17/05/2026
🌿 جمنیزیم یوگا کلب وہاڑی میں خصوصی آگاہی نشست مع ناشتہ 🌿
17 مئی کے اہم عالمی دنوں
“ورلڈ ٹیلی کمیونیکیشن اینڈ انفارمیشن سوسائٹی ڈے” اور “ورلڈ ہائپر ٹینشن ڈے” کے موقع پر جمنیزیم یوگا کلب وہاڑی کی جانب سے ایک پُروقار اور شعور اُجاگر کرنے والی خصوصی نشست کا انعقاد کیا گیا۔
اس خوبصورت نشست کا مقصد جدید ٹیکنالوجی کے مثبت اور تعمیری استعمال، صحت مند طرزِ زندگی، ذہنی سکون، مثبت سوچ اور ہائی بلڈ پریشر جیسی خاموش مگر خطرناک بیماری سے بچاؤ کے حوالے سے عوامی شعور بیدار کرنا تھا۔
تمام یوگیوں نے اس امر پر زور دیا کہ آج کے دور میں مؤثر اور مہذب گفتگو، باہمی احترام، مثبت روابط اور ذمہ دارانہ کمیونیکیشن ایک پُرامن اور مہذب معاشرے کی بنیاد ہیں۔ شرکاء نے گفتگو کے آداب، سوسائٹی میں مثبت کردار اور انسانی تعلقات کی مضبوطی پر سیر حاصل اظہارِ خیال کیا۔
نشست کے دوران یوگا ٹیچر حافظ صالح محمد ،یوگا ٹیچر محمد اقبال ،صدر جمنیزیم یوگا کلب چوہدری اشفاق حسین ہنجراء ،جنرل سیکرٹری ملک ظفر ریحان،ملک اختر ندیم ایڈووکیٹ ،نصیر احمد بھٹی ایڈووکیٹ ،مزمل سلیمی،اقبال گجر،فوجی اقبال،مشتاق تارڑ،لیاقت علی کے علاؤہ دیگر نے متوازن غذا، ذہنی سکون اور جسمانی سرگرمیوں کی اہمیت کو اجاگر کیا جبکہ یوگیوں نے اپنی صلاحیتوں کو نکھارنے کے لیے مختلف دلچسپ اور صحت افزا گیمز میں بھی بھرپور حصہ لیا۔
تقریب کا مرکزی پیغام یہی تھا کہ:
✨ “صحت مند جسم، مثبت سوچ اور مؤثر رابطے ہی ایک کامیاب اور پُرامن معاشرے کی ضمانت ہیں۔”
نشست کے اختتام پر تمام شرکاء کے لیے ناشتے کا خصوصی اہتمام بھی کیا گیا، جس نے اس خوبصورت اجتماع کو مزید خوشگوار بنا دیا۔
📍 جمنیزیم یوگا کلب وہاڑی
