https://www.facebook.com/112637194844416/

Aaj Pakistan News, Rawalpindi (2026)

07/06/2026

Ignite Welcomes Mr. Muhammad Bilal Abbasi as Chief Executive Officer

Islamabad:(Syed Shahid Waheed Hashmi) Ignite, National Technology Fund, is pleased to announce the appointment of Mr. Muhammad Bilal Abbasi as its Chief Executive Officer (CEO). Mr. Abbasi brings extensive experience in technology, innovation, digital transformation, entrepreneurship development, and strategic leadership. His appointment reflects Ignite’s continued commitment to strengthening Pakistan’s innovation ecosystem, accelerating technology driven economic growth, and fostering entrepreneurship across the country.
As CEO, Mr. Abbasi will lead Ignite’s efforts to promote innovation, support startups, enhance digital skills development, strengthen research and commercialization initiatives, and advance emerging technology programs in areas such as Artificial Intelligence, cybersecurity, cloud computing, robotics, and digital entrepreneurship. Under his leadership, Ignite will continue to play a pivotal role in implementing the Ministry of IT & Telecom’s vision of building a vibrant knowledge economy, empowering Pakistani youth, and positioning Pakistan as a leading innovation and technology hub in the region.

04/06/2026

غیر ملکی وفود اور اہم شخصیات کے تحفظ کے لیے سکیورٹی مزید مؤثر بنانے کی ہدایت
اسلام آباد:(سید شاہد وحید ہاشمی)ڈپٹی انسپکٹر جنرل (ڈی آئی جی) سکیورٹی اسلام آباد رانا عمر فاروق کی زیرِ صدارت ایک اہم اجلاس منعقد ہوا جس میں غیر ملکی وفود کے تحفظ، سکیورٹی انتظامات، پروٹوکول ڈیوٹیوں اور اسپیشل پروٹیکشن یونٹ کی آپریشنل استعداد کا تفصیلی جائزہ لیا گیا۔اجلاس میں ایس ایس پی سی ٹی ڈی سعود خان، ایس پی سی ٹی ڈی خالد محمود اعوان اور ایس پی ٹریفک ماجد اقبال سمیت دیگر متعلقہ افسران نے شرکت کی۔اجلاس کے دوران مختلف سکیورٹی امور، درپیش چیلنجز اور حفاظتی اقدامات پر غور کیا گیا جبکہ قومی و بین الاقوامی اہم شخصیات کی محفوظ اور مؤثر نقل و حرکت کو یقینی بنانے کے لیے جاری انتظامات کا بھی جائزہ لیا گیا۔ڈی آئی جی سکیورٹی رانا عمر فاروق نے سکیورٹی ڈویژن اور اسپیشل پروٹیکشن یونٹ کی مجموعی کارکردگی کا جائزہ لیتے ہوئے پیشہ ورانہ صلاحیتوں میں مزید بہتری، مؤثر رابطہ کاری اور جدید تقاضوں کے مطابق سکیورٹی اقدامات کو اپ گریڈ کرنے کی ضرورت پر زور دیا۔انہوں نے متعلقہ افسران کو ہدایت کی کہ غیر ملکی وفود اور اہم شخصیات کے تحفظ کے لیے تمام دستیاب وسائل بروئے کار لائے جائیں اور سکیورٹی کے اعلیٰ ترین معیار کو ہر صورت برقرار رکھا جائے۔اجلاس کے اختتام پر ڈی آئی جی سکیورٹی نے افسران کو اپنی ذمہ داریاں مزید مستعدی، جانفشانی اور پیشہ ورانہ انداز میں انجام دینے کی ہدایات جاری کیں۔

