ENN News Balochistan

12/06/2026

****** اہم اجلاس ہوگا ******
بروز اتوار بمورخہ 14/6/2026 شام 5:00 بجے کو امن کمیٹی بوستان کاریزات کے چئیرمین ملک اشرف بازئی کے صدارت میں ایک اہم اجلاس ہوگا اجلاس بوستان کلی سرڈب میں ہدایت اللہ کے رہائش گاہ پر ہوگا اجلاس ان نکات پر ہوگا جس میں ضلع کاریزات بحالی,گیس اور بجلی کی ناروا لوڈشیڈنگ ,گیس پریشر کی کمی, اور علاقے کے امن وامان و دیگر مسائل شامل ہیں تمام سیاسی و قبائلی عمائدین سے اس اجلاس میں شرکت کی اپیل کی جاتی ہے اور وقت کی پابندی لازمی ہے

12/06/2026

کلی ناصر آباد کی بجلی 5 دنوں سے کم وولٹیج میں آرہی ہے.بلب لگانے کی قابل بھی نہیں ۔کوئی نوٹس لینے والا نہیں۔اہلیان علاقہ

12/06/2026

12/06/2026

کچلاک بجلی سٹی فیدر کی صورتحال بار بار جھٹکوں اور کم وولٹیج نے عوام کو بیزار کر دیا

12/06/2026

کلی صوفی کچلاک میں بلیک ٹاپ روڈ کا افتتاح، ترقیاتی کاموں کا سلسلہ جاری

کچلاک کے علاقے کلی صوفی میں بلیک ٹاپ روڈ کے افتتاح کے موقع پر ایک پروقار تقریب منعقد ہوئی، جس میں عوامی نیشنل پارٹی کے رکن صوبائی اسمبلی ملک نعیم خان بازئی نے ربن کاٹ کر سڑک کا باقاعدہ افتتاح کیا۔

افتتاحی تقریب کے بعد حاجی حمید اللہ کی رہائش گاہ پر علاقے میں جاری اور آئندہ ترقیاتی منصوبوں کے حوالے سے ایک خصوصی پروگرام بھی منعقد ہوا۔ اس موقع پر ملک نعیم خان بازئی نے خطاب کرتے ہوئے کہا کہ حلقہ پی بی 38 کے عوام کو درپیش مسائل کے حل اور علاقے کی ترقی کے لیے تمام دستیاب وسائل بروئے کار لائے جائیں گے اور ترقیاتی عمل کو مزید تیز کیا جائے گا۔

علاقے کے عمائدین اور عوام نے بلیک ٹاپ روڈ سمیت دیگر ترقیاتی منصوبوں پر ملک نعیم خان بازئی کا شکریہ ادا کرتے ہوئے امید ظاہر کی کہ مستقبل میں بھی عوامی فلاح و بہبود کے منصوبے جاری رہیں گے۔

تقریب میں ملک عبداللہ جان کاکڑ، منظور خان بازئی، انجینئر باز محمد خان، ضلعی صدر اجمل خان کاکڑ، ڈاکٹر ملک سنگین خان کاکڑ، رحیم خان، ملک داد محمد میٹا خان سلیمان خیل، ملک ارباز خان بازئی ملک ستار خلجی انجینئر باز محمد اور ملک خالد خان کاکڑ سمیت دیگر معززین نے شرکت کی۔

#کچلاک #بلوچستان

12/06/2026

کچلاک کے علاقے کلی مفتی محمد ابراہیم آٹوزئی میں عوامی نیشنل پارٹی کے زیرِ اہتمام ایک شاندار شمولیتی پروگرام کا انعقاد کیا گیا، جس میں عوامی نیشنل پارٹی کے مرکزی رہنما اور رکنِ صوبائی اسمبلی ملک نعیم خان بازئی نے بطور مہمانِ خصوصی شرکت کی۔
تقریب کے دوران مفتی محمد ابراہیم کی قیادت میں ان کے پورے خاندان اور ساتھیوں سمیت متعدد افراد نے مختلف سیاسی جماعتوں سے مستعفی ہو کر عوامی نیشنل پارٹی میں باقاعدہ شمولیت اختیار کر لی۔ اس موقع پر شرکاء نے نئے شامل ہونے والے افراد کا پرتپاک استقبال کیا اور انہیں مبارکباد پیش کی۔
پروگرام میں ضلعی صدر ثناء اللہ کاکڑ، تحصیل صدر اجمل خان کاکڑ، انجینئر باز محمد، ملک سنگین، ملک زادہ ارباز خان بازئی، ملک ستار خلجی، میٹھاء خان سلیمان خیل، سمیع اللہ کاکڑ، حاجی متین سلیمان خیل، منظور احمد بازئی، ماسٹر اللہ نظر سمیت پارٹی کے دیگر صوبائی، ضلعی اور مقامی رہنماؤں نے شرکت کی۔
مقررین نے اپنے خطاب میں کہا کہ عوامی نیشنل پارٹی عوامی مسائل کے حل، امن، بھائی چارے اور خدمتِ خلق کے فلسفے پر یقین رکھتی ہے۔ انہوں نے اس عزم کا اعادہ کیا کہ فخرِ افغان باچا خان بابا کے نظریات کو مزید فروغ دیتے ہوئے علاقے کی ترقی اور عوام کی فلاح و بہبود کے لیے جدوجہد جاری رکھی جائے گی۔
شرکاء نے اس شمولیت کو عوامی نیشنل پارٹی پر عوام کے بڑھتے ہوئے اعتماد کا مظہر قرار دیا اور امید ظاہر کی کہ اس سے پارٹی مزید مضبوط ہوگی۔

