Ocean-Media

01/05/2022

شركة اوشن ميديا تهنئكم بحلول عيد الفطر المبارك أعاده الله عليكم باليمن والبركات 🌙💛

#عيدالفطر
#عيدالفطرالمبارك
#عيد2022
#اعلانات

01/05/2022

الف مبرروك للفائزة @ام رضوى معاانا في مساابقة اوشن ميديا لعيد الفطر المبااارك ❤️❤️

كل عام و انتم بخيير ❤️

الرجاء التواصل في الماسنجر لاستلام الجائزة 🌹

27/04/2022

باقي ساعات ونعلن عن الفائز بالعيدية 😍😍😍😍وبالتوفيق للجميع

كلنا واحنا صغار بنحب كلمة العيدية😍وبتحمل معنى خاص عندنا , فقررنا في شركتنا ocean media وبمناسبة عيد الفطر المبارك نقدم لواحد من متابعين الصفحه عيديه بقيمة⭕️30.000 جنيه سوداني ⭕️

كل العليك تتابع معانا البوست ب #لايك #تعليق #شير في صفحتك الشخصيه
واعمل دعوه لعشره اشخاص عندك للاعجاب بالصفحه ونزل سكرين في تعليق 🥰

السحب هيكون يوم الأحد بتاريخ 1/5/2022

14/04/2022

رمضان فرصه كبيره لكل المطاعم والمحلات التجاريه بأنها تقدر تزيد الارباح حقتها بنسبة كبيرة وده لانو استهلاك الناس للمنتجات الغذائيه وحتى منتجات النظافه بكون الطلب عليها عالي جدا . فدور اي قسم تسويق تخصص ميزانيه للاعلان عن المنتجات وتقديم عروض و تخفيضات خلال فترة رمضان من خلال تصميم بوستات السوشل ميديا وعمل فيديوهات اعلانيه عن المنتجات والمحلات التجارية.

واحنا في اوشن ميديا بنقدم ليكم خدمة تصميم بوستات السوشل ميديا بصوره مميزه واحترافيه.

27/03/2022

حصل سمعتو بالSlogan في عالم التسويق ؟! طيب خلونا نتعرف عليهو.
ال slogan عبارة عن جملة قصيرة مختصرة بتستخدم الشركة كشعار في الحملات التسويقية, والشعار ده لازم يكون مدروس عشان يحقق الهدف النهائي وهو ترك أثر إيجابي (نفسي) في نفس الزبون (المُحتَمَل).

وهنا بيجمتع الأثر الإيجابي البخلقو الشعار مع الإعلان التجاري للشركة فبيعكس الصورة البتسعى الشركة لترسيخها داخل العقل الباطن للمستهلك.

أهمية الـ Slogan في الحملات التسويقية. المتعارف عليه انو الشركات الكبيره بتختار شعاراتها بدقة وحذر, ليه ؟! لأنو الشعار هو من أخطر الأمور الممكن تضر سلبا بالشركة في حال انو فشل أو ماوصل الأثر المطلوب عند الزبون.

الشعار بيحتوي على الخلطه التاليه:
1. يكون بسيط سهل بلهجه موسيقيه لانو بتساعد انو يتحفظ بسرعه.
2. لازم يفهم المستهلك الرساله البتسعى ليها الشركة من وراء الشعار دون أن يعكس بالضرورة نشاط الشركة بشكل مباشر.

مثلا شعار :”نحن الأفضل في عالم الاتصالات” هو شعار غير كونه مبتذل بينساه الزبون فورا , قارن الشعار ده بشعار شركة الثريا للاتصالات الفضائية:” نذهب بعيداً, لتبقى قريباً”.شعار مميز وبيرسخ عند الناس . ما بالضرورة أنو يكون الشعار موزون, وفي الشعارات البتخلي الزبون يفكر بالمعنى الرائع للشعار وبالتالي من المستحيل أنو ينسى الشعار , زي برضو شعار قديم لشركة Crossfire الأمريكية المعروفة في مجال صناعة الأحذية:” We Lead, Other’s Follow”. اي شخص هيقرأ الشعارده هيفكر في الثقة المفرطة البتحمل الشركة تجاه منتجاتها لانو ماشايفه انها الافضل بس, بل كمان بتعتبر أنها في القيادة وانو باقي الشركات بتقوم بمحاولة تقليد واللحاق بها!

