Shaeeda watan

21/03/2022

بالائی وادی نیلم، سرمائی کھیلوں کے شاندار میلہ کا انعقاداختتام پذیرہوگیا
چھ ٹیموں کے 70سے زائد کھلاڑیوں کے مابین برف میں کھیلے جانے والے مقابلوں میں عوام علاقہ کی خصوصی دلچسپی
''اڑنگ کیل ونٹر سپورٹس فیسٹیول'' پاک فوج اور ونٹر سپورٹس ایسوسی ایشن کے اشتراک سے 8 تا 20مارچ جاری رہا
مظفرآباد/نیلم (ایس ڈبلیو ایم سی)وادی نیلم سیاحوں کیلئے پرکشش ترین مقام ہے جہاں گرمیوں کیساتھ ساتھ سردیوں میں بھی سیاحت کافی پھل پھول رہی ہے، ہر موسم میں وادی نیلم حقیقی معنوں میں جنت النظیر کے مناظر اپنے پہلوں میں سمٹے ہوتی ہے، وادی نیلم میں سیاحت کے فروغ کیلئے پاک فوج ہمیشہ پیش پیش رہتی ہے۔ پاک فوج اور آزادجموں وکشمیر ونٹر سپورٹس ایسوسی ایشن کے باہمی اشتراک سے 8 سے 20مارچ تک ''اڑنگ کیل ونٹر سپورٹس فیسٹیول'' کا اہتمام کیا گیا جس میں چھ ٹیموں کے 70سے زائد کھلاڑیوں نے حصہ لیا، سپورٹس فیسٹیول میں برف میں کھیلے جانے والے مقابلوں میں عوام علاقہ نے بھی خصوصی دلچسپی لی، آزادکشمیر،صوبہ خیبر پختونخواہ کی ٹیموں کے درمیان مختلف مقابلہ جات منعقد ہوئے جن میں برف میں کھیلے جانے والی الپائن سکی، سنو بورڈنگ، کراس کنٹری سکی اور دیگر مقابلہ جات شامل تھے۔ کھیلوں کے مقابلوں کے دوران دور دراز سے سیاحوں اور مقامی افراد کی بڑی تعداد اڑنگ کیل پہنچی۔اختتامی تقریب میں مقامی افراد کے علاوہ سیاحوں اور فوجی و سول حکام کی بڑی تعداد نے شرکت کی۔ اختتامی تقریب سے خطاب کرتے ہوئے مقامی بریگیڈ کمانڈر بریگیڈیئر عامر امین اور صدر آزاد جموں وکشمیر ونٹر سپورٹس ایسوسی ایشن، ائیر کموڈور (ریٹائرڈ) شاہد ندیم نے کہا کہ پاک فوج اور آذاد جموں و کشمیر وینٹر سپورٹس ایسوسی ایشن، آزادکشمیر میں سیاحت اور کھیلوں کے فروغ کیلئے آزادکشمیر کے برفانی علاقوں میں اس طرح کے پروگرام اور مقابلہ جات کروا رہی ہے، آزادکشمیر میں ونٹر سپورٹس کے کافی مواقع موجود ہیں جنہیں استعمال کرکے ہم مقامی سیاحت کو فروغ دے سکتے ہیں۔مستقبل میں یہ مقابلے بڑی سطح پہ منعقد کیے جائیں گے جن میں ملکی اور بین الاقوامی کھلاڑیوں کے ساتھ ساتھ سیاحوں کو بھی آزادکشمیر آنے کی دعوت دی جائے گی۔ آزادکشمیر کی ترقی اور خوشحالی میں سیاحت اہم کردار ادا کر سکتی ہے جس سے یہاں کے لوگوں کو روزگار کے مواقع ملنے کیساتھ ساتھ یہ علاقہ سیاحتی مقام کے طورپرزیادہ بہتر انداز میں متعارف ہوگا۔ آزادکشمیر حکومت اس حوالے سے کافی کام کررہی ہے اور ہم حکومت سے کھیلوں اور سیاحت کے فروغ کیلئے بھرپور معاونت کرینگے۔ آزادکشمیر ونٹر سپورٹس ایسوسی ایشن اور پاک فوج کی جانب سے بالائی وادی نیلم میں اس طرز کی سرگرمیوں سے یقینا موسم سرما میں حکومت کی جانب سے لوگوں کو سیاحت کیلئے راغب کرنے کے اقدامات کو تقویت ملی ہے۔

21/03/2022

05/08/2020

*تیسری جنگِ عظیم کا اسٹیج تقریباً تیار ہو چُکا ہے....*

*اس وقت دُنیا تقریباً دو گروپس میں تقسیم ہو چُکی ہے.....*
🇵🇰🇵🇰🇵🇰
*گروپ 1*
چائنہ ,روس , "پاکستان" اور ان کے اتحادی....
*گروپ 2*
امریکہ ,اسرائیل اور ان کے اتحادی.......

