19/02/2021
نسبه لحذف المنشور وعدم وجوده ونظرا لاهميه نعيده مره ثانيه
كتب صديقي Mohammad Altayeb
دي تجربتي مع امتحان الIELTS ،، طبعا امتحنت الشهر الفات وجبت 7 ولله الحمد (L:8.0, R:7.5, W:6.0, S:6.5) بدون ما أدخل أي معهد أو أي شيء ،، بعد ما أكملت الثانوي وتميت سمستر في الجامعة بديت اتجهز وامتحنت ولله الحمد ،، بالنسبة لي كانت تجربة جميلة شديد ومبسوط ولله الحمد أني قدرت أمر بيها رغم أنها كانت صعبة وضاغطة ،، بحاول أكتب في البوست دا كيف قدرت اطور اللغة في كل section وما حأتعرض لشكل الاختبار مثلا بيتكون من شنو ولا كدا عشان في اماكن كثيرة تانية الكلام دا مذكور فيها ،، طبعا فترة الاستعداد كانت طويلة نوعا ما (حوالي 5 شهور) لكن صدقني كلما الفترة طالت كلما بقيت أحسن (اعتذر البوست حيكون بالجد طويل شديد).
طيب قبل اي حاجة ،، أنا قبل الإختبار مستواي في الإنجليزي كان ضعيف نوعا ما ،، في الlistening كنت تعبان شديد ونفس الكلام بالنسبة للspeaking والwriting ،، يمكن الreading كان احسن شوية عشان كنت بقرا المراجع حقت الجامعة وكدا فاستفدت منها ،، لكن بالنسبة للمستوى حق reading حق الامتحان كنت فعلا بعيد لسه (المصادر الحأذكرها هنا ما أظن حتناسب زول هو حاليا صفر في الإنجليزي إنما زول عندو خلفية ممكن يبني عليها على الأقل ،، ممكن لو الزول مبتدئ شديد يحاول يطور نفسو شوية أول ،، شايف معظم الناس بتتجه لقناة ZAmericanEnglish فممكن تطلع عليها ،، الرابط في آخر البوست). أول خطوة بدأت بيها هي القراءة عن الإمتحان وشكلو وكدا (أنصح الجميع يقروا كتاب اسمو دليلك للأيلتس لعبد الرحمن حجازي حتعرف منو شكل الامتحان وكدا لكن مالبضرورة تلتزم بالتكنيكات البيذكرها وكدا ،، عن نفسي انا اشتغلت بحاجات غير المذكور عندو لكن برضو استفدت من كتابو شديد ،، الرابط في اخر البوست) بعد داك الشغل قسمتوا على 5 مراحل:
1- تطوير اللغة نفسها:
هنا قاصد تطوير الvocabulary ومعرفة الجمل وكدا ،، أول خطوة كانت هي تطوير الvocabulary وبدأت بمجموعة كلمات اسمها Academic Word List (AWS) (الرابط في آخر البوست)،، هي عبارة عن 570 كلمة مقسمة على 10 مجموعات من الأسهل للأصعب (ممكن تحاول تنجز كل يومين مثلا مجموعة) بتتكرر كتير في المقالات الأكاديمية وبتلقاها كتير في المراجع الدراسية ،، عن نفسي بالرغم من أنو معظم الكلمات المذكورة كنت عارفها إلا أنو التركيز على الكلمات دي بالتحديد في البداية واتقانها تماما سوا لي فرق ملحوظ فعلا في الReading (الكلام دا حتعرفوا بعد تجرب بنفسك) وحتى لو كنت ما ممتحن ايلتس انصحك بالإطلاع عليها واتقانها وصدقني حتدعوا لي 😊 ،، خلي الكلمات دي هي بدايتك في الvocabulary بعد داك أبدا طور نفسك شوية شوية ،، ومهم عشان تضبط الكلمات دي أنك ما تكتفي بالكلمة ومعناها إنما شيل الكلمة ومعناها والنطق الصحيح ليها وحاول أقراها في جمل كتيرة واستخدمها ،، ممكن تكتب في قوقل بس *** in a sentence وحيجيب ليك جمل لا حصر لها ،، وبرضو شايف معظم الناس البتحاول تحفظ الvocabulary بتحاول تنظر للكلمة بالإنجليزي وبتحاول تستنتج المعنى العربي وفي رأيي دا خطأ ،، أنت متقن للغة العربية وبتحاول تتعلم انجليزي فلما تجي تفكر في جملة تحاول تقولها (لو كنت مبتدأ في الانجليزي) غالبا حتفكر في الجملة بالعربي بعدين تترجمها للانجليزي ،، طيب أنت مفروض لو جيت تحفظ كلمات جديدة أنك تغطي المعنى الإنجليزي وتنظر للعربي وتحاول تجيب الكلمة الانجليزية ،، في رأيي كدا أفضل عشانو مناسب لطريقة التفكير.