طيب زي ماموجود شعارات مميزه خلونا نشوف اردأ أنواع الشعارات التي تنقسم إلى ثلاثة أقسام:
1. شعارات تعكس نشاط الشركة أو خصائص المنتج بشكل مباشر.
2. شعارات تعكس النشاط بشكل غير مُباشر.
3. شعارات – لو شفتها بشكل مجرد عن الشركة – ما بتعكس شيئا مما تقدمه الشركة.

وفي الاخير في شعارات عبقرية بيكتب مختصين في عالم الشعارات وبيقبضو رواتب عالية مقابل تأليفهم للشعارات دي .

Your Potential. Our Passion. Microsoft – Microsoft
Impossible is nothing – Adidas
Just do it – Nike, Inc.
It can only be Heineken – Heineken
They’re great! – Kellogg’s Frosted Flakes/Frosties
Finger likin’ good! – KFC
We’re number two. We try harder – Avis Rent-a-Car (شعار يكسر القاعدة التي تقول “نحن الرقم واحد” يُحدث نوع من المفاجأة والاستغراب لدى القارىء وهذا هو المطلوب)
Drivers wanted – Volkswagen
Va-va-voom – Renault
Zoom Zoom [Zoom] – Mazda
Before It’s News, It’s Reuters – Reuters

26/03/2022

21/03/2022

كل سنة وكل أم بصحه وسلامة. وعشان في أمهات شغلهم ووظيفتهم مابتقتصر على الأمومه وبس لا كمان بالإضافة لدورهم كاامهات بيربو ويعلمو ويكبرو أجيال، هم كمان عندهم دورهم في الحياه العمليه كقائدات ملهمات مبتكرات قويات براك كل الصعوبات البتلاقيهم في أداء أدوارهم هم بيصرو انهم ينجزو ويحققو طموحاتهم ويبقو مصدر إلهام لابنائهم قبل اي زول تاني ❤ قررنا نقدم كهديه بسيطه لي كل أم عامله عندها منتجات بتصنع او بتصمم خدمات بتخفيض 50% اول خدمة التصوير وتاني تصميم اللوقو الخاص بالبراند والمنتج حقها كعربون محبة وتعبير بسيط من شركة اوشن ميديا عن دعمنا ليها في مشوار نجاح .

15/03/2022

اللوحات الإعلانية او مايعرف بال Billboards advertising 🔳

تعتبر من أهم أنواع الإعلان التي تم إختراعها في ثلاثينيات القرن التاسع عشر وأصبحت شائعه في ستينياته ومع إقتراب نهايته تم تحديد الشكل المناسب للوحات الإعلانيه وزادت شعبيتها بشكل كبير جدا .
أول من قام بإبتكار اللوحات الإعلانية كان رجل يدعى جاريد بيل وذلك لسيرك الذي كان يعمل به وكانت عبارة عن ملصقات كبيره تعرض صور ملونة توضح العناصر الترويجية لكل عرض من عروضهم.

مع التقدم والتطور البيحصل في عالمنا كل يوم برضو لسه ماتم الإستغناء عن اللوحات دي بل بالعكس التطور إنعكس على الصناعة بتاعت فبقى في لوحات رقمية Digital billboards وده بيدل على نجاح وفعالية الإعلانات عن طريق اللوحات الإعلانية....طيب السبب شنو ؟ مع تواجد طرق جديده كتيره للإعلان زي إعلانات الفيسبوك لإعلانات قوقل !!
في دراسه قامت بيها شركة اسمها Nielsen وجدت انو ال (OOH) اختصار ل out of home advertising النوع ده من الإعلانات بيجذب الناس في العالم الحقيقي للإنترنت وده بعد ماشافو انو 5 من كل عشره اشخاص في امريكا استخدمو قوقل او Yahoo بعد رؤيتهم او سماعهم شيء معلن عنه بتنسيقات OOH يعني شافو لوحة او لافته إعلانية فيها اسم منتج أو شركه محدده ورجعو فتشو عنها في محركات البحث.

