15/07/2026
21 جون کو کوئٹہ کے حدود سے لاپتہ ہونے والے نوجوان سید خلیل الرحمان کی لاش شعبان کے پہاڑی علاقے سے برآمد ہوئی ہے۔
سید خلیل الرحمان ایک تعلیم یافتہ نوجوان تھے۔ انہوں نے کچھ عرصہ محکمہ سی ٹی ڈی میں خدمات انجام دیں، بعد ازاں ملازمت چھوڑ کر سی ایس ایس کے امتحان کی تیاری میں مصروف ہو گئے تھے۔
تاہم یہ سوالات تاحال تشنۂ جواب ہیں کہ وہ کس طرح لاپتہ ہوئے، انہیں اغوا کیا گیا یا نہیں، اور وہ شعبان کے پہاڑی علاقے تک کیسے پہنچے۔ ان تمام پہلوؤں کی حقیقت سامنے آنا اور شفاف تحقیقات کے ذریعے ذمہ داروں کا تعین ہونا ضروری ہے۔