طيب بعد خلصتها حاولت أرفع من مستوى الListening عندي شوية ،، بدأت أستمع لبودكاست مخصص لتعلم اللغة الإنجليزية مقدم من الBritish Council (الرابط في آخر البوست) ،، طبعا هو مستواو سهل نوعا ما وفي واحد أصعب مقدم من الBBC (الرابط في آخر البوست) لكن بدأت بيو هو ،، كان عندي هدفين داير أطلع بيهم منو:
- كان داير أحاول أطور القدرة على الفرز بين الكلمات ،، يعني إمكانية أنك تقدر تعرف بداية الكلمة ونهايتها في الصوت بغض النظر عن هل عرفت معناها ولا لا
- وكان داير أحاول أفهم اللهجة البريطانية لأنها شوية صعبة مقارنة بباقي اللهجات الانجليزية وغالبا جزء الListening في الامتحان حيكون باللهجة البريطانية.
لاحظ أني هنا ما حاولت أركز على الVocabulary انما على تطوير القدرة على أني ألقط الكلمات فقط ،، وبرضو حاولت أطلع بكم Expression كدا مستخدمين في الحياة العامة والحمد لله استفدت منو جدا.
2- تطوير الListening:
بعد انتهيت من الكلام الفوق حاولت أبدأ اطور الListening أكتر وأكتر وبدأت مباشرة أسمع للأجزاء حقت الlistening حقت الامتحانات تجريبية (الامتحانات التجريبية الموثوقة موجودة في كتب الايلتس حقت كامبردج وهي عبارة عن حوالي 15 كتاب ،، كل سنة تقريبا بينزلوا واحد ،، كل كتاب فيو 4 امتحانات تجريبية ،، الرابط موجود في اخر البوست ،، حاول ابدا من الكتاب الاخير وارجع ورا) ،، وصراحة بالنسبة لي بعد خلصت الpodcasts الفوق وجيت للامتحانات التجريبية دي كانت لي أسهل شديد من الأتوقعتو ،، لكن لاحظت أكتر حاجة كانت مؤثرة فعلا هي النقص في الvocabulary ،، كنت ما زلت حاسي اني لسه ما وصلت المستوى المطلوب ،، فبدلا من أنو أسمع الصوت وأحل الامتحان كنت بسمع الصوت وبقيف عند أي كلمة مابعرفها وبترجمها وبتقنها بعد داك بواصل (جزء الlistening موجود كاملا كتابة في اخر كل كتاب من الكتب حقت كامبدرج) ،، وفعلا بعد عدة امتحانات لاحظت تحسن واضح وطلعت بvocabulary كتير جيد جدا ،، وبديت أتدرب على التكنيكات وكدا ،، على العموم أهم حاجة كانت بتساعدني في حل الامتحان كانت أني أحاول أعرف نوع الكلمة من قراءة السؤال (بستفيد من الوقت البيدوني ليو قبل كل قسم من الاقسام حقت الاستماع) ،، مثلا لو جاء فراغ زي:
………… is next to the bus station.
كونوا في is بعد الفراغ فهنا أنا بستنتج مباشرة أنو في الفراغ مفروض يكون أسم وليس فعل او صفة او حال او... والحاجة دي بتساعدك شديد تسوي فلتر للكلمات أثناء سماعها ،، لكن برضو انتبه عشان مرات بيتكلم بسرعة فلازم تخت بالك لفراغين على الاقل في نفس الوقت بحيث انو لو فاتك واحد تركز على انو ما يفوتك التاني ،، وبالتأكيد ما انسى انبهك على الcapital والsmall عشان لو كتبت حرف small كابيتل او العكس درجة السؤال طوالي صفر فكون منتبه.
