28/03/2023
يا جماعة الخير سألتكم بالله تفقدوا من حولكم البيوت دي ساترة ناس تحسبهم أغنياء من التعفف.
الناس المستورين ديل ربنا قال عنهم "يحسبهم الجاهل أغنياء من التعفف".
تفقدوا الناس ، زوروهم ، خشوا بيوتهم. أسألوا منهم.
الأخوان ؛ تفقدوا أخواتكم المتزوجات ، ما تقول خلاص عرست وبقت بي بيتها ، أمشي شوف الحاصل عليها شنو ؟ أسأل أمك عن ظروف أختك في بيتها.
خالاتك..... عماتك..كل الاطراف...
تفقدوا جيرانكم ، أرحامكم .
الموظف البتشوفوا لابس بدلة ظريفة وطالع، ده أول زول تفقده وأسأل عنه.
عاملة النظافة الشغالة معاك في المكتب ، لو ما عندك ليها حاجة أسألها عن حالها وعيالها ، سؤالك ده يمكن يخفف عنها ألم سنين.
المراسلة المعاك في المكتب ، أعصر ليهو ألف جنيه ، بشتري بيها عيش يومين ، بتحل ليهو مشكلة كبيرة.
أحوال البلد بقت قاسية والناس مشغولة و ما منتبهة.
أقرب زول ليك ببتسم عشان يدس الوجع ، وممكن يكون دواه عندك وانت ما جايب خبر.
هنيئاً لك إذا كنت ممن تقضى على يديه حوائج الناس.
وطوبى لمن كان لحاجات الناس مقصداً.
اقرأ بقلبك هذا الحديث الشريف:-
قال رسول الله صلى الله عليه وسلم: «أَحَبُّ النَّاسِ إِلَى اللَّهِ أَنْفَعُهُمْ لِلنَّاسِ، وَأَحَبُّ الأَعْمَالِ إِلَى اللَّهِ سُرُورٌ تُدْخِلُهُ عَلَى مُسْلِمٍ، أَوْ تَكْشِفُ عَنْهُ كُرْبَةً، أَوْ تَطْرُدُ عَنْهُ جُوعًا، أَوْ تَقْضِي عَنْهُ دَيْنًا، وَلأَنْ أَمْشِيَ مَعَ أَخٍ لِي فِي حَاجَةٍ، أَحَبُّ إِلَيَّ مِنْ أَنْ أَعْتَكِفَ فِي هَذَا الْمَسْجِدِ -يَعْنِي مَسْجِدَ الْمَدِينَةِ- شَهْرًا، وَمَنْ كَفَّ غَضَبَهُ سَتَرَ اللَّهُ عَوْرَتَهُ، وَمَنْ كَتَمَ غَيْظَهُ، وَلَوْ شَاءَ أَنْ يُمْضِيَهُ أَمْضَاهُ، مَلأَ اللَّهُ قَلْبَهُ يَوْمَ الْقِيَامَةِ رِضًا، وَمَنْ مَشَى مَعَ أَخِيهِ فِي حَاجَةٍ حَتَّى يُثْبِتَهَا، أَثْبَتَ اللَّهُ قَدَمَيْهِ يَوْمَ تَزُولُ الأَقْدَامُ». تراحموا و تذكروا :- "ارحموا من في الأرض يرحمكم من في السماء".
وتذكروا :- أن البر لا يبلى وأن الديان لا يموت وأنه كما تدين تدان ، واعمل ما شئت فإنك ملاقيه.
اللهم اغفر لآبائنا وأمهاتنا وكل من له حق علينا ، اللهم ارحمهم وارفع درجتهم واجمعنا بهم في أعلى الجنان ، مع نبيك وحبيك محمد صلى الله عليه وسلم تسليماً كثيراً طيباً مباركاً فيه.
رمضان ده شهر الصدقات والدعوات..
أدعو لانفسكم من هول يوم القيامة وعذابه وظلمات القبر اغلب الناس دعاهم للدنيا لا تنسو الاخره ويوم الحساب.