08/06/2026
*تھانہ ملم جبہ پولیس کی کامیاب کارروائی، غیرت کے نام پر بیوی کو قتل کرنے والا ملزم آلہ قتل سمیت گرفتار*
*سوات:* تھانہ ملم جبہ کی حدود سپین اوبو میں قتل کا واقعہ رونما ہوا۔ اطلاع ملتے ہی پولیس موقع پر پہنچی۔ ابتدائی تفتیش میں معلوم ہوا کہ غلام حسین ولد رسول خان نے غیرت کے نام پر اپنی زوجہ کو فائرنگ کر کے قتل کیا ہے۔
جس پر ملزم کے خلاف تھانہ ملم جبہ میں مقدمہ درج رجسٹر کر لیا گیا۔
ڈی پی او سوات محمد عمر خان کے فوری نوٹس پر ایس ایچ او تھانہ ملم جبہ شریف اللہ نے اپنی پولیس ٹیم کے ہمراہ کامیاب کارروائی کرتے ہوئے اپنی بیوی کے قتل میں ملوث سفاک قاتل (شوہر) کو گرفتار کر لیا۔ گرفتار ملزم کے قبضے سے آلہ قتل پستول بھی برآمد کر لی گئی ہے۔ ملزم سے مزید تفتیش جاری ہے۔
ترجمان سوات پولیس