على العموم ،، قسم الإستماع دا أسهل قسم وهو البيرفع ليك درجتك وصدقني كتااااااااااار بيقفلوهوا وبيجيبوا فيو 9 من 9 ،، فإنت اجتهد وبتكون منهم ان شاء الله ،، انا الحمد لله جبت فيو 8 من 9.
3- تطوير الReading:
الreading كتار بيعتبروهو أصعب قسم نظرا لضيق الوقت (عندك ساعة واحدة عشان تحل 3 قطع وغالبا ما بتكون قطع سهلة) ،، غايتو مبدئيا في معلومات لازم تعرفها:
- من الأساس القطع بتكون مكتوبة على اساس أنو يكون فيها vocabulary ما لاقاك من قبل ،، دا بيدلك على أنو الهدف مش أنك تكون أكتر زول عارف vocabulary عشان تحل إنما أنك تكون قادر تتعامل مع القطع وتجاوب على أسئلة حولها حتى لو مافهمت الا الفكرة العامة حقتها
- قراءتك للقطع كاملة غالبا حيؤدي بيك إلى انتهاء الوقت قبل تحل كل الاسئلة فهنا لازم تعرف متين بتحتاج تقراها كاملة ومتين لا (بوضحها بعد شوية)
طيب قبل كل شيء ،، أنا بعد أكملت الAWS وجيت بدأت أقرا القطع حقت الايلتس لاحظت فرق واضح صراحة ،، بقيت فعلا معظم القطعة بكون فاهمها ما عدا عدة كلمات هنا وهنا ،، لكن مرات في قطع بقراها وبكون بالكاد قادر افهم ،، فعرفت أنو لازم اطور الvocabulary اكتر ،، فبقيت بنفس الطريقة حقت الlistening بدل من أني احل الامتحان كنت قاعد اقرا القطع في الامتحانات التجريبية وأحاول اطلع منها الvocabulary وكدا،، واصلت بالمنوال دا في حوالي 6 ولا 7 امتحانات وصراحة كمية الvocabulary الطلعت بيها كانت كبيرة شديد (حوالي 1500) لكن بعد الفترة دي (اللي كانت مؤلمة صراحة) حسيت فعلا أني وصلت مستوى عالي في الreading ،، بقيت عادي بعد داك الحمد لله بقرأ الاخبار في الBBC والCNN وأي حتة تانية بارتياح اكبر شديد من زمان ،، وحسيت بعد الفترة ديك أنو الvocabulary الموجود في الlistening فعلا بقى ساهل شديد مقارنة بالفي الreading ،، بعد داك بديت أشتغل على حل الامتحان زاتو ،، وفي نقاط مهمة الواحد يركز عليها اللي هي:
- أول شيء قبل تبدأ تتدرب على حل امتحان ،، حاول اتدرب على نوع الاسئلة لأنو في نوع أسئلة غالبا ما بتكون لاقتك من قبل وما حتقدر تنجز لو ما اتعودت عليها (مثلا اسئلة True-False-Not Given) وفي أسئلة عندها طرق حل معينة عشان تحلها بسرعة (مثلا أسئلة اختيار عنوان لكل فقرة او اختبار الفقرة الموجودة في معلومة معينة) ،، بنصحك بشدددددة تطلع على الموقع دا: https://www.ieltsbuddy.com/ielts-reading-practice.html ،، حيعلمك تماما كيف تتعامل مع كل نوع من الاسئلة.
- أنت مفروض تتعود أنك تقرأ بسرعة وتلقط المعلومات سريع برضو لأنو القطع بتكون طويلة شديد
- أنت مفروض تعرف متين بتحتاج تقرأ القطعة كلها من أول فقرة لحدي أخر حاجة ومتين لا ،، بالنسبة لي مالم يكن في سؤال حق اختار عنوان للفقرة أو سؤال حق حدد موقع المعلومة دي في ياتو فقرة أنا ما بحتاج أقرا القطعة كاملة (ديل أكتر سؤالين كريهين لأنهم بشيلوا منك زمن كتير) وبكتفي بس بقراءة السؤال ومن ثم البحث عن الاجابة لكن بترتيب معين (حأذكروا هسي).
