06/03/2026
پریس کلب تحصیل ٹوپی کا سینیئر صحافی سلیم خان علی زئی کے والد کے انتقال پر اظہارِ تعزیت۔۔۔
باپ کا سایہ اٹھ جانا ایک بڑا سانحہ ہے اور دکھ کی اس گھڑی میں پوری صحافی برادری سوگوار خاندان کے ساتھ کھڑی ہے۔ عبدالصمد خان
پریس کلب تحصیل ٹوپی کے عہدیداران اور ممبران نے الیکٹرانک اینڈ پرنٹ میڈیا ایسوسی ایشن صوابی کے سینیئر نائب صدر اور ممتاز صحافی سلیم خان علی زئی کے والد محترم وارث خان کی وفات پر گہرے دکھ اور رنج و غم کا اظہار کیا ہے۔
پریس کلب تحصیل ٹوپی کی کابینہ جن میں سرپرستِ اعلیٰ فضل خالق، چیئرمین زبیر یوسفزئی، صدر عبدالصمد خان، سینیئر نائب صدر بخت شیر اسیر، نائب صدر اول وصال تبسم، نائب صدر دوم زر ولی خان، جنرل سیکرٹری محمد شاہد، ڈپٹی جنرل سیکرٹری شیر اعظم خان جدون، جوائنٹ سیکرٹری مفتی شہزاد، سیکرٹری اطلاعات قاری زاہد حسین، سیکرٹری فنانس ذیشان، آفس سیکرٹری منظور خان اور قانونی مشیر چنگیز خان ایڈووکیٹ شامل ہیں، نے اپنے مشترکہ بیان میں سلیم خان علی زئی اور ان کے خاندان سے دلی ہمدردی کا اظہار کیا ہے۔
اس موقع پر پریس کلب کے ممبران عظمت علی، امجد علی، صواب گل تنولی اور ظاہر شاہ اعوان نے بھی تعزیت پیش کرتے ہوئے کہا کہ والد کا سایہ اٹھ جانا ایک بڑا سانحہ ہے اور دکھ کی اس گھڑی میں پوری صحافی برادری سوگوار خاندان کے ساتھ کھڑی ہے۔ پریس کلب کے تمام عہدیداران نے دعا کی کہ اللہ تعالیٰ مرحوم کو جوارِ رحمت میں جگہ عطا فرمائے، ان کی مغفرت فرمائے اور درجات کی بلندی عطا کرے۔ ساتھ ہی پسماندگان کو یہ ناقابلِ تلافی صدمہ ہمت اور حوصلے کے ساتھ برداشت کرنے کی توفیق دے۔ آمین۔
