16/07/2026
خليني أحكيلك “ليه” كوتش سارة... بعد ما كانت كل تفكيرها في التسويق...
بطلت تتابع أي محتوى عنه تقريبًا
سارة كوتش عندها برنامج تدريبي عالي القيمة high ticket
في أول السنة كانت مركزة على حاجة واحدة بس
إزاي تجيب عملاء أكتر
فبقت تدور على التسويق
والإعلانات
وبناء الفانيلز
وأي حاجة تساعدها تزود عدد العملاء
وكان سهل جدًا وقتها إنك تلفت انتباهها لو بتتكلم عن المواضيع دي
وبالفعل بدأت تحقق نتائج
لكن هنا حصلت حاجة مهمة
المشكلة اللي كانت شغلاها اتحلت
وظهرت مشكلة جديدة
بقى عندها عملاء أكتر
لكن مفيش فريق كفاية يشيل الشغل
المتابعة بقت أصعب
والتنفيذ كله معتمد عليها
وبدأت تحس إنها هي نفسها أصبحت عنق الزجاجة في البزنس
وفجأة...
بقى أكبر هم عندها
إزاي تبني فريق
إزاي توظف الناس الصح
إزاي تتابع الشغل بدون ما تكون موجودة في كل تفصيلة
هل سارة بطلت تهتم بالتسويق؟
لا
هل بقت شايفة إن الفانيلز مش مهمة؟
برضه لا
ببساطة فيه حاجة تانية بقت أهم دلوقتي عند سارة
وهنا نقطة محورية في التسويق
أصحاب البزنس متصورين إنهم بينافسوا ناس بتقدم نفس خدماتهم
لكن الحقيقة إنهم بينافسوا الأولوية اللي شاغلة بال العميل في اللحظة دي
عشان كده مش كفاية إن العميل يعرفك
ومش كفاية إنه يشوف محتواك مرة أو مرتين
المهم إنك تفضل حاضر أمامه
وتفهم أولوياته وهي بتتغير
لأن العميل مش بياخد قراره بناءً على اللي بيشوفه بس
العميل بياخد قراره بناءً على المشكلة اللي شاغلة باله دلوقتي
وعشان كده دايمًا بقول
أنت مش بتنافس منافسينك بس
أنت بتنافس الأولوية اللي واخدة مساحة من تفكير العميل النهارده
لذلك استمر في الحضور أمام عميلك المستهدف
لإن لو أولوياته شغلته عن خدماتك الآن…
فممكن غدا ينتبه لها ويطلبها
