05/02/2026
شاب محترم شاف بت وعجبتو ، مشى يخطبها وأبوها وافق 💍 .
لما قعد مع البت في بيتهم عشان يتعرف عليها كويس حس انو البنت ما مبسوطه ، وبتتكلم وهي سرحانه وكأنها بتفكر في زول تاني خليكم متزكرين الموقف ده .
الولد قال ليها : إنتي بتحبيه ؟
البنت اتخلعت وعاينت في الأرض وقالت بصوت واطي : آي 😞
الولد قال ليها : طيب هو ليه ما جاء عشان يخطبك ؟
البت قالت : عشان هو ما لاقي شغل وبابا ما حيوافق و يرضى بيو 💔
الولد قال ليها : أديني رقمو وأنا بحاول ألقى ليهو شغل وبعدين يجي يتقدم ليك ❤️
البت من كتر فرحتها دموعها نزلت وهي بتبتسم ، جابت رقم زولا وأدتو للولد دا
الولد اتصل بزولا وقال ليهو مش عيب تكون بتحبها وتخليها لواحد تاني 😉 ؟
الولد قاله غصب عني لانو ظروفي ما كويسه وما لاقي شغل ... و ... و ... و ...
بعد الموقف دا وخلال يومين بس كان زولا اشتغل في وظيفة كويسه ومرتب كويس من طرف الولد الأول ، وبعد فترة البنت اتخطبت لزولا وعرسو 💍❤️❤️
لحظه وحدة هنا :
متزكرين لما كانت في الصالون مع الولد الأول وخلاص حتعرسو ؟
عارفين شنو الغير كل حاجه كده فجأة وعرست زولا بعد ما كانت حتتخطب وتعرس واحد تاني ؟
= السبب هو انو زولا كان بيصلي صلاة الحاجة ❤️ ،
البسببها ربنا غير في القدر ، ورزقو شغل وقروش وخلاهو هو راجل البت الحباها رغم كل ظروفه ❤️
صلاة الحاجة ؛ هي الصلاة البيصليها الإنسان عشان يتوسل لربنا في قضاء أي أمر يحتاجو ❤️
= كيف نصليها ؟
يقول النّبي صلي الله عليه وسلم: ( من كانت له عند الله حاجة أو عند أحد من خلقه ، فليتوضأ ويحسن الوضوء ، ثم يصلي ركعتين ، ثم يقول : لا إله إلا الله الحليم الكريم ، لا إله إلا الله رب العرش العظيم ، الحمد لله رب العالمين ، اللهم صلِ وسلم على سيدنا محمد ، اللهم إني أسألك موجبات رحمتك ، وعزائم مغفرتك ، والسلامة من كل إثم ، والغنيمة من كل بر ، والفوز بالجنة والنجاة من النار .. اللهم لا تدع لي ذنباً إلا غفرته ، ولا عيباً إلا سترته ، ولا ديناً إلا قضيته ، ولا هماً إلا فرجته ، ولا حاجةً من حوائج الدنيا والآخرة هي لك رضا ولنا فيها صلاح ، إلا قضيتها ويسرتها لنا يا أرحم الراحمين ) ..
( ثمّ بعد ذلك تدعو الله وتطلب منه ما تشاء - فإن الله قادر.
كسره ❤️
إتعرفو على دين ربنا ، واعرفو انو في صلاة إسمها صلاة الحاجة ❤️
صلوها بنية خالصه وشوفو قدرته سبحانه في قضاء حاجاتكم ❤️