02/06/2026

پنشن میں 100 فیصد اضافہ کیا جاے۔۔۔ڈاکٹر منصور احمد
اسلام اباد:(سید شاہد وحید ہاشمی)پمز ریٹائرڈ ایمپلائز ویلفیئر ایسوسی ایشن نے حکومتِ پاکستان سے مطالبہ کیا ہے کہ آئندہ وفاقی بجٹ27-2026 میں ریٹائرڈ ملازمین کو مہنگائی کے طوفان سے بچانے کے لیے ہنگامی اقدامات کرے۔پمز ریٹائرڈ ایمپلائیز ویلفیئر ایسوسی ایشن نے اپنے ایک ہنگامی اجلاس میں حکومتِ پاکستان سے پرزور مطالبہ کیا ہے کہ سرکاری ریٹائرڈ ملازمین کی پینشن میں 100 فیصد اضافہ کیا جائے تاکہ بڑھتی ہوئی مہنگائی اور معاشی مشکلات کے باعث متاثر ہونے والے لاکھوں پنشنرز کو حقیقی ریلیف فراہم کیا جا سکے۔ایسوسی ایشن کے نمائندوں کا کہنا ہے کہ گزشتہ چند برسوں کے دوران اشیائے خوردونوش، ادویات، بجلی، گیس، پٹرولیم مصنوعات، کرایوں اور دیگر ضروریاتِ زندگی کی قیمتوں میں غیر معمولی اضافہ ہوا ہے، جبکہ پنشن میں ہونے والے اضافے اس تناسب سے ہرگز نہیں رہے۔ گزشتہ سال پنشن میں محض 7 فیصد اضافہ کیا گیا جو موجودہ معاشی حالات کے تناظر میں انتہائی ناکافی ثابت ہوا۔ آج بیشتر پنشنرز اپنی محدود آمدنی کے باعث روزمرہ ضروریات، علاج معالجہ اور گھریلو اخراجات پورے کرنے میں شدید مشکلات کا سامنا کر رہے ہیں۔انہوں نے کہا کہ ریٹائرڈ ملازمین اپنی پوری زندگی قومی اداروں کی خدمت میں صرف کر دیتے ہیں، لیکن ریٹائرمنٹ کے بعد محدود آمدنی کے باعث انہیں شدید مالی مشکلات کا سامنا کرنا پڑتا ہے۔ خصوصاً بزرگ پنشنرز کے لیے علاج معالجہ اور ادویات کے اخراجات میں بے پناہ اضافہ ان کی زندگی کو مزید دشوار بنا رہا ہے۔ایسوسی ایشن نے حکومت سے مطالبہ کیا کہ آئندہ بجٹ میں پنشنرز کو خصوصی توجہ دیتے ہوئے پینشن میں 100 فیصد اضافہ کیا جائے، میڈیکل الاونس جو گزشتہ گیارہ برس سے منجمد ہے اس میں اضافہ کیا جائے اور ایسے مستقل اقدامات کیے جائیں جن کے ذریعے پینشن کو مہنگائی کے تناسب سے خودکار طور پر ایڈجسٹ کیا جا سکے۔تنظیم کے سرپرست اعلیٰ ڈاکٹر منصور احمد نے اس امر پر تعجب کا اظہار کیا کہ پنشنرز کی پنشن میں اضافہ کنزیومر پرایس انڈیکس کی بنیاد پر کیا جاتا ہے اور یہ قانون صرف پنشنرز کے لیے ہے جو کہ سرا سر نا انصانی اور پنشنرز کے بنیادی حقوق کی حق تلفی ہے۔ انھوں نے مزید کہا کہ پنشنرز اور حاضر سروس ملازمین کو مساوی طورپر ایڈہاک ریلف دیا جائے۔ایسوسی ایشن کے ذمہ داران نے اس بات پر بھی زور دیا کہ موجودہ عالمی حالات، علاقائی کشیدگیوں اور ملک کو درپیش معاشی چیلنجز کے پیشِ نظر ریٹائرڈ ملازمین نے دانش مندی اور قومی ذمہ داری کا مظاہرہ کرتے ہوئے سڑکوں پر احتجاجی تحریک چلانے یا عوامی مشکلات کا سبب بننے سے گریز کرنے کا فیصلہ کیا ہے تاکہ حکومتِ وقت کے ہاتھ مضبوط ہوں اور وہ یکسوئی کے ساتھ ملکی مسائل کے حل اور معاشی استحکام کے لیے بہتر فیصلے کر سکے۔ تاہم پنشنرز یہ توقع رکھتے ہیں کہ حکومت بھی ان کے صبرو تحمل اور قومی مفاد کے پیشِ نظر اختیار کیے گئے مثبت طرزِ عمل کو سراہتے ہوے مطالبات پورے کرے.
بیان میں کہا گیا کہ ایک جانب مختلف مراعات یافتہ طبقات، اعلیٰ سرکاری عہدے داران، ارکانِ پارلیمنٹ، سینیٹرز، ججز اور دیگر بااختیار حلقوں کی تنخواہوں، الاؤنسز اور مراعات میں مسلسل اضافہ کیا جا رہا ہے، جبکہ دوسری جانب لاکھوں پنشنرز محدود آمدنی کے ساتھ روز افزوں مہنگائی کا بوجھ اٹھانے پر مجبور ہیں۔ ایسوسی ایشن کا مؤقف ہے کہ پنشنرز کسی خصوصی رعایت کے طلبگار نہیں بلکہ صرف اتنا چاہتے ہیں کہ انہیں عزت، وقار اور بنیادی ضروریاتِ زندگی پوری کرنے کے لیے مناسب مالی سہارا فراہم کیا جائے۔ پینشن میں خاطر خواہ اضافہ نہ صرف ریٹائرڈ ملازمین کے لیے ریلیف کا باعث بنے گا بلکہ حاضر سروس سرکاری ملازمین کے لیے بھی حوصلہ افزا پیغام ثابت ہوگا۔اس طرح ریاست کی جانب سے ایک مثبت تاثر اپنے وفادار اور خدمت گزار ملازمین کو جاے گا کہ ریٹائرمنٹ کے بعد ریاست انھیں فراموش نہیں کرتی۔ اس سے سرکاری ملازمین میں احساسِ تحفظ بڑھے گا اور وہ مزید دیانت داری، محنت، لگن اور اطمینان کے ساتھ اپنی قومی و سرکاری ذمہ داریاں ادا کرنے کے قابل ہو سکیں گے۔پمز ریٹائرڈ ایمپلائیز ویلفیئر ایسوسی ایشن نے وزیرِ اعظم پاکستان، وزیرِ خزانہ، چیئرمین سینیٹ، سپیکر قومی اسمبلی اور متعلقہ حکام سے اپیل کی ہے کہ آئندہ بجٹ میں پنشنرز کے مسائل کو ترجیحی بنیادوں پر حل کرتے ہوئے پینشن میں خاطر خواہ اضافہ کیا جائے تاکہ ملک بھر کے لاکھوں ریٹائرڈ ملازمین اپنی باقی ماندہ زندگی عزت، وقار اور معاشی اطمینان کے ساتھ گزار سکیں۔