12/06/2026

روزی محمد ولد گل محمد سرڈب خنائی بابا سے لاپتہ ہے جس کو بھی معلومات ہو تصویر میں دئیے گئے نمبر پر رابطہ کرے

11/06/2026

اطلاع عام
ایزی پیسہ میں اس وقت تکنیکی مسئلہ درپیش ہے۔ صارفین سے گزارش ہے کہ اپنے موبائل فون کو بار بار آن/آف یا ایئرپلین موڈ پر نہ کریں۔

ایزی پیسہ کی تکنیکی ٹیم مسئلے کے حل اور سروس کی مکمل بحالی پر کام کر رہی ہے۔ سروس کی بحالی میں کچھ وقت لگ سکتا ہے، لہٰذا صارفین سے تعاون اور صبر کی درخواست ہے۔
شکریہ۔

11/06/2026

یہ بچہ جس کا نام قدرت اللہ ولد نظر محمد کلی صاحب زادہ سے صبح 8 بجے سے لاپتہ ہے جس کو بھی اس کے بارے میں معلومات ہو وہ اس نمبر پر رابطہ کرے
03178714985

11/06/2026

سیاسی اختلافات کو ذاتی اختلاف نہ سمجھیں
تحریر: جہانزیب خان کاکڑ
گزشتہ کچھ عرصے سے سوشل میڈیا پر ایک تشویشناک رجحان دیکھنے میں آ رہا ہے کہ لوگ سیاسی اختلافات کو ذاتی دشمنی اور نفرت کا رنگ دے رہے ہیں۔ مختلف سیاسی جماعتوں کے کارکنان اور حامی ایک دوسرے کے نظریات کا جواب دلیل سے دینے کے بجائے ذاتی حملوں، گالی گلوچ اور تضحیک آمیز الفاظ کا سہارا لے رہے ہیں۔ یہ رویہ نہ صرف جمہوری اقدار کے منافی ہے بلکہ معاشرتی ہم آہنگی کے لیے بھی نقصان دہ ثابت ہو رہا ہے۔
ہمیں یہ سمجھنے کی ضرورت ہے کہ سیاست نظریات، سوچ اور عوامی خدمت کے مختلف طریقہ کار کا نام ہے۔ ہر فرد کو آئین اور جمہوریت کے دائرے میں رہتے ہوئے اپنی پسند کی سیاسی جماعت یا نظریے کی حمایت کرنے کا حق حاصل ہے۔ کسی سیاسی جماعت سے وابستگی یا اختلاف کی بنیاد پر کسی شخص کی عزت، کردار یا ذاتی زندگی کو نشانہ بنانا کسی بھی مہذب معاشرے کی روایت نہیں۔
افسوس کی بات یہ ہے کہ ہماری قوم پہلے ہی مختلف بنیادوں پر تقسیم کا شکار ہے۔ ایسے حالات میں سیاسی اختلافات کو نفرت اور دشمنی میں تبدیل کرنا معاشرے میں مزید انتشار پیدا کرتا ہے۔ خاص طور پر نوجوان نسل سوشل میڈیا پر جو کچھ دیکھتی ہے، اس سے متاثر ہوتی ہے۔ اگر ہم انہیں برداشت، احترام اور دلیل کی بجائے نفرت اور تلخی کا ماحول دیں گے تو اس کے منفی اثرات پورے معاشرے پر مرتب ہوں گے۔
جمہوریت کا حسن اختلافِ رائے میں ہے۔ اگر سب لوگ ایک ہی سوچ رکھتے تو جمہوریت کی ضرورت ہی نہ ہوتی۔ جمہوری معاشروں میں مختلف آراء اور نظریات کو برداشت کیا جاتا ہے، ان پر بحث کی جاتی ہے اور عوام کو فیصلہ کرنے کا حق دیا جاتا ہے۔ یہی سیاسی شعور اور جمہوری طرزِ فکر کی اصل روح ہے۔
اسلام بھی ہمیں احترامِ انسانیت، برداشت اور حسنِ اخلاق کا درس دیتا ہے۔ اسی طرح پشتونولی کی روایات میں بھی عزت، رواداری اور ایک دوسرے کے احترام کو بنیادی حیثیت حاصل ہے۔ لہٰذا سیاسی اختلافات کی وجہ سے ایک دوسرے کی تضحیک کرنا نہ اسلامی تعلیمات کے مطابق ہے اور نہ ہی ہماری قومی اور ثقافتی روایات کے مطابق۔
ہم سب کی ذمہ داری ہے کہ اختلافِ رائے کو دشمنی نہ بنائیں، سیاسی بحث کو شائستگی کے دائرے میں رکھیں، اور دلیل، برداشت اور احترام کے کلچر کو فروغ دیں۔ یاد رکھیں کہ سیاسی جماعتیں اور نظریات بدل سکتے ہیں، لیکن رشتے، معاشرتی تعلقات اور انسانی احترام ہمیشہ باقی رہتے ہیں۔
آئیے عہد کریں کہ ہم سیاسی اختلاف کو جمہوریت کی خوبصورتی سمجھیں گے، نہ کہ نفرت اور دشمنی کا ذریعہ۔ کیونکہ ایک مہذب، باشعور اور ترقی یافتہ معاشرہ اسی وقت وجود میں آتا ہے جب لوگ اختلاف کے باوجود ایک دوسرے کا احترام کرنا جانتے ہوں۔ :::