امریکہ نے چائنہ کو ساؤتھ چائنہ سی میں گھیرنے کے لیے تیاریاں مکمل کر لی ہیں,
🇵🇰
اور ساؤتھ چائنہ سی کے اردگرد موجود تمام ممالک
(چاپان, فلپائن, تائیوان, ہانگ کانگ, ساؤتھ کوریا, ویت نام, ملائیشیاء, انڈونیشیاء, برونائی, اور آسٹریلیا ) کو چائنہ کے خلاف اُکسانے میں کامیاب ہو گیا ہے,

اور یہاں اپنے ڈیسٹرائیرز اور ایئر کرافٹ کیریئر لے کر آگیا ہے,

اور بھارت کو کہا ہے کہ اپنی نیوی کے ذریعے آبنائے ملاکا کو چائنہ کے بحری جہازوں کے لیے بند کردے,

یادرہے آبنائے ملاکا کے ذریعے چائنہ کی زیادہ تر تجارت ہوتی ہے,
🇵🇰🇵🇰🇵🇰
اور چائنہ کا 80% تیل اسی راستے سے گُزرتا ہے,
اگر یہ راستہ بند ہوتا ہے تو بدلے میں چائنہ کے پاس صرف گوادر بچتا ہے اپنی تجارت کے لیے....

جو کہ "پاکستان" کے لیے بہت ہی خوش آئند بات ہے......

جواب میں چائنہ نے بھی پالیسی بنا لی ہے,
اور اگر بھارت آبنائے ملاکا بند کرنے کی کوشش کرتا ہے,
تو چائنہ بھی بھارتی ریاست سکم پر قبضہ کر کے سلی گُڑی کوری ڈور
جو کہ بھارت کی سات ریاستوں
(آسام, ناگالینڈ ,اروناچل پردیش, میگہالیہ, میزورام ,منی پور , تری پور) کو باقی بھارت سے ملاتا ہے,
اس پر قبضہ کرکے ان سب کو بھارت سے علیدہ کردے گا,
🇵🇰🇵🇰🇵🇰🇵🇰🇵🇰
اور بھارت بھی یہ بات اچھی طرح جانتا ہے, اس لیے کافی حد تک خاموش ہے,
اب بھارت نے تبت کارڈ کھیلنے کا فیصلہ کیا,
اور دلائی لامہ کو پوری دنیا میں لیکر جائے گا

اور UN سمیت ہر جگہ پشت پناہی کرے گا,

نتیجے میں چائنہ نے بھی کشمیر کارڈ کھیلنے کا فیصلہ کر لیا ہے

اور ہر صورت کشمیر کی آزادی کے لیے کام کرے گا,
اور یہ بات بھی "پاکستان" کے لیے ہی خوش آئند ہے......
🇵🇰🇵🇰🇵🇰
دوسری طرف چائنہ ایران کو بھی بھارت کی گود سے نکال لایا
اور اب ایران بھی کُھل کر بھارت کے خلاف میدان میں آرہا ہے,

اب صرف عرب ممالک کا فیصلہ باقی ہے,
اور چائنہ نے سعودی عرب اور باقی ممالک کو تیل کی تجارت ڈالر میں کرنے کی بجائے
اپنی اپنی کرنسیوں میں کرنے کی آفر کی ہے,
یہ امریکی ڈالر کو بدترین دھچکا ہوگا,
امریکہ کا بھی عرب ممالک پر بھرپور دباؤ ہے,
اگر سعودی عرب چائنہ کے بلاک میں آنے کی بجائے,
امریکہ دباؤ پر گُھٹنے ٹیک دیتا ہے,
تو چائنہ سعودی عرب کی بجائے ایران اور روس سے تیل خریدنا شروع کردے گا,
🇵🇰🇵🇰🇵🇰
چائنہ صرف سعودی عرب سے 40 ارب ڈالرز کا تیل خریدتا ہے,
اور ایران پہلے ہی چائنہ کو آدھی قیمت پر تیل دینے کی آفر کر چُکا ہے,

عرب ممالک پر بہت ہی کڑا وقت ہے, لیکن امریکہ اپنے دشمنوں سے زیادہ اپنے دوستوں کو ڈستا ہے,
اور چائنہ اپنے دوستوں کو ساتھ لیکر چلتا ہے,

باقی فیصلہ محمد بن سلمان کے صوابدید ہے....

