كيأن .

كيأن . تسويق إلكتروني-دعاية وإعلان

‏قُلْ عَسَى أَنْ يَكُونَ قَرِيبًا ♥️🇵🇸
08/10/2023

‏قُلْ عَسَى أَنْ يَكُونَ قَرِيبًا ♥️🇵🇸

‏كونوا على وضوء فالصلاة في القدس باتت قريبة جداً 🇵🇸❤️
08/10/2023

‏كونوا على وضوء فالصلاة في القدس باتت قريبة جداً 🇵🇸❤️

28/08/2023

فهم بعض الاسر في مجتمعنا الحالي ممكن انو يدمر حيات الابن عادي
اول شي فهم انو انت مهم كبرت ومهمه تقدمة في العمر ح تفضل صغير في نظرهم م بس نظرهم في واقعهم دي حاجة كفيله انها تخليك عديم المسؤلية وتخليك تفقد ثقتك في نفسك انت لو عقلك سابق سنك ب سببهم علقك حيقيف
عشان كده الابن مجرد م يبلغ سن الرشد مفترض يتكلف بكل مهام البيت ليه؟؟؟عشان يتعلم المسؤليه يتعلم معافرات الحياة يطلع مفتح عشان الدنيا م تضربو لكن لو دايرو يتمرمض دلعو وحسسو انو لسه صغير حتى بعد بلوغ سن الرشد .

08/08/2023

مع احتدام المعارك في منطقة امدرمان القديمة والتهجير القسري الحصل فيها في عدد كبير من المواطنين والإصابات وصلت مستشفى النو خلال الساعات الفاتت..الوضع في المستشفى م كويس عشان نكون واضحين الشباب شغالين في ضغط جسدي ونفسي فوق الوصف ، الوضع ينذر بنهيار صحي ،شح في مخزون الدم والمخزون الدوائي، الشباب رافعين ليكم حوجات دم 🩸 وشايف الاستجابة والتفاعل معاها ضعيف شديد !!

⛔️المطلوب مننا ندعم رفاقنا ديل و زي ما عمنا ثورة في التايم لاين للحصل في أمدرمان من تكاتف وكرم
مفروض يحصل تاني واكبر كمان ✊🏻 فشنو الناس ترفع بوستات وتشارك في حملة و القريب يصل ويتبرع والبعيد يشارك وينشر ✊🏻

الناس ما تستهون بالتبرع والله ماف أعظم من إنك تنقذ حياة إنسان موجود بين الحياة والموت .

مستشفى النو تنادي 🇸🇩


08/08/2023

امدرمان💜

يعني الام💜

يعني الدر💜

يعني الشهامة 💜

امدر اثبتت لينا انو اي زول بسكنها روحو حلوه ومجدعه ومرجلة
امدر نجحت كمدينة وام .


25/06/2023

* #حنعبر - كيف ...؟*

وطن من يوم عرف يمشي
لبس نعلاتو مقلوبة
يداقش في السياسة دقش
وطن درويش تِبِع نوبة
وطن خربان خراب سوبا
وطن خيراتو منهوبة
وطن منفوخ على الفاضي
وطن أنبوبتو مضروبة
يشخبط في التراب حيران
وطن ذاكِرتو مشطوبة
وطن متذيّل العالم
وطن واقف على طوبة
وطن شان يلقى تاني العافية
محتاج يقلب الهوبة
ومحتاج ثورة جوة نفوسنا
محتاج نعلن التوبة
ومحتاج طبعنا السوداني
لا الجايينا من كوبا
وطن مسحور
وطن مشطور
وطن كادت دوايرو تدور
أنحنا صراحة ناس فاشلين
وطن أولادو متشاكسين
ترسل ليهم الواعيين
ترسل ليهم الأعيان
ترسل ليهم الحادبين
وتخطب في المساجد كافة
ما تلقى البقول آمين
تحاول ترتق الفرقات
يفروا كأنهم وزين
نفوس مرضانة بالأحقاد
يغطسوا بعضهم في الطين
دواساً في قعاد الكرسي
بالدبابة و المكسيم
بنعبر كيف ...؟
ودام بالطلقة متنافسين
وعارفين الزمان سرقونا
لسع بينا مندسين
وألف عصابة
في البلد لافين
شلل مافيات عديمى الدين
و جات الثورة مهر الدم
تفكك عصبة التمكين
و ما زال اللصوص قاعدين
بدل يتبلوا بل الجن
بقينا أنحنا مبلولين
مواكب هادرة بالحركات
حقارة عديل و قوة عين
غسيل أموال و سوء أحوال
و عملاً شين
و تهريب جاز و ندرة غاز
و أزمات في دقيق الفين
صفوف العيش
و تهريب حصة البنزين
تقول حرية تلقى الحر
وسجم الطين
يجوك باللفة ناس طاشمين
تقول يا دوب مشينا عديل
تفنجط بيك حمير لينين
تقول في سلام
يلعلع في سماك الجيم
و تتغاتت عليك حركات
أجندات غايصة في التعتيم
تختك في محل ضيِّق
بلد علماني أو تقسيم
و أحزاب من زمن تعريفة
لسع تابعة ليها زعيم
و كيمان من عواطلية
مبطحة في ضلول النيم
ضو عام ضايع من التعليم

Address

Khartoum

Website

Alerts

Be the first to know and let us send you an email when كيأن . posts news and promotions. Your email address will not be used for any other purpose, and you can unsubscribe at any time.

Shortcuts

Share

Category