06/05/2026
ضلع قمبر شهدادڪوٽ (ايٽ قمبر)
ميرڻ ماڇي کان دوست علي روڊ جي خراب صورتحال سبب ڪڻڪ سان ڀريل ٽريڪٽر واٽر ڪورس ۾ ڪلٽي ڊرائيور محفوظ
تمام محترم معززين کي ،
ادب سان عرض آهي ته تعلقو ميروخان جي يونين ڪائونسل کبڙ ۾ واقع ميرڻ ماڇي کان دوست علي تائين ويندڙ روڊ گذريل ڪيترن ئي سالن کان انتهائي خراب حالت جو شڪار آهي۔ هن روڊ جي بدترين صورتحال سبب علائقي واسين کي روزاني آمد رفت ۾ سخت تڪليفن کي منهن ڏيڻو پوي ٿو۔ هن روڊ تي کڏا، مٽي ۽ برساتي پاڻي بيهڻ ڪري حادثن جو خطرو وڌي ويو آهي، جڏهن ته ايمرجنسي حالتن ۾ مريضن کي اسپتال پهچائڻ به ڏکيو ٿي پوي ٿو۔ شاگردن، مزدورن ۽ واپارين لاءِ به هي روڊ وڏي پريشاني جو سبب بڻيل آهي۔ علائقي جا رهواسي ڪيترائي ڀيرا لاڳاپيل اختيارين کي آگاهه ڪري چڪا آهن، پر اڃا تائين ڪو به عملي قدم نه کنيو ويو آهي۔ ان ڪري اوهان کي گذارش آهي ته ميرڻ ماڇي کان دوست علي روڊ جي فوري مرمت ۽ تعمير لاءِ ضروري قدم کنيا وڃن ته جيئن علائقي جي عوام کي هن وڏي تڪليف کان نجات ملي سگهي۔
مهرباني ڪري هن اهم عوامي مسئلي تي جلد کان جلد ڌيان ڏئي ان تي عملدرآمد يقيني بڻايو وڃي۔
تعلقو: ميروخان ضلعو: قمبر شهدادڪوٽ (ايٽ قمبر)
تاريخ:__2026_05__06
