Mosab Osman -مصعب عثمان

14/11/2022

14/11/2022

العلاقات مع العملاء
القصه حقيقيه طبعا من خلال شغلي في الميناء البري بقابل كتييير من الكمسنجيه من ضمن الكمسنجيه كان في واحد مميز شديد كان دايما بيحرص علي مصلحة الراكب و احيانا ما بيشيل عمولتو .
و بي طبيعتي زول بحب التحليل قعدت فتره و انا براقبو و براقب سلوكو و في مره سألتو اذا كان عندو مسافرين ثابتين معاهو اتفاجأت انو حتي بيقدم خدمات تانية و بشكل مجاني بالكامل و السبب انو شايف العلاقات بتجيب الشغل و فعلا نجح في انو يكسب قلوب و ثقه كتيير من المسافرين .
القصه القصيرة دي بتبين ليكم اهمية العلاقه مع العملاء و انو الهدف الاساسي من العلاقه هو تكرار الشراء عشان كده انت وقت تحرص علي مصلحة الغير و تراعي مصالحكم المشتركة ده شئ بيرجع ليك بالفائدة لانو العميل وقت يثق فيك لو اتيحة ليهو كل البدائل ما حيختار غيرك لانك من البداية اشتغلت علي العلاقات كويلة المدي .

في قانون التفاوض الوضع الطبيعي هو الwin win situation يعني انا استفيد و العميل يستفيد اما اذا اشتغلت علي مصلحتك الشخصيه علي حساب العميل حتكون حكمت علي نفسك بالفشل قبل ما تبدأ.

14/11/2022

الليله حنتكلم عن نظرية (١٥×١ و ١×١٥) و حنربطها بي حملة الاندومي

طبعا اي منتج او خدمة بتقدمها بتنطبق عليها النظرية دي و تم تسميتها بالاسم ده عشان الدراسات التسويقيه وجدة انو في المتوسط اذا في ١٥ نفر راضين عنك ممكن يجزبو ليك نفر واحد اما اذا في نفر واحد غير راضي عنك فحيجزب ليك ١٥ نفر غير راضين عنك و ده لانو دايما الحاجة السلبيه بتنتشر اكتر من الحاجه الايجابيه طيب كيف ممكن نربطو بي حملة الاندومي طبعا في حملة ضد الاندومي بتقول انو الاندومي بيمرض الناس فعشان كده في كتيييير من الاسر بقت تمنع اطفالها من اكل الاندومي بغض النظر عن صحة الحملة و لا مجرد اشاعه .
و ده حيتطلب منهم جهود تسويقيه كبيره جدا عشان ترجع الثقه من جديد للزبائن فاحرص اذا كنت بتقدم خدمة او منتج اهتم شديد بي عميلك و اسألو دايما عن رايو في خدمتك و اذا كانت الخدمة اضافه حقيقيه بالنسبه ليهو و لو عندو اقتراحات ليك .

13/11/2022

كتاب بيتر ثيل هو من اميز الكتب البتعلمك كيف تبدأ مشروعك من الصفر الي النجاح و هنا بتكلم عن انو دايما فكرة المشروع البتكون مكرره دي ما بداية من الصفر انما بداية من واحد الي ما شاء الله .
كمثال شركة آبل وقت نزلت الايفون ما كان في في السوق هواتف زكية و ده خلاها لي تاريخنا محتكره علي سوق الهواتف الذكية خاصة فيما يتعلق بالجوده العاليه و المتانه و التكنلوجيا . و ده بيعتبر بداية من الصفر .