بالاضافه لإو اللوحات الإعلانية تفوقت على الوسائط الاخرى مثلا التلفزيون الناس مع عالم الإنترنت بقت أقل إهتماما بيهو فبقى الاستهداف لكل الشرائح حاجه شبه مستحيله، ولو قلنا الإذاعة برضو الناس بقى عندها خيارات أوسع في إنها تستخدم تطبيقات مميزه اكتر وبيقدرو يحددو بالضبط هم عايزين يسمعو شنو زي مثلا البودكاست البيستهدف اهتمامات الناس مباشره ...الطباعه كمان قلت الإشتراكات في الجرائد والمجلات....وكمان لو فكرنا كده برضو تكلفة اللوحات الإعلانية اقل بكتير من الإعلانات عن طريق الإنترنت البيتم الاشتراك فيها شهريا وقد ماتظهر لكل الناس برضو .

واهم عامل بخلي النوع ده من الإعلانات مميز التكرار زي ماعارفين اللوحات دي بتكون متواجده في الشارع الى مايقارب السنه يعني ده بيخلي الناس تشوف عدد مرات اكتر فبيخلق نوع من الترسيخ عندهم بالعلامه التجارية المعلن عنها وده مايعتبر مسأله ساهلة ابدا لانو في شركات عريقه زي بيبسي وكوكولا بالسنين كانت بتشتغل على إنو بس علامتهم التجاريه تترسخ في عقول الناس .

اذا كشركة تعتبر ال Billboards من اهم ادوات التسويق البتحتاج ليها عشان كده احنا في اوشن ميديا بنوفر ليك الخدمة دي .

13/03/2022

Company Profile
كتير مننا سمع بالمصطلح ده طيب بيعني شنو ؟!🤔

ال company profile او الملف التعريفي للشركات عبارة عن مقدمة للشركة بيتم فيها توضيح معلومات عنها بإيجاز بالإضافه للمنتجات والخدمات البتتميز بيها وبتتصمم على إنها يكون عندها تأثير قوي وإنطباع أول جيد .

قبل الإنترنت كانت ملفات تعريف الشركات مكتوبه ومع ظهور الإنترنت في التسعينات كان أصحاب الأعمال بيحفزو على إنشاء مواقع الويب للأعمال التجارية وكان بيتضمن الموقع زمان عبارة (نبذه عنا) الشهيرة والتقليدية. أما في الوقت الحاضر الموضوع إختلف لإنها بقت منظمه أكتر وبتضمن أرقام وموارد ماليه وبشريه وممكن نتوقع تغييرات إضافية فيها مع التطور السريع البيحصل في عالم الإنترنت.

بتساعد الملفات التعريفيه على جذب المستثمرين والعملاء عشان كده لازم يكون الملف التعريفي عن شركتك بيعبر عنها بطريقه إحترافيه مع محتوى وتصميم مميز.✅

08/03/2022

تاريخ اليوم العالمي للمرأة يرجع إلى أوائل القرن العشرين حيث كانت المرأه تعاني من العمل الزائد دون تقدير لمجهوداتها بالإضافه إلى المرتبات المنخفضة، وعدم حصولها على حق التصويت. الثامن من مارس هو التاريخ المحدد ليوم المرأه العالمي منذ عام 1914.هذا اليوم هو للتوعية بقضايا المرأة وإنجازاتها المتعددة.كل عام ، يناقش اليوم الدولي للمرأة موضوعًا مختلفًا يجذب انتباه العالم إلى قضية محددة.
موضوع اليوم العالمي للمرأة لعام 2022 هو "كسر التحيز" ، وفقًا لموقع اليوم العالمي للمرأة. الهدف من الموضوع هو إظهار أن التحيز ضد المرأة لايزال موجود في العديد من الدول والمجالات و ضرورة اتخاذ إجراءات ضده.

The history of International Women’s Day dates back to the early twentieth century, when women were suffering from overwork without appreciation for their efforts in addition to low salaries, and not having the right to vote. The eighth of March was the date set for International Women’s Day since 1914. International Women's Day is to raise awareness of women's issues and their multiple achievements. Every year, International Women's Day discusses a different topic that draws the world's attention to a specific issue. The theme for International Women's Day 2022 is "Breaking Prejudice," according to the International Women's Day website. The aim of the topic is to show that prejudice against women still exists in many countries and fields, and the need to take action to eliminate .