31/05/2026

کرکٹ میچ اور عید تعطیلات میں مثالی ٹریفک انتظامات، سی ٹی او کا افسران و اہلکاروں کیلئے تعریفی اسناد کا اعلان
راولپنڈی:(سیدشاہدوحید ہاشمی)سٹی ٹریفک آفیسر (سی ٹی او) راولپنڈی فرحان اسلم نے کرکٹ میچ اور عیدالاضحیٰ کی تعطیلات کے دوران بہترین ٹریفک انتظامات یقینی بنانے پر ٹریفک پولیس کے افسران اور جوانوں کو خراجِ تحسین پیش کرتے ہوئے ان کے لیے تعریفی سرٹیفکیٹس دینے کا اعلان کیا ہے۔سی ٹی او فرحان اسلم نے کہا کہ شہریوں کو سفری سہولیات کی فراہمی اور ٹریفک کی روانی برقرار رکھنے کے لیے 900 سے زائد ٹریفک اہلکار چوبیس گھنٹے مختلف شاہراہوں، چوراہوں اور اہم مقامات پر تعینات رہے۔ان کی محنت، پیشہ ورانہ صلاحیتوں اور مؤثر حکمت عملی کے باعث کرکٹ میچ اور عید کی تعطیلات کے دوران ٹریفک کا نظام خوش اسلوبی سے چلتا رہا اور کوئی ناخوشگوار واقعہ پیش نہیں آیا۔انہوں نے کہا کہ ٹریفک پلان کو کامیاب بنانے میں تمام افسران اور جوانوں نے بھرپور محنت اور ذمہ داری کا مظاہرہ کیا، جس کے مثبت نتائج سامنے آئے۔سی ٹی او نے اس موقع پر شہریوں کے تعاون کو بھی سراہتے ہوئے کہا کہ عوام نے صبر و تحمل اور ٹریفک قوانین کی پاسداری کا مظاہرہ کیا، جس پر وہ ان کے تہہ دل سے مشکور ہیں۔
فرحان اسلم کا کہنا تھا کہ راولپنڈی ٹریفک پولیس مستقبل میں بھی شہریوں کو بہترین ٹریفک سہولیات اور مؤثر انتظامات کی فراہمی کے لیے اپنی خدمات اسی جذبے اور لگن کے ساتھ جاری رکھے گی۔