- في حالة أنك وجدت القطعة ما محتوية على واحد من السؤالين الفوق ديل حاول أمشي بالترتيب دا في حل الاسئلة:
· أسئلة أكمل الفراغات
· الاسئلة الفيها توصيل اسم العالم مع نظريتوا او مقولتوا أو كدا...
· اسئلة ال True-False-Not Given
· ضع دائرة
- في حالة أنك لقيت واحد من السؤالين الفوق حاول أمشي بنفس الترتيب وحل السؤالين ديل آخر حاجة ،، وحاول أثناء حلك للاسئلة حقت اكمل وكدا... أنك تعرف الافكار حقت الفقرات الفيها الاسئلة وكدا عشان تختصر وقت للسؤال حق العناوين.
- طيب ،، ليه أنا قلت الترتيب الفوق دا بالتحديد😊؟ دا سؤال وجيه ،، الاجابة حاجتين:
· أولا: أنت لما تبدأ بأكمل الفراغ أو اسم العالم حتبحث غالبا في القطعة عن اسم علم (بيكون بدايتو بالكابيتال) فالبحث بيكون أسرع وأسهل أو حتبحث عن قطعة (سؤال أكمل غالبا اجاباتو بتكون كلها من فقرة واحدة أو فقرتين ورا بعض) فبرضو حيكون البحث اسرع واسهل ،، وبعد تحل السؤالين ديل حتقدر تحل باقي الاسئلة أسرع. ليه؟
· ثانيا: لأنو ببساطة في ميزة زابطة في الاسئلة حقت الreading أنها مرتبة حسب القطعة ،، يعني أنت بتبدا بالاسئلة اللي بتقدر تحدد مكان اجابتها بسهولة بعد داك بعد تخلصها لو كان مثلا سؤال الtrue-false بعد سؤال أكمل ،، حتعرف أنو اجابات الtrueوالfalse كلها قاعدة في فقرات بعد الفقرة اللي فيها اجابات اكمل في القطعة. فبتوفر وقت كتييير وممكن تحل الاسئلة كلها بدون تقرا القطعة كاملة. زابط مش😊؟
- برضو حاول بأقصى جهدك أنك تتمرن كتير وتحاول تتمرن على الزمن لحدي ما تكون قادر تحل القطعة الاولى في 15 دقيقة بالكتير والتانية في 20 دقيقة والثالثة في 25 دقيقة عشانها الاصعب وغالبا سؤال العناوين بيكون فيها ولو قدرت كمان تحل القطعة الاولى في اسرع من كدا حتقدر تنجز تمام في التانية والتالتة ان شاء الله.
على العموم ،، قسم الreading لو اتمرنت عليو كتير حيكون ليك ساهل شديد وبيبقى زي قسم الlistening وبرضو لو ما عارف اعرف انو ناس كتيييييييير بتقفلوا وبتجيب 9 من 9 ،، أنا يوم الامتحان صراحة ضيعت شوية وقت في القطعة الاولى ف سؤال العناوين في القطعة الثالثة لخبطتو شوية لكن الحمد لله جبت 7.5 من 9.
طبعا لما قلبت شوية في الانترنت بعد الامتحان قدرت القى القطعة الاولى الجاتنا بالضبط في الانترنت بنفس الاسئلة وكل حاجة ،، ياهي نفس القطعة الاولى الموجودة هنا حقت الKoalas: https://makkarielts.com/ielts-academic-reading-4/
4- تطوير الWriting:
بكون معاك صريح ،، دا أصعب قسم في الامتحان كلو وهو غالبا القسم اللي حينقصك أكتر حاجة وهو أكتر قسم بيحتاج منك تدريب ،، لكن صدقني لو قعدت ليو حتنجزوا ،، بعدين أوريك حاجة ،، الكتابة حقتك بتتطور كلما قريت أكتر وكلما كان عندك vocabulary اكتر ،، يعني انت قبل تبدأ في الwriting حاول انجز في الreading وحتستفيد شديد ان شاء الله.
