20/09/2023
متابعين متجر يــــــــــــــوزي الإعزاء :
ننيهكم علما بأننا سنتوقف عن العمل واستلام الطلبات بداية من اليوم 20 سبتمبر إلي حين إشعار أخر.
وذلك نظراً لإرتفاع أسعار الدولار الأمريكي والدرهم الإماراتي مقابل الجنيه السوداني بصورة كبيرة الايام السابقة.
🛑حيث حقق الدولار الأمريكي في السوق السوداء اليوم 793ج والدرهم الإماراتي 217ج المتوقع الدولار يكسر حاجز ال1000 ج قريبا وده ما حيكون في صالح زبائننا أبدا.
معظم الناس كانت بتطلب عادي بعد يوم 15 أبريل مع انو لاحظنا زيادة في اسعار الجمارك بصورة مبالغة الا انو الناس قالوا بتتجاذف واستمروا يطلبوا لكن بعد الحاصل ده ما أنصح اي احد يشتري منتج او تجميعة من خارج السودان لأنو بالواضح حيكون اتنصب عليك ما أكتر... وفر قروشك لانه اذا ربنا أصلح حال البلاد حتجيب ليك حاجة افضل بكتير ♥️
كمثال بسيط تجميعة ذاات كرت شاشة rx 580 8g المتوسط ممكن تكلف معاك حدود 600الف ج وده شي مبالغ فيه جداً.
بعيدا عن الأسعار الزايدة قريبا حيتم الإعلان عن سلسة كروت الشاشة الجديدة من nvidia المتوقع تكون سلسلة rtx 50 وده حيخلق فارق سعري كبير في الكروت القديمة مما يعني اسعار أقل لمواصفات أقوي... في كلاا الحالتين الصبر هو المفتاح الناس مااتستعجل 🙏.
🛑 بالنسبة للطلبات من يوم 11إلي 20 سبتمبر حيكون شحنها وتوصيلها مجان 🆓
وبالنسبة للفائز بالمسابقة حيتم الإعلان عنه يوم الجمعة الموافق 22 سبتمبر.
دمتم في رعاية الله 🕊️
Yooze store