25/05/2026

عیدالاضحیٰ پر مرکزی مسلم لیگ کا بڑا فلاحی اقدام، 15 ہزار افراد کے لیے دسترخوان کا اہتمام
راولپنڈی:(سید شاہد وحید ہاشمی)مرکزی مسلم لیگ شعبہ خدمتِ خلق راولپنڈی کے زیرِ اہتمام کمیٹی چوک میں عیدالاضحیٰ کے موقع پر 15 ہزار افراد کے لیے خصوصی دسترخوان اور کھانے کا وسیع انتظام کیا گیا،جہاں مزدوروں، مسافروں، دیہاڑی دار افراد اور مستحق شہریوں کی بڑی تعداد نے کھانے سے استفادہ کیا۔تنظیم کی جانب سے مختلف ہسپتالوں میں زیرِ علاج مریضوں کے تیمارداروں اور دیگر ضرورت مند افراد تک بھی کھانا پہنچانے کا اہتمام کیا گیا تاکہ عید کی خوشیوں میں زیادہ سے زیادہ لوگوں کو شریک کیا جا سکے۔اس موقع پر جنرل سیکرٹری مرکزی مسلم لیگ راولپنڈی انجینئر مبین صدیقی نے کہا کہ دکھی انسانیت کی خدمت مرکزی مسلم لیگ کا بنیادی مشن ہے اور عیدالاضحیٰ کے موقع پر بھی عوام کو تنہا نہیں چھوڑا جائے گا۔انہوں نے بتایا کہ کمیٹی چوک میں عیدِ قربان کے تینوں دن مسلسل دسترخوان جاری رہے گا جہاں ہر طبقے سے تعلق رکھنے والے افراد بلا تفریق مستفید ہو سکیں گے۔انہوں نے مزید کہا کہ غریب، مزدور اور سفید پوش طبقے کی خدمت ہی حقیقی عبادت ہے اور مرکزی مسلم لیگ خدمتِ خلق کے دائرہ کار کو مزید وسعت دے رہی ہے۔اس موقع پر کارکنان اور رضاکاروں نے کھانے کی تقسیم میں بھرپور حصہ لیا جبکہ شہریوں نے اس فلاحی اقدام کو سراہتے ہوئے اسے انسان دوستی کی عمدہ مثال قرار دیا۔

