Amakhel Public voice

01/09/2026

🟢 انصاف ہاؤس شادی خیل اماخیل میں پی ٹی آئی کارکنوں کا اہم مشاورتی اجلاس

اماخیل: انصاف ہاؤس شادی خیل اماخیل میں پاکستان تحریک انصاف کے کارکنوں کا ایک اہم مشاورتی اجلاس سینئر رہنما حاجی حیات خان کی زیرِ صدارت منعقد ہوا۔

اجلاس میں اماخیل کی تعمیر و ترقی، عوامی مسائل کے حل اور آئندہ ترقیاتی منصوبوں کے حوالے سے تفصیلی مشاورت کی گئی۔ شرکاء نے علاقے کی فلاح و بہبود اور ترقی کے لیے اپنی قیمتی تجاویز پیش کرتے ہوئے مشترکہ لائحۂ عمل طے کیا۔

اجلاس میں آئندہ بلدیاتی انتخابات کے حوالے سے بھی خصوصی مشاورت کی گئی اور اس عزم کا اظہار کیا گیا کہ پارٹی کارکنان باہمی اتحاد، نظم و ضبط اور بھرپور سیاسی رابطہ کاری کے ذریعے انتخابات میں فعال کردار ادا کریں گے۔

اس موقع پر حاجی شیرباز خان، حاجی محمد رفیع شادی خیل اور حاجی ثناء اللہ کی جانب سے اجلاس کی میزبانی اور کارکنوں کو ایک پلیٹ فارم پر جمع کرنے کی کاوشوں کو بھرپور انداز میں سراہا گیا۔

شرکاء نے اس عزم کا اظہار کیا کہ معاونِ خصوصی و ایم پی اے عثمان خان بیٹنی کی رہنمائی اور تعاون سے اماخیل میں جاری ترقیاتی منصوبوں کو پایۂ تکمیل تک پہنچانے کے ساتھ ساتھ عوامی مفاد کے مزید منصوبوں کے حصول کے لیے بھی بھرپور کوششیں جاری رکھی جائیں گی۔

01/09/2026

**اصلاحی تحریک اماخیل صدر اور سابقہ چیئرمین نور زمان کنڈی کا ڈپٹی کمشنر جمشید خان کی زیر صدارت لوڈ شیڈنگ کے مسئلے پر اہم اجلاس میں خصوصی شرکت

ٹانک: ڈپٹی کمشنر ٹانک **جمشید خان** کی زیر صدارت بجلی کی لوڈ شیڈنگ کے مسئلے کے حوالے سے ایک اہم اجلاس منعقد ہوا، جس میں **ٹانک ویلفیئر سوسائٹی کے وفد** اور **ایکسین واپڈا** نے شرکت کی۔

اجلاس کے دوران ضلع ٹانک میں جاری لوڈ شیڈنگ، بجلی کی فراہمی میں تعطل اور اس سے شہریوں کو درپیش مشکلات پر تفصیلی تبادلہ خیال کیا گیا۔ ٹانک ویلفیئر سوسائٹی کے وفد نے عوامی مشکلات اور لوڈ شیڈنگ سے متعلق مختلف مسائل ڈپٹی کمشنر کے سامنے رکھے۔

ڈپٹی کمشنر جمشید خان نے ایکسین واپڈا کو ہدایت کی کہ عوام کو بجلی کی فراہمی کے حوالے سے درپیش مسائل کے حل کے لیے مؤثر اقدامات کیے جائیں اور لوڈ شیڈنگ کے باعث پیدا ہونے والی مشکلات کو کم سے کم کرنے کے لیے دستیاب وسائل بروئے کار لائے جائیں۔

30/08/2026

پی ٹی آئی یوتھ ونگ اماخیل کی اہم میٹنگ

پی ٹی آئی یوتھ ونگ اماخیل کے اراکین کی جنرل سیکرٹری پیرزادہ محمود شاہ کی نگرانی میں ڈاکٹر شعیب میانی کی بیٹھک میں ایک اہم میٹنگ منعقد ہوئی۔

میٹنگ میں اراکینِ مجلس نے گفتگو کرتے ہوئے کہا کہ پاکستان تحریکِ انصاف میرٹ، انصاف اور برابری کے اصولوں پر یقین رکھتی ہے۔ اس لیے ضلع ٹانک کے دیگر علاقوں میں جاری ترقیاتی منصوبوں کی طرح اما خیل میں بھی ترقیاتی کاموں کا جال بچھایا جانا چاہیے تاکہ علاقے کے عوام کو بنیادی سہولیات میسر آسکیں۔

اراکین کا کہنا تھا کہ بدقسمتی سے اما خیل کے نظریاتی اور دیرینہ کارکنان طویل عرصے سے محرومی کا شکار ہیں۔ ضرورت اس امر کی ہے کہ ان کے مسائل اور علاقے کی محرومیوں کا ازالہ کرتے ہوئے ترقیاتی منصوبوں میں اما خیل کو بھی مناسب حصہ دیا جائے۔

میٹنگ میں اس عزم کا اظہار کیا گیا کہ عوامی مسائل کے حل، علاقے کی ترقی اور نظریاتی کارکنان کے حقوق کے لیے بھرپور آواز اٹھائی جائے گی۔

