26/06/2026
اسلام وعلیکم! امید کرتا ہوں تمام احباب بخیر و عافیت ہوں گے۔ میں اس وقت سکاٹ لینڈ (یوکے) میں مقیم ہوں۔ یہاں کافی سہولیات اور طرز زندگی دیکھ کر ویسے تو حیرانگی ہوتی ہے مگر آج کچھ الگ تجربہ حاصل ہوا۔ میرے دوست نے اپنے لیے ایک موٹرسائیکل لینی تھی تو ہمارے دل میں بھی ہر محبِ وطن پاکستانی کی طرح ایک ہی صدا بلند ہوئی “میں تے ہونڈا (honda) ای لیسا”
چناچہ ہم نے دل کی بات کو عمل میں لاتے ہوئے شوروم کا رُخ کیا تو وہاں جا کر سوچ میں پڑھ گئے کہ یہ سب کیا ہے؟ ہم نے تو ابھی تک 3 سے 4 ماڈل کا پتا تھا جو ہر سال صرف اسٹیکر بدل کر ہمارے حوالے کر دیا جاتا تھا مگر یہاں حالات کچھ اور تھے۔ سیلز پرسن کے مطابق ان کے پاس اس وقت لگ بھگ 50 سے زائد مختلف ماڈل مختلف قسم کی استعمال کے مطابق کھڑے تھے۔ خیر ہم نے اپنی ضرورت اور جیب سے ان کو آگاہ کیا جس کے بعد انہوں نے ہمیں کچھ ماڈل دکھائے اور ہم نے اس میں سے اپنی پسند کا انتخاب کیا۔
یہاں موٹرسایئکل کی کوالٹی اور پائیداری میں بہت زیادہ فرق ہے۔
اور اسے صرف ہر سال اسٹیکر بدل کر پیش نہیں کیا جاتا۔
خریدتے وقت انہوں نے ہمیں موٹر سائیکل کی ڈیلیوری کا 2 ہفتے کا وقت دیا اور اس بائیک کی پورے 2 سال تک ہر قسم کی سروس بھی مفت فراہم کرنے کا بتایا یعنی اگلے دو سال تک اس کا ہر کام کمپنی کے حوالے۔ جو ان کے مطابق ان کے ہر کسٹمر کا حق ہے۔
امید کرتا ہوں کہ ہمیں بھی ہمارے ملک کی آٹو انڈسٹری میں کچھ بہتری نظر آئے۔ اگر آپ دیکھنا چاہتے ہیں کہ ہم نے کونسا بائیک لیا ہے تو کمنٹس میں بتائے اور اس حوالے سے اپنا نظریہ بھی بیان کریں۔
تحریر: پیج ایڈمن
مورخہ: 26/07/26