طيب قبل أي حاجة مهم تعرف أنو وصولك لحد الكلمات المطلوبة للكتابة دا من أهم الأشياء اللي لازم تفكر ليها خلال الإمتحان (150 كلمة في Part 1 و 250 في Part 2) لأنو نقصانك عن الحد دا بيؤدي مباشرة لنقصان درجتك ،، وبرضو صراحة لازم تكون ملم بمعلومات وvocabulary عن عدة مواضيع عشان تقدر تكتب تمام في Part 2 (مواضيع زي البيئة، المشاكل العامة، المشاكل الصحية...) ،، يعني لازم تكون مثقف شوية في كم موضوع ،، بالنسبة لي صراحة اصعب جزئية في الكتابة هي إيجاد الأفكار لأني لو قدرت ألقى أفكار كويسة حأقدر أكتب كتير ،، ممكن تستفيد من مواقع زي دي:
https://www.ieltsbuddy.com/ielts-topic-related-vocabulary.html
https://ieltsliz.com/vocabulary/
طيب ،، الWriting بشكل عام تطويروا انا قسمتوا على مرحلتين:
- أول حاجة: تبدأ تتعلم تراكيب الجمل والروابط حقتها والgrammar والpunctuation
ما أظن في داعي أذكرك بأنك لازم تراجع القرامر ومتين بستخدم كل واحد ،، ممكن تستعين بمواقع زي دي:
https://www.ieltsbuddy.com/ielts-grammar.html
https://www.ef.com/wwen/english-resources/english-grammar/verbs/
وممكن لو شايف نفسك فعلا متقن القواعد دي وداير تستخدم حاجات اقوى تشوف ديل:
https://www.grammarwiz.com/reduced-relative-clauses.html
https://www.grammarwiz.com/nominalisation.html
يلا أنت برضو مفروض تكون عارف كيف تكتب جمل معقدة وتربطها مع بعض وكدا ،، فهنا أنت لازم تكون ملم بالروابط او الConjunctions (Although, Despite, Moreover, Either, Neither,…) لأنو غالبية الإبداع في الجمل بيكون بإتقان الروابط دي،، ممكن تقرأ عنها في الإنترنت ،، دا موقع بيشرح بعضها:
https://www.citationmachine.net/resources/grammar-guides/conjunction/conjunctions-list/
وبرضو لازم تكون ملم بعلامات الترقيم وطرق استخدامها ،، ممكن تستعين بالموقع دا:
https://www.grammarbook.com/punctuation_rules.asp
- تاني حاجة: تبدأ تتدرب على أشكال الامتحان:
طيب نحنا عندنا الwriting قسمين ،، الأول حيديك رسمة أو مرات جدول ويقول ليك لخصوا في 150 كلمة ،، هنا أنت لازم تعرف كيف تتكلم عن الزيادة والنقصان وتعرف الvocabulary حقها (مثلا زيادة حادة في عدد الجرائم في مدينة معينة) وتعرف الtense المناسب في كل حالة وكدا ،، أنا بنصح جدا أي واحد يقرا الدروس الموجودة في الصفحة دي: https://www.ieltsbuddy.com/ielts-writing-task-1.html
بتساعدك في أنك تتعامل مع كل رسمة وبيوريك الvocabulary المفروض تستخدمه مع كل واحدة ،، طبعا حاول اتمرن لحدي ما تشوف نفسك قادر تنتهي من الpart 1 في 20 دقيقة لأنو صدقني أي زيادة عن 20 دقيقة حتأثر بشكل مباشر على part 2.
يلا في part 2 بيديك موضوع عام وبيطلب منك تكتب عنو فيما لا يقل عن 250 كلمة (حاول اخد 40 دقيقة للموضوع دا) ،، وفي طبعا عدة أنواع من الأسئلة ،، ممكن يطلب منك تناقش وجهتي نظر وتدي رأيك وممكن يطلب منك تذكر ايجابيات وسلبيات حقت حاجة معينة و...،، على العموم أكبر تحدي ممكن يواجهك هو الأفكار عشان مرات بيديك مواضيع شوية صعبة وما بيكون عندك فكرة عنها من قبل لكن صدقني انت كان اتمرنت كتير حتنجزها ان شاء الله.
