21/04/2019
Baszta Czarownic. 🧙♀️
Sorĉistina turo. 🧙♀️
Tiu ĉi turo estas parto de la urbaj muroj el la 14-a jarcento por protekti la urbon kontraŭ la atakantoj. La muroj troviĝis laŭlonge la rivero Słupia, kiu estis aldona protekto (limo iom malfacile trairebla). Turoj estis konstruataj el brikoj por fortigi la murojn. En la 17-a jarcento tiu ĉi turo, kiu estis parto de la malnova defenda sistemo, fariĝis malliberejo. Oni malliberigadis tie ĉi virinojn kiuj estis akuzataj por sorĉista agado, oni torturis ilin tie por ekscii pri ilia sorĉistado kaj poste bruligadis ilin sur la ŝtiparo. La lasta bruligita tie "sorĉistino" estis katolika Trina Papisten. Oni diras ke la prusoj, kiuj tiam regis en la urbo, bruligis ŝin pro la slava lingvo, lokaj tradicioj kaj katolika kredo, kiujn ili malamis. Trista historio de la homa maltoleremo. Tamen la turo restas mistika parto de la urbo.