اسرائیل کی کوشش ہے
کہ خود جنگ میں نہ کودے
اور امریکہ ,بھارت اور اتحادیوں کے ذریعے چائنہ کو شکست دے,
🇵🇰🇵🇰🇵🇰🇵🇰🇵🇰🇵🇰
*بالکل وہی پالیسی جو پہلی جنگِ عظیم میں امریکہ کی تھی,جب روس, برطانیہ اور فرانس بمقابلہ جرمنی ,آسٹریا ہنگری اور سلطنتِ عثمانیہ تھے اور امریکہ پہلے 3 سال تک دونوں کو اسلحہ اور خوراک فروخت کر کے خوب پیسے کماتا رہا اور آخری سال جب روس انقلاب کے بعد جنگ سے باہر ہوا اور دونوں فریقین بہت زیادہ کمزور ہو چُکے تھے, تو اعلانِ جنگ کر دیا اور اسی طرح جنگ جیت گیا......*

اب اسرائیل کی بھی وہی پالیسی ہے, جب امریکہ, بھارت , چائنہ روس اور "پاکستان"
آپس میں لڑکر بے حد کمزور ہو چُکے ہونگے
تو اُس وقت جنگ میں شامل ہو گا اور بغیر زیادہ محنت کہ جنگ جیت کر سُپر پاور کی سیٹ پر بیٹھ جائے,

امریکہ بھی یہ بات اچھی طرح جانتا ہے
اس لیے وہ خود جنگ میں نہیں کودنا چاہتا,
بلکہ بھارت اور دوسرے ممالک کا کندھا استعمال کر کے جنگ جیتنا چاہتا ہے,
لیکن اسرائیل یہ ہونے نہیں دے گا.....

یہودیوں کی خفیہ تنظیمیں پہلے ہی رپورٹ دے چُکیں,
اور کہہ چُکیں کہ چائنہ امریکہ کو شکست دے گا
اور اسرائیل چائنہ کو شکست دے کر دُنیا کا تاج اپنے سر سجائے گا....

🇵🇰🇵🇰🇵🇰

ان صورتوں میں
🇵🇰"وطنِ عزیز" 🇵🇰کے لیے بھی بہت سے امتحانات ہیں,

🇵🇰🇵🇰🇵🇰🇵🇰

ملکی حالات کے پیشِ نظر "پاک فوج" اور ریاستی اداروں کی بھرپور کوشش ہے
کہ فلحال اس جنگ کو تھوڑا دور دھکیلا جائے,....
تاکہ ملک کے حالات تھوڑے قابو میں آسکیں,
دشمنان "اسلام" تو "پاکستان" کو جتنی جلدی ممکن ہو
اس جنگ میں دھکیلنا چاہتے ہیں,
🇵🇰🇵🇰
تاکہ "اسلامی" دُنیا کی واحد ڈھال, "اسلامی" دُنیا کے واحد حصار "پاکستان" کو توڑا جائے,

اگر آج "پاکستان" مضبوط اور ایٹمی طاقت نہ ہوتا
تو شاید ہی کوئی اسلامی ملک اس وقت دُنیا کی نقشے پر موجود ہوتا.....

"پاکستانی" قوم کو چاہیے کہ اپنی ریاست اور فوج پر بھروسہ رکھیں
اور ہر صورت ان کے شانہ بشانہ کھڑے ہوں...
🇵🇰🇵🇰🇵🇰🇵🇰🇵🇰🇵🇰

*آخر میں تمام قارئین سے گُزارش ہے کہ کوئی بھی تحریر اچھی لگے تو پڑھ کر تھوڑی سی زحمت کرکے آگے شئیر ضرور کریں,

بڑی محنت سے یہ معلومات اکٹھی کی اور تحریر کی ہوتی ہیں....* *اسے زیادہ سے زیادہ لوگوں تک پہنچائیں*
🇵🇰🇵🇰🇵🇰🇵🇰🇵🇰🇵🇰🇵🇰
🇵🇰🇵🇰🇵🇰🇵🇰🇵🇰🇵🇰🇵🇰🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷

25/07/2020

سلام شہید وطن

06/12/2019

میجرشبیرشریف شہید
پاک فوج کی تاریخ ایسی لازوال داستانوں سے بھری پڑی ہے جہاں اس دھرتی کے سپوتوں نے مادر وطن کی حفاظت کے لیے اپنی جان کی پروا نہ کرتے ہوئے بے مثال شجاعت کے کارنامے سر انجام دیے اور اپنی جان اس پاک دھرتی کی خاطر قربان کر دی۔ ایسا ہی ایک کردار میجر شبیر شریف شہید بھی ہیں۔ میجر شبیر شریف 28 اپریل 1943 ء کو گجرات میں پیدا ہوئے تھے۔ 19 اپریل 1964ء کو انہوں نے فوج میں کمیشن حاصل کیا اور ملٹری اکیڈمی کاکول میں اپنی بہترین کارکردگی کی بدولت اعزازی شمشیر کے حقدار قرار پائے۔ پاسنگ آؤٹ کے بعد ان کو فرنئیر فورس رجمنٹ میں تعینات کیا گیا ۔ 1965ء کی پاک بھارت جنگ میں انہوں نے بطور سیکنڈ لیفٹینٹ حصہ لیا اور اس جنگ میں ان کی بیمثال شجاعت کا اعتراف کرتے ہوئے انہیں ستارہ جرات عطا کیا گیا۔
3 دسمبر1971ء کو وہ سلیمانکی سیکٹر میں فرنئیر فورس رجمنٹ کی ایک کمپنی کی قیادت کر رہے تھے ۔ ان کو ایک اونچے بند پر قبضہ کرنے کی مہم سونپی گئی جہاں دو گاؤں گورمکھ کھیڑہ اور بیری والا زد میں آسکتے تھے۔ فوجی لحاظ سے اس جگہ کی بڑی اہمیت تھی اور اسی وجہ سے بھارت نے یہاں آسام رجمنٹ کی ایک کمپنی مامور کی تھی جسے ٹینکوں کے ایک اسکواڈرن کی مدد بھی حاصل تھی مطلوبہ پوزیشن تک پہنچنے کے لئے انہیں 30 فٹ چوڑی اور10 فٹ گہری دفاعی نہر کو تیر کر عبور کرنا اور دشمن کے بارودی سرنگوں کے علاقے سے گزرنا تھا جو کہ۔جان جوکھوں کا کام تھا مگر میجر شبیر شریف نے اپنی کمپنی کے ساتھ یہ تمام مرحلے طے کر لئے اور 3 دسمبر کی شام تک دشمن کو اس کی دفاعی قلعہ بندیوں اور خندوقوں سے باہر نکال دیا۔ اس معرکے میں دشمن کے 43 سپاہی مارے گئے اور 4 ٹینک تباہ ہوئے۔ 5 اور 6 دسمبر کی درمیانی شب میجر شبیر نے آسام رجمنٹ کے کمپنی کمانڈر کو ہلاک کر کے اہم دستاویزات پر قبضہ کر لیا ۔
6 دسمبر کو دشمن ایک خوفناک جوابی حملہ کیا اس حملے میں میجر شبیر شریف بہادری سے لڑتے ہوئے شہادت کے مرتبے پر فائز ہوگئے۔ شہادت کے وقت میجر شبیر شریف کی عمر صرف 28 برس تھی۔ حکومتِ پاکستان نے انہیں ان کی اعلیٰ عسکری خدمات پر نشانِ حیدر کا اعزاز عطا کیا ۔میجر شبیر شریف لاہور میں میانی صاحب کے قبرستان میں آسودہ خاک ہیں ۔ میجر شبیرشریف شہید کا نشانِ حیدر کا اعزاز 3 فروری 1977ء کو ایوانِ صدر اسلام آباد میں منعقدہ ایک خصوصی تقریب میں ان کی بیوہ نے حاصل کیا۔ میجر شبیر شریف شہید سابق آرمی چیف جنرل راحیل شریف کے بڑے بھائی اور مجیر عزیز بھٹی شہید نشان حیدر کے بھانجے ہیں۔ میجر شبیر شریف شہید پاکستان کی عسکری تاریخ کے وہ واحد جانباز ہیں جنہیں ان کی بیمثال بہادری کی بدولت ستارہ جرات اور نشان حیدر دونوں اعزازات سے سرفراز کیا گیا ہے۔