17/07/2026
میپکو ایس ڈی او SDO چوک بہادر پور شہروز خان گنڈاپور کو سیٹلائٹ ٹاؤن سب ڈویژن کا بھی اضافی چارج سونپ دیا گیا، نوٹیفکیشن جاری
رحیم یار خان: میپکو کی جانب سے جاری کردہ نوٹیفکیشن کیمطابق ایس ڈی او (آپریشن) میپکو چوک بہادرپور انجینئر شہروز خان گنڈاپور کو فوری طور پر سیٹلائٹ ٹاؤن سب ڈویژن کا بھی اضافی چارج سونپ دیا گیا ہے۔ یہ ذمہ داری موجودہ ایس ڈی او انجینئر اسرار احمد کی پری پروموشن ٹریننگ کے دوران انجام دیں گے۔
واضح رہے انجینئر شہروز خان گنڈاپور اس سے قبل تقریباً 2 سال تک ایس ڈی او سیٹلائٹ ٹاؤن کی حیثیت سے خدمات انجام دے چکے ہیں جہاں انہوں نے اپنی بہترین کارکردگی، مؤثر انتظامی صلاحیتوں اور صارفین کے مسائل کے بروقت حل کے باعث ایک اچھی شہرت حاصل کی۔ ان کی اسی پیشہ ورانہ کارکردگی کو مدنظر رکھتے ہوئے انہیں ایک بار پھر سیٹلائٹ ٹاؤن سب ڈویژن کا اضافی چارج سونپا گیا ہے تاکہ ادارے کے امور بلا تعطل جاری رہیں۔