30/08/2026

🌿 اصلاحی تحریک اماخیل — خدمت، امن اور ترقی کا عزم 🤝

اصلاحی تحریک اماخیل کے مشران اصلاحِ معاشرہ، عوام کی جان و مال کے تحفظ، گاؤں میں ترقیاتی کاموں کی نگرانی اور نوجوانوں کے لیے مثبت و صحت مند سرگرمیوں کے انعقاد میں ہمیشہ سرگرمِ عمل رہتے ہیں۔

عوام کے تحفظ کے لیے پہرہ داری ہو، علاقے کی تعمیر و ترقی کے منصوبوں کی نگرانی ہو یا نوجوانوں کو کھیلوں اور دیگر مثبت سرگرمیوں کی طرف راغب کرنا ہو، تحریک کے مشران ہر میدان میں بڑھ چڑھ کر اپنا کردار ادا کرتے ہیں۔

ایسی اجتماعی کاوشیں نہ صرف معاشرے میں امن، نظم و ضبط اور باہمی تعاون کو فروغ دیتی ہیں بلکہ نوجوان نسل میں ایک ذمہ دار اور مفید شہری بننے کا جذبہ بھی پیدا کرتی ہیں۔

💚 مضبوط معاشرہ، محفوظ علاقہ اور باشعور نوجوان — یہی اصلاحی تحریک اماخیل کا عزم ہے۔

25/08/2026

اماخیل ٹانک — حسن، زرخیزی اور زندگی کا حسین امتزاج 🌿❤️

بہتی ندی، خوبصورت سرسبز باغات، زرخیز کھیت، زندہ دل لوگ، کھیلوں کا مسکن اور تجارت کا مرکز—یہ سب مل کر اماخیل ٹانک کو ایک منفرد پہچان عطا کرتے ہیں۔

قدرت کی خوبصورتی، لوگوں کی محبت اور مٹی کی خوشبو سے مہکتا ہمارا پیارا اماخیل۔
اماخیل صرف ایک بستی نہیں، ہماری پہچان اور ہمارا فخر ہے۔ ❤️🌾⚽

14/08/2026

ثاقب اللّٰہ جماعت ہشتم جی ایم ایس حیات کورونہ اماخیل گورنمنٹ ڈگری کالج اماخیل ٹانک میں 14 اگست یوم آزادی پروگرام کے موقع پر تقریر پیش کر رہے ہیں

14/08/2026

سعد رسول جماعت ہفتم جی ایم ایس حیات کورونہ اماخیل گورنمنٹ ڈگری کالج اماخیل ٹانک میں 14 اگست یوم آزادی پروگرام کے موقع پر تقریر پیش کر رہے ہیں

13/08/2026

11/08/2026

سونا اُگلتی سرزمین ( غریب آباد ٹانک)

حکومت کی عدم توجہ کے باوجود ضلع ٹانک کے گاؤں غریب آباد کے محنتی کسان اپنی لگن اور مسلسل جدوجہد سے بنجر زمین کو سونا اُگلنے والی سرزمین میں تبدیل کر رہے ہیں۔

گاؤں میں موسمِ سرما اور گرما کی مختلف سبزیوں اور اجناس کی کاشت کے ساتھ تقریباً 70 اعلیٰ اقسام کے کھجور کے پودے بھی لگائے گئے تھے، جو اب بارآور ہو چکے ہیں اور بھرپور پھل دینا شروع کر چکے ہیں۔ ان میں ایرانی ڈھکی اور آزادی قسم کی کھجور خاص طور پر نمایاں ہے، جو اپنے بڑے سائز، منفرد ذائقے اور قدرتی مٹھاس کی وجہ سے عوام میں بے حد مقبول ہے۔ اس کی مانگ مقامی سطح کے ساتھ ساتھ بیرونی منڈیوں میں بھی بڑھ رہی ہے۔

اگرچہ پاکستان ایک زرعی ملک ہے، لیکن بدقسمتی سے زرعی شعبہ آج بھی متعدد مسائل کا شکار ہے۔ کسانوں کو آبپاشی، کھاد، بیج، بجلی اور دیگر ضروری سہولیات کے لیے اپنی مدد آپ کے تحت مشکلات کا سامنا کرنا پڑتا ہے۔

اسی جذبے کے تحت غریب آباد میں پہلی مرتبہ اعلیٰ معیار کے قیمتی چاول تجرباتی بنیادوں پر کاشت کیے گئے ہیں۔ اگر یہ تجربہ کامیاب رہا تو آئندہ برسوں میں اس کی کاشت وسیع پیمانے پر کی جائے گی، جس سے علاقے کی معیشت مزید مضبوط ہوگی۔

قابلِ ستائش بات یہ ہے کہ اس زرعی آمدنی کا بڑا حصہ زراعت کی مزید ترقی اور بچوں کی تعلیم پر خرچ کیا جا رہا ہے۔ اسی محنت کی بدولت کئی نوجوان اعلیٰ تعلیم حاصل کرکے سرکاری ملازمتوں تک پہنچ چکے ہیں، جبکہ متعدد طلبہ اس وقت بھی مختلف جامعات میں زیرِ تعلیم ہیں۔

یہ کامیابی اس حقیقت کا روشن ثبوت ہے کہ محنت، لگن اور حوصلہ کبھی رائیگاں نہیں جاتے۔

01/08/2026

مدرس دارالعلوم انجمن تعلیم القرآن پراچہ ٹاؤن کوہاٹ جناب مفتی محمد اسحاق صاحب جامع مسجد میانی میں ہونے والے جلسے کے موقع پر عوام کی جان و مال کی حفاظت کی خاطر پہرہ دینے کے فضائل بیان کر رہے ہیں ۔