‏إليكن ؛
سَواء كُنتُن "
سَمراوات ، حِنطِيات ، بِيض ، خَفيفات السّمار ، بِلون الخُبز أو بِلون القَمح ، طَويلات ، قصِيرات أو مُتوسِطات الطُول ، ذَواتِ شَعر طوِيل ، قَصِير أو مُجعد ،
على إختلافِكن جمِيعُكُن جمِيلات ، لِكُلٍ مِنكُن جَمالها الخَاص ،
‏كُلٌ لَديها ما يُميزُها عن الأُخرَيات ، كُلٌ فَاتِنة بِعينِ أحدِهِم ، كُلكُنّ سَعادة ورِزق ، وكُل الطيبات إناث 🌸♥️

06/03/2022

The 8 hottest graphic design trends in 2022

أشهر انواع تصميم الجرافيك لعام 2022🧐

اتجاهات تصميم الجرافيك بتتأثر بعوامل كتيره منها الأذواق والأزياء المتغيرة ده غير التغييرات الاجتماعية والتكنولوجية فبكون التصميم تبعا للطريقة البنعيش بيها والمنتجات البتتفاعل معاها الناس . وبما ان العالم بيتطور باستمرار ده بيأثر على اتجاهات التصميم اكيد ....وفي المقال ده هنتعرف على جزء من الانواع والتوجهات الحاليه لتصميم الجرافيك حسب التريند الموجود حاليا في عالم التصميم والبراند العالميه .
01. Simplified symbols

أول نوع عندنا هو simplified symbols وبيعني تبسيط رمز او شعار العلامه التجاريه حاليا بيتم التوجه لعبارة simple is more memorable (البساطه لاتنسى )....فبيتم تبسيط شعار العلامه التجاريه وده من الفوائد حقتو جعل الشعار او اللوقو ساهل للناس تتذكرو لانو مختصر جدا .

02. Anti-design
النوع التاني هو ال anti design كترجمه حرفيه للنوع هتكون ( مضاد للتصميم)
طيب ده بيعني شنو ؟ مرات كتيره بنصادف في المعارض الفنيه مجسمات او لوحات فنيه شكلها او طريقة الرسم بتكون غريبه جدا بالنسبه لينا وما مفهومه وحتى مرات بكون في اثاث خارج عن المألوف الاسلوب ده من التصميم نشأ في ايطاليا سنة 1966
واستمر حتى1980 وأعتمد على الالوان الصارخه البتلفت النظر اليها والاحجام الغير متناسقه في التصميم المعماري وتصميم الازياء..... وبيرجع ده لكونو كتير جدا من الرسامين والمصممين مادخلو كليات مختصه بالمجالات دي لكن مع ذلك عندهم الحق فاإنهم يصممو او يرسمو لوحاتهم بالطريقه البتناسب أذواقهم..... ده غير فتح نوع من التقبل للأذواق المختلفه في مجال الفن والتصميم .

03. 90s nostalgia📽☎️
التصميم بطريقة فترة التسعينات لو رجعنا بالزمن لفترة التسعينات هنكتشف إنو في حاجات كتيره للحظه إحنا عندنا حنين ليها منها الألعاب زي سوبرماريو او الافلام بالقصص الجميله الكانت بتقدم لينا حتى اللبس وتسريحات الشعر الكان متعارف عليها في المده الزمنيه دي بتعني لي ناس كتيره ذكريات جميله جدا .....فحاليا الحاصل انو الجيل ده جزء كبير منو بقى مسؤول عن إتخاذ قرارات في مجالات كتيره حولينا منهم المصممين والمهندسين المعماريين فكتير منهم قررو يكون عندهم بصمتهم الخاصه من خلال تصاميم مشابها في جزء كبير منها الفتره الزمنيه دي مع لمسه عصريه مواكبه للتطور في عالم التصميم .

04. A more sophisticated eco vision🍀
التصميم المواكب لبيئه اكثر تطورا او بما يسمى تصميم المطبوعات المستدام ...النوع ده من التصميم بقى رائج الفتره الاخيره خاصة بعد الازمات البيئيه البيتعرض ليها العالم والغرض منو تخفيف التلوث الحاصل في الكره الارضيه وانو العلامه التجاريه الهتستخدم النوع ده من التصميم واللون الاخضر في شعار تكون من الشركات البتقلل استخدام موارد البيئة الطبيعية من ورق وغيرو عشان تحافظ على التوازن البيئي .