25/05/2026

اسلام آباد:(سید شاہد وحید ہاشمی)عیدالاضحیٰ کے موقع پر وفاقی دارالحکومت اسلام آباد کے مختلف سیکٹرز، مارکیٹوں اور آبادیوں میں شہریوں کی سہولت کے لیے خصوصی سلاٹنگ پوائنٹس قائم کیے جائیں گے جہاں تجربہ کار اور تربیت یافتہ قصاب خدمات انجام دیں گے۔ خورشید احمد قریشی، صدر آل پاکستان جمعیت القریش میٹ ویلفئیر ایسوسی ایشن و ممبر لائیو اسٹاک اینڈ ڈیری ڈیولپمنٹ بورڈ، نے کہا کہ جمعیت القریش میٹ ویلفیئر ایسوسی ایشن کے ماہر اور تجربہ کار ممبران قربانی کے جانوروں کو اسلامی اصولوں، صفائی ستھرائی اور حفظان صحت کے تقاضوں کے مطابق ذبح کریں گے تاکہ شہریوں کو بہترین سہولیات فراہم کی جا سکیں۔
انہوں نے کہا کہ اسلام آباد کے مختلف سیکٹرز اور علاقوں میں قائم کیے جانے والے سلاٹنگ پوائنٹس پر نہ صرف تربیت یافتہ قصائب موجود ہوں گے بلکہ صفائی اور آلائشوں کو بروقت ٹھکانے لگانے کے خصوصی انتظامات بھی کیے جائیں گے تاکہ شہریوں کو ایک صاف، محفوظ اور منظم ماحول میسر آ سکے۔
خورشید احمد قریشی نے کہا کہ اسلام آباد کے مختلف سیکٹرز اور علاقوں میں سلاٹنگ پوائنٹس قائم کیے جائیں گے جن میں سیکٹر G/6 آبپارہ مارکیٹ، کیفے ارم، بازار نمبر 4، سیکٹر G/7 ستارہ مارکیٹ، گلشن مارکیٹ، الحبیب مارکیٹ، سیکٹر G/8، مرکز G/9 پشاور موڑ مارکیٹ، مجاہد مارکیٹ، G/9 مرکز، G/10 مرکز، بلند مارکیٹ، شہراز مارکیٹ، آئی ٹی سنٹر، G/11 سروس روڈ، G/11 مرکز، G/13 مرکز، فروقیہ مارکیٹ، عالیہ مارکیٹ، پنجاب مارکیٹ، G/14 مرکز، G/15 مرکز، سیکٹر F/6 چائنہ مارکیٹ، فردوس مارکیٹ، F/7 رانا مارکیٹ، F-7/1 مارکیٹ، F/10 مرکز، طارق مارکیٹ، F/11 مرکز، علی مارکیٹ، سیکٹر I-8 سنگم مارکیٹ، پاکیزہ مارکیٹ، سیدپور، ابو ہریرہ مارکیٹ، عثمانیہ مارکیٹ، I-9 عزیز مارکیٹ، بسم اللہ مارکیٹ، سی ڈی اے مارکیٹ، I-10 راجپوت مارکیٹ، I-10 مرکز، D-12، E-11، بھارہ کہو، نئی آبادی، کیانی روڈ، بازار اسٹاپ، اٹھال چوک، شاہ پور، سیری چوک، کلمہ چوک، پی ڈبلیو ڈی ماڈل ٹاؤن، کاک پل، سہالہ، سواں گارڈن، جناح گارڈن، نیول اینکریج، کورال چوک، غوری ٹاؤن فیز 5، وی آئی پی غوری، غوری ٹاؤن فیز 1، کھنہ پل، ضیا مسجد سواں،کُری،پنوڑیاں،جناح اوینیو کُری روڈ ،برما ٹاؤن، ترامڑی چوک، بنی گالہ، سنگجانی، ترنول، D-17، بے نظیر چوک اور جھنگی سیداں شامل ہیں۔
انہوں نے متعلقہ اداروں سے مطالبہ کیا کہ عیدالاضحیٰ کے دوران صفائی ستھرائی، ویسٹ مینجمنٹ اور آلائشوں کو فوری طور پر ٹھکانے لگانے کے مؤثر انتظامات یقینی بنائے جائیں تاکہ شہریوں کو کسی قسم کی پریشانی کا سامنا نہ کرنا پڑے اور دارالحکومت کا ماحول صاف ستھرا رکھا جا سکے۔

23/05/2026

راولپنڈی پہلی خاتون نے ایچ ٹی وی کمرشل ڈرائیونگ لائسنس حاصل کر لیا
راولپنڈی:(سید شاہد وحید ہاشمی)راولپنڈی میں پہلی مرتبہ ایک خاتون نے ہیوی ٹرانسپورٹ وہیکل (HTV) کمرشل ڈرائیونگ لائسنس حاصل کرکے نئی مثال قائم کر دی۔ حمیرا نصیر نے میرٹ اور مقررہ قواعد کے مطابق ایچ ٹی وی کمرشل ڈرائیونگ ٹیسٹ کامیابی سے پاس کیا۔
ٹریفک پولیس حکام کے مطابق حمیرا نصیر راولپنڈی ٹریفک پولیس سے ایچ ٹی وی لائسنس حاصل کرنے والی پہلی خاتون بن گئی ہیں، جسے خواتین کی پیشہ ورانہ ترقی کی جانب اہم پیش رفت قرار دیا جا رہا ہے۔لائسنس کے حصول کے بعد حمیرا نصیر نے راولپنڈی ٹریفک پولیس کے شفاف اور میرٹ پر مبنی لائسنسنگ نظام کو سراہتے ہوئے کہا کہ خواتین کو ہر شعبے میں آگے بڑھنے کے مساوی مواقع ملنے چاہئیں۔چیف ٹریفک آفیسر (سی ٹی او) راولپنڈی نے اس موقع پر کہا کہ حمیرا نصیر نے محنت اور عزم سے کامیابی حاصل کرکے دیگر خواتین کے لیے ایک مثبت مثال قائم کی ہے۔انہوں نے کہا کہ آج خواتین زندگی کے ہر شعبے میں اپنی صلاحیتوں کا لوہا منوا رہی ہیں اور ٹریفک پولیس خواتین کی حوصلہ افزائی جاری رکھے گی۔