دي أعظم شروحات لاقتني لpart 2: https://www.ieltsbuddy.com/ielts-writing-task-2.html ،، أحرص أنك تقرأ كل الدروس الموجودة وحتعرف كيف تتعامل مع مختلف انواع الأسئلة ،، وبعد تخلصها اتجه هنا: https://www.ieltsbuddy.com/ielts-sample-essays.html
الموقع دا فيو كمية حقت essays حتلقى منها كمية مهولة من الأفكار لمختلف المواضيع وجمل وvocabulary زابطة جدا ،، حاول تقراها كلها وشيل منها أكبر كمية من الجمل والvocabulary البتعجبك وصدقني لو أنجزت دا كلو وجيت تشوف المستوى الوصلت ليو أنت حاليا حتلقى نفس في الكتابة الانجليزية بقيت ما شاء الله.
طبعا في بعض الناس عندها فكرة حقت أنو كل نوع من انواع الاسئلة تحفظ ليو قالب معين في رأسك ولما تدخل الامتحان تبدا تكتب على أساسو ،، الفكرة جميلة وممكن تستعملها وتطورها لو أحببت ،، حتلقاها مشروحة بشكل تفصيلي في الكتاب حق دليلك للأيلتس (الرابط موجود في اخر البوست).
أنا صراحة بالرغم من أني تدربت على الكتابة كتير الا اني جبت 6 فقط ،، طيب ليه؟ دا في رأيي لسببين:
1- أنا ضيعت وقت كتير في Part 1 واخدت حوالي 26 دقيقة فيو ،، فبالتالي دا أثر بشكل مباشر على Part 2 ومالقيت وقت عشان أراجع الكتبتو حتى! وصراحة ركزت على أني اوصل عدد الكلمات المطلوب ولما خلصت الوقت كان انتهى.
2- الموضوع الجاني في Part 2 كان صراحة صعب وما قدرت القى ليو أفكار بسرعة وفي نفس الوقت كان باقي 34 دقيقة بس ليو ،، فبتكون متخيل الضغط كان كيف.
تقريبا السؤال الجاني في Part 2 كان:
Some people believe that the Olympic games help bring people from different nations together, while others claim that holding the Olympics wastes money which could be used for important issues. Discuss both sides and give your own opinion.
لكن الحمد لله رغم الحصل تظل درجة كويسة.
5- تطوير الSpeaking:
الSpeaking كان صراحة اكتر قسم خايف منو وأكتر قسم أنا ضعيف فيو عشان ما حصل اتعاملت مع زول بالانجليزي ولا حصل دخلت معهد ولا كدا ،، وما بدأت أستعد ليو الا قبل الامتحان بثلاثة اسابيع بس لكن الحمد لله رب العالمين جبت فيو 6.5 ،، كيف؟ صدقني السر في أنك تتقن المحادثة هو أنك تسمع كتير ،، يعني بالضبط زي ما أن القراءة الكتيرة تقوي الكتابة ،، الاستماع الكتير بقوي المحادثة ،، فحاول أسمع كتير وشيل عبارات من المقاطع البتسمعها وكدا وحتستفيد كتير ان شاء الله.
طيب بصراحة برأيي برضو أكبر مشكلة ممكن تواجهك في قسم التحدث هو الأفكار ،، ممكن يسألك عن مواضيع ما بتعرفها وهنا دا طبعا اصعب من الكتابة لأنو ما عندك وقت للتفكير ولازم تجاوب فوريا ،، لكن مع التمرين حتقدر ان شاء الله.
أعظم قناة ممكن أنصحك بيها هي قناة واحد عمك اسمو Keith ودا رابطها: https://www.youtube.com/channel/UCiVm8XcbwS8-pcDEa5lFXIA
الزول دا أنا استفدت منو فائدة ما استفدتها من أي مكان تاني في المحادثة وبكاد اجزم أنو بعد توفيق الله عز وجل الفضل كان لفيديوهاتو في أني اتحصل على الدرجة دي ،، فبالجد أبقى على فيديوهاتو عشرة وحتستفيد ان شاء الله.
طبعا أصعب قسم لأي زول حيكون هو Part 2 لأنك مطلوب منك تتكلم ما لايقل عن دقيقة ونص متواصلة ،، القسم دا صدقني بيتجازف ان شاء الله ،، حاول اول شي أقرا الدروس الهنا: https://www.ieltsjacky.com/ielts-speaking.html
وبعد تخلصها بعد دا جاء زمن التدريب ،، حاول اتمرن على اكبر قدر من الاسئلة واحرص انك تضبط الوقت صح.
