09/07/2026
سردار اختر مینگل نے بطور رکنِ قومی اسمبلی ملنے والی تمام تنخواہیں اور مراعات سرکاری خزانے میں واپس کرنے کا اعلان کرتے ہوئے 78 لاکھ 92 ہزار 725 روپے کا چیک قومی اسمبلی سیکرٹریٹ کے حوالے کر دیا۔اپنے خط میں انہوں نے کہا کہ 3 ستمبر 2024 سے 11 فروری 2026 تک کی تمام تنخواہیں واپس کر رہے ہیں اور استعفے کے بعد اپنے پارلیمانی بینک اکاؤنٹ سے کوئی تنخواہ یا الاؤنس نہیں نکالا۔ ان کا کہنا تھا کہ یہ رقم سرکاری خزانے میں منتقل کی جائے کیونکہ وہ عوامی خدمت میں دیانت داری اور احتساب کے اصولوں پر قائم رہنا چاہتے ہیں۔