22/05/2026

اسلام آباد ایئرپورٹ پر پری حج آپریشن 2026 کامیابی سے مکمل، 45 ہزار سے زائد عازمین روانہ
اسلام آباد:(سید شاہد وحید ھاشمی)Pakistan Airports Authority (پی اے اے) نے اعلان کیا ہے کہ Islamabad International Airport پر پری حج آپریشن 2026 کامیابی سے مکمل کر لیا گیا، جس کے دوران ملک بھر میں سب سے زیادہ عازمینِ حج کو سہولیات فراہم کی گئیں۔
پی اے اے کے مطابق اسلام آباد ایئرپورٹ سے مجموعی طور پر 45 ہزار 160 عازمینِ حج سعودی عرب روانہ ہوئے جبکہ حج آپریشن کے دوران 284 پروازیں آپریٹ کی گئیں۔ حکام کا کہنا ہے کہ روٹ ٹو مکہ اقدام کے تحت 37 ہزار 72 عازمین کو جدید اور تیز سفری سہولیات فراہم کی گئیں۔ترجمان کے مطابق نجی حج اسکیم کے تحت 8 ہزار 88 عازمینِ حج نے اسلام آباد ایئرپورٹ سے سفر کیا جبکہ نجی حج آپریشن کے لیے 142 پروازیں کامیابی سے چلائی گئیں۔پی اے اے نے بتایا کہ حج آپریشن کے دوران ایک روز میں 8 حج پروازوں کو بیک وقت کامیابی سے ہینڈل کیا گیا، جبکہ بیک وقت 4 روٹ ٹو مکہ پروازوں کا آپریشن بھی موثر انداز میں مکمل کیا گیا۔حکام کے مطابق سعودی ٹیم کی جانب سے سامان کی نگرانی اور ٹریکنگ کے لیے آر ایف آئی ڈی ٹیکنالوجی استعمال کی گئی،جس سے عازمین کو بہتر سہولت میسر آئی۔علاوہ ازیں کم نقل و حرکت رکھنے والے عازمینِ حج کے لیے خصوصی انتظامات اور معاون سہولیات بھی فراہم کی گئیں۔پی اے اے کا کہنا ہے کہ حج 2026 کے دوران اسلام آباد ایئرپورٹ نے عازمینِ حج کی سب سے بڑی تعداد کو خدمات فراہم کرنے کا نیا ریکارڈ قائم کیا۔