طبعا الزول الإسمو عبد الرحمن حجازي صاحب قناة دليلك للأيلتس عندو ملف كدا قاعد يحدثوا كل مرة بيكتب فيو الأسئلة المتوقعة لpart 2 وكدا ،، أنا في البداية شكيت في الموضوع لكن بعد داك شفت لي ناس ما أقل من 15 واحد ما حصل شافو الملف دا من قبل ومشوا امتحنوا ايلتس وكل الأسئلة الذكروها لي لقيتها قاعدة في الملف (Amazing right?) حتى أنا السؤال الجاني في الامتحان لقيتوا قااااعد ولقيت نفسي اتمرنت عليو كتير قبل الامتحان :) ،، لكن مع التوتر وكدا صراحة لخبطت كتير في part 3 واتوقع هو النقص لي درجتي زي كدا ،، أنا السؤال الجاني كان تقريبا: Describe a tradition in your country.
دا رابط الملف حق الأسئلة من يناير الى ابريل:
https://mega.nz/file/hA8AhDLI #-NWzo2ueqEjn42WOrIj6ynwLN7j-CaocXtk_PpH2Ffo
وطبعا هو شغال يحدثوا كل فترة فأنصح الناس تتابعوا على حسابو في تويتر: https://twitter.com/Dalilk4ielts
وطبعا هو عندو حاجة اسمها الدورة المكثفة كدا ،، هي غالية لكن دائما بقدم منح لناس كتير لما يفتح التسجيل عشان يحصلوا عليها مجانا ،، طبعا لو لقيت طريقة فيها حتلقى ميزات كويسة مثلا زي تصحيح لكتابتك حقت الwriting وحاجات سمحة تانية ،، فبرضو ممكن الناس تحاول فيها ،، برضو تقريبا بيعلن حاجات زي دي في تويتر.
----------------------------------
دي كانت رحلتي مع الأيلتس ،، أسأل الله التوفيق للجميع وان شاء الله تجيبوا درجات اعلى من الجبتها دي ،، وما تنسونا من صالح دعائكم.
1- قناة zAmericanEnglish:
https://www.youtube.com/channel/UCHrD4qdeQc1BbpG6EPqDBcA
2- كتاب دليلك للأيلتس:
https://dalilk4ielts.typeform.com/to/IumyGK
3- Academic Word List (AWS):
http://libarts.rmutsv.ac.th/lc/sites/libarts.rmutsv.ac.th.lc/files/data/17/04/25/299/Sublist%20of%20the%20Academic%20Word%20List.pdf
4- Podcast from British Council
https://learnenglish.britishcouncil.org/general-english/podcasts
5- A harder podcast from BBC
https://www.bbc.co.uk/podcasts
6- كتب كامبردج للايلتس رقم 13-14-15:
https://mega.nz/file/FRVEETiY
ودا رابط تاني لباقي الكتب:
https://www.dropbox.com/sh/mx22e32a99ss0y4/AACQ9jc9yFm4HfbEamuZCVIsa?dl=0&fbclid=IwAR2hG7z4gu5Be3Yvw6HGgcMO0hSzBDeiS1K5wMcCKOpQTAAjPk5Z4DoW3vk
7- قناة جميلة شديد على اليوتيوب ممكن تفيدك في الاستماع:
https://www.youtube.com/user/TEDEducation
8- دي دروس منشورة لأستاذة سارة اللي جابت 9 في الأيلتس ،، ممكن الناس برضو تطلع عليها:
https://youtube.com/playlist?list=PLdMmRsA5Z0k_R8rv8bD8rzp0xq1CW7uDn
9- - دا موقع فيو امتحانات تجريبية اصعب من الامتحانات الحقيقية ،، حاول اول شيء اتمرن على الامتحانات الفي الكتب ولما تشوف نفسك بقيت تجيب درجة عالية فعلا تعال هنا (انا في الreading والlistening حق الكتب كنت بجيب 7. 5 و 8 وهنا كنت بجيب 6 والامتحان طبعا جاء طبق الاصل من الفي الكتب لكن الامتحانات الصعبة دي بتساعدك تصقل مهاراتك اكتر)
ieltsonlinetests.com
——————————————————
Mohammad Altayeb
https://www.facebook.com/mohammad2012191
IELTS Reading Practice: Free online lessons, strategies and tips to help you understand the IELTS reading module and achieve a high score.
