہم کیمیکلز کی تشکیل کے لیے ضروری ہے۔ گندم کی فصل کو عام طور پر فی ایکڑ 60 سے 90 کلوگرام نائٹروجن کی ضرورت ہوتی ہے۔ نائٹروجن کی کھاد کو عام طور پر کاشت کے وقت یا پھر پہلے اور دوسرے پانی پر 25 سے 30 دن بعد ڈالی جاتی ہے۔
فاسفورس (P): فاسفورس پودوں کی نشوونما اور جڑوں کی ترقی کے لیے ضروری ہے۔ گندم کی فصل کو عام طور پر فی ایکڑ 40 سے 60 کلوگرام فاسفورس کی ضرورت ہوتی ہے۔ فاسفورس کی کھاد کو عام طور پر کاشت کے وقت ڈالی جاتی ہے۔
پوٹاشیم (K): پوٹاشیم پودوں کے لیے پانی کے نظام کی کارکردگی اور بیماریوں کے خلاف مزاحمت کو بہتر بنانے میں مدد کرتا ہے۔ گندم کی فصل کو عام طور پر فی ایکڑ 40 سے 60 کلوگرام پوٹاشیم کی ضرورت ہوتی ہے۔ پوٹاشیم کی کھاد کو عام طور پر کاشت کے وقت یا پھر پہلے پانی پر25 سے د30 ن بعد ڈالی جاتی ہے۔
علاوہ ازیں، گندم کی فصل کو زنک، میگنیزیم، سوڈیم، کلورین، سلفر، اور دیگر معدنیات کی بھی ضرورت ہوتی ہے۔ یہ معدنیات گندم کی فصل کی صحت اور پیداوار کو بہتر بنانے میں مدد کرتے ہیں۔

کھادوں کی مقدار اور کھاد دینے کا وقت زمین کی نوعیت، آب و ہوا، اور گندم کی قسم کے لحاظ سے مختلف ہو سکتا ہے۔ لہذا، کھادوں کا استعمال کرنے سے پہلے مقامی محکمہ زراعت سے مشورہ کرنا ضروری ہے۔

گندم کی فصل کی اچھی پیداوار کے لیے کھادوں کے ساتھ ساتھ دیگر عوامل جیسے کہ بیج کی قسم، کاشت کا وقت، آبپاشی کا نظام، اور جڑی بوٹیوں اور کیڑوں کے حملے سے بچاؤ بھی ضروری ہیں۔

30/11/2024

لہسن کی کاشت میں کھادوں کا استعمال 🧄🧄🧄🧄

زمین کی تیاری میں کونسی کھادیں ڈالیں۔۔؟؟؟

🧄 لہسن وہ چیز ہے جس نے زمین کے اندر تیار ہونا ہے۔ اس لیے اسکو فاسفورس بہت اچھی مقدار کے انرد چاہیے۔ اس کے پتے کو نائیٹروجن بہت اچھی مقدار میں چاہیے۔ پوٹاش اسکو کم مقدار میں چاہیے ہوتا ہے۔
نامیاتی مادہ جتنا آپکی زمین کے اندر ہوگا آپکا لہسن اتنا زیادہ موٹا ہوگا۔
نامیاتی مادے کا سب سے بہتر زریعہ مرغی خانے کو روری اور گوبر کی کھاد ہے۔ اس کے اندر فاسفورس، نائیٹروجن اور پوٹاش ایک اچھی خاصی مقدار میں موجود ہوتی ہے اور اگر آپ ساتھ میں ہومیک ایسڈ ڈالیں گے تو وہ پودوں تک کھاد پہنچانے کا کام کریگا۔
اگر آپ زمین کی تیاری میں کھاد ڈالنا بھول گۓ ہیں تو شروعات میں DAP ، نائیٹروفاس اور ہومیک ایسڈ ڈالیں۔
اگر آپ زمین کی تیاری میں کھاد نہیں ڈالی اور بعد میں DAP اور نائیٹروفاس بھی ڈالنا بھول گئے ہیں تو اب کھاد نہ ڈالیں بلکہ لہسن کے پھوٹنے کا انتظار کریں اور شروع میں اسکو یوریا دیں۔ گودی کروانے سے پہلے DAP، نائیٹروفاس کا چھٹہ کریں، گودی کروائیں اور پانی لگا دیں۔
یہاں پر ایک بہت ہی زبردست چیز ہے جسکا لہسن کی پیداوار میں بہت اہم کردار ہے وہ زمین کی تیاری کے اندر راکھ کا ڈالنا ہے۔ خاص طور پر اگر وہ لکڑی کی راکھ ہو تو۔
اس سے آپ کے پودے چسث اور سست تیلے کے حملے سے بچ جاتے ہیں اور بہت اچھا زریعہ ہے پوٹاش کا جسے آپکا لہسن موٹا اور چمکدار بناے گا۔

29/11/2024

12.5 سے زاید گندم اگانے والے کسان آن لائن درخواست دے سکتے ہیں
شرائط و ضوابط:
درخواست گزار کے پاس ایک مستند قومی شناختی (CNIC) ہونا ضروری ہے۔

زمین کی ملکیت کی تصدیق پنجاب لینڈ ریکارڈ اتھارٹی (PLRA) کے ذریعے CNIC پر مبنی ملکیتی ریکارڈ کے تحت ہونی چاہیے۔

درخواست گزار کا صوبہ پنجاب کا رہائشی ہونا ضروری ہے۔

ایک بار درخواست جمع کروانے کے بعد، منتخب کردہ کیٹیگری میں کسی تبدیلی کی اجازت نہیں ہوگی۔

بیلٹنگ کے عمل کے بعد، محکمہ زراعت گندم کی کاشت کے رقبے کی فزیکل تصدیق کرے گا۔

اگر تصدیق شدہ گندم کی کاشت کا رقبہ مطلوبہ کیٹیگری سے کم پایا گیا تو انتخاب منسوخ کر دیا جائے گا۔

کسی بھی عدالت میں اس منسوخی کے خلاف کوئی چیلنج قبول نہیں کیا جائے گا۔

ٹریکٹر کے زمرے میں، منتخب کسان رجسٹریشن فیس کی لاگت برداشت کرے گا

29/11/2024