20/05/2026

راولپنڈی میں مویشی منڈیوں کیلئے خصوصی ٹریفک پلان نافذ,81 سے زائد اہلکار تعینات
راولپنڈی:(سید شاہد وحید ہاشمی)عیدالاضحیٰ کے موقع پر قائم کی جانے والی مویشی منڈیوں میں شہریوں کی سہولت اور ٹریفک کی روانی برقرار رکھنے کیلئے راولپنڈی ٹریفک پولیس نے خصوصی ٹریفک پلان جاری کر دیا ہے۔ چیف ٹریفک آفیسر راولپنڈی فرحان اسلم کے مطابق ضلع بھر میں 8 مقامات پر مویشی منڈیاں قائم کی گئی ہیں جن میں راولپنڈی شہر میں 2 جبکہ مختلف تحصیلوں میں 6 منڈیاں شامل ہیں۔سی ٹی او کے مطابق ٹریفک انتظامات کو مؤثر بنانے کیلئے 81 سے زائد ٹریفک اہلکار تعینات کیے گئے ہیں،جبکہ غیر قانونی پارکنگ کے خاتمے اور ٹریفک کی روانی یقینی بنانے کیلئے 4 لفٹرز بھی فیلڈ میں موجود رہیں گے۔ٹریفک پولیس کے مطابق راولپنڈی شہر میں بھاٹہ چوک اور موضع رنیال میں مویشی منڈیاں قائم کی گئی ہیں، جبکہ گوجرخان میں گلیانہ روڈ نزد ذبح خانہ اور روات پولیس اسٹیشن کے قریب منڈیاں لگائی گئی ہیں۔ اسی طرح ٹیکسلا میں HIT ٹمبر مارکیٹ اور شریف ہسپتال جی ٹی روڈ کے نزدیک، کلر سیداں بائی پاس چوک اور کہوٹہ میں سخی سبزواری ٹانگی روڈ پر مویشی منڈیاں قائم کی گئی ہیں۔سی ٹی او فرحان اسلم کا کہنا تھا کہ شہریوں کو مویشی منڈیوں تک رسائی میں کسی قسم کی دشواری پیش نہیں آنے دی جائے گی۔ انہوں نے واضح کیا کہ مین شاہراہوں پر جانور کھڑے کرنے یا گاڑیوں کی پارکنگ کی ہرگز اجازت نہیں ہوگی۔انہوں نے مزید بتایا کہ پبلک ایڈریس سسٹم کے ذریعے شہریوں کو پارکنگ اور ٹریفک سے متعلق آگاہی فراہم کی جا رہی ہے، جبکہ منڈیوں میں رش بڑھنے کی صورت میں اضافی ٹریفک نفری بھی تعینات کی جائے گی۔سی ٹی او نے شہریوں سے اپیل کی کہ خریداری کے دوران ٹریفک قوانین پر عمل کریں اور ٹریفک پولیس کے ساتھ تعاون کریں تاکہ ٹریفک کی روانی برقرار رکھی جا سکے۔

19/05/2026

شدید گرمی میں ٹریفک وارڈنز اور شہریوں کیلئے ٹھنڈے پانی کی فراہمی شروع
راولپنڈی:(سید شاہد وحید ہاشمی)چیف ٹریفک آفیسر راولپنڈی فرحان اسلم نے شدید گرمی اور موسم کی سختی کے پیش نظر ٹریفک وارڈنز اور شہریوں کی سہولت کیلئے خصوصی اقدامات کی ہدایت جاری کر دی۔ سی ٹی او کے احکامات پر مختلف سیکٹر انچارجز کی جانب سے فیلڈ میں ڈیوٹی انجام دینے والے ٹریفک اہلکاروں اور روڈ یوزرز میں ٹھنڈا پانی اور میٹھے مشروبات تقسیم کیے جا رہے ہیں.اس موقع پر چیف ٹریفک آفیسر فرحان اسلم کا کہنا تھا کہ شدید گرمی کے موسم میں جہاں عام شہری چند منٹ بھی کھڑے نہیں رہ سکتے وہاں ٹریفک وارڈنز کئی کئی گھنٹے چوکوں اور شاہراہوں پر ڈیوٹی سرانجام دے کر شہریوں کی رہنمائی اور حفاظت کو یقینی بناتے ہیں، جو قابل تحسین عمل ہے۔انہوں نے کہا کہ ٹریفک پولیس کا ہر جوان عوامی خدمت کے جذبے کے تحت دن رات ہر قسم کے موسمی حالات میں فرائض انجام دیتا ہے تاکہ شہری محفوظ انداز میں اپنی منزل تک پہنچ سکیں.انہوں نے واضح کیا کہ ٹریفک اہلکاروں کی ویلفیئر کیلئے تمام دستیاب وسائل بروئے کار لائے جا رہے ہیں.
سی ٹی او نے تمام ٹریفک سٹاف کو ہدایت کی کہ دورانِ ڈیوٹی گرمی سے بچاؤ کیلئے چھتری کے استعمال کو یقینی بنائیں، پانی کا زیادہ استعمال کریں اور اپنی صحت کا خصوصی خیال رکھیں.

Aaj Pakistan News

07/06/2026

04/06/2026

02/06/2026

31/05/2026

25/05/2026

25/05/2026

23/05/2026

22/05/2026

20/05/2026

19/05/2026

Address

Telephone

Website

Alerts

Contact The Business

Shortcuts

Share

Category