07/02/2023
الحمد لله ربي احمدو الله يا عباد الله
📌 💙🌸♥️
في شارع الوادي في خالتين ببيعوا كسرة وفول مدمس وبهارات فيهم وحدة زبونتي . طوالي بشتري منها وامشي . وكل ما اجي بلقاهم الاتنين مبسوطين وبتونسوا مع بعض ويضحكوا . في يوم وقفت لقيت وحده بس اللهي زبونتي والخالة التانية ماموجودة لكن حاجاتها موجودة . المهم لماجيت اشتري منها كان قدامي زول مشتو وادتوا الحاجات وشالت القروش . جا دوري اديتا القروش . قامت من محلها ومشت للصينية بتاعت صحبتها التانية وجابت لي من هناك وختت القروش تحت الصينية بهناك . سالتها ليه ما اديتيني من هنا ? قالت لي عواطف دي حاجتها سمحة شديد وبتعمل احسن مني كمان . لما اصريت عليها قالت لي عواطف عيانة ومابتقدر تجي انا غشيتها وشلت الحاجات من بيتها وجبتها هنا . انا ببيع مره مني ومره منها لحدي ماترجع طيبة .
يااخي نحن للان بخير ... 